Երևանի պետական համալսարանի Իջևանի մասնաճյուղ

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

2015թ. մայիսի 8-ին ԵՊՀ Իջևանի մասնաճյուղի բնական գիտությունների ֆակուլտետում տեղի ունեցավ Շուշիի ազատագրմանը և Հայրենական մեծ պատերազմի հաղթանակի 70-րդ տարեդարձին նվիրված միջոցառում, որը կազմակերպվել էր ֆակուլտետի ուսանողների կողմից:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Ներկա էին Բնական գիտությունների ֆակուլտետի վարչական և պրոֆեսորադասախոսական անձնակազմի ներկայացուցիչներ, ուսանողներ, աշակերտներ, հյուրեր:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Միջոցառումն ուներ հետաքրքիր մեկնարկ: «Դասա՛կ, շարվե՛լ» հրամանով մասնակիցները կազմեցին շարք, ապա դասակի հրամանատարը զեկուցեց դեկանին, որ իրենք պաստրաստ են միջոցառմանը: Ֆակուլտետի դեկանը, տալով «Ազա՛տ» հրամանը, միջոցառումը հայտարարեց բացված:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառման ընթացքում ուսանողները ներկայացրին պատմական համառոտ ակնարկ, հայրենասիրական բանաստեղծություններ, ազգային երգ ու պար, հանդես եկան հետաքրքիր բեմականացումով:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Մասնակիցները նաև ամռանը զորակոչվող իրենց ընկերներին բարի ծառայություն մաղթեցին և փոքրիկ անակնկալ մատուցեցին:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում
Միջոցառման սկզբում և վերջում ՀՀ դրոշի ներքո հնչեց Հայաստանի Հանրապետության պետական օրհներգը:

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառում

«Տուրիզմի զարգացման հիմնախնդիրները Տավուշի մարզում» թեմայով սեմինար

2015թ. մայիսի 7-ին «Տավուշի զբոսաշրջության զարգացման գործակալություն» ՀԿ-ի նախագահ, էքսկուրսավար-թարգմանիչ Հովհաննես Ղահրամանյանը ԵՊՀ ԻՄ-ի «Սերվիս» մասնագիտության առաջին կուրսի ուսանողների համար անցկացրեց «Տուրիզմի զարգացման հիմնախնդիրները Տավուշի մարզում» թեմայով սեմինար, որին ներկա էր նաև Տուրիզմի կառավարման և մշակութաբանության ամբիոնի ասիստենտ, ուսումնական խորհրդատու Պավել Ասիլբեկյանը:

Տավուշի զբոսաշրջության զարգացման ՀԿ-ի տնօրեն  Հովհաննես Ղահրամանյանի հետ հանդիպում

Սեմինարի նպատակն էր ընտրել Հայաստանում տուրիզմի զարգացման համար թիրախային կետ (տվյալ դեպքում` Տավուշը) և առավել արդյունավետ օգտագործել առկա զբոսաշրջային ներուժը` հավասարաչափ բաշխում կատարելով մարզի բոլոր տարածքների միջև և ոչ թե ուշադրությունը կենտրոնացնելով զբոսաշրջային գրավչություն ներկայացնող մեկ-երկու վայրի վրա:

Տավուշի զբոսաշրջության զարգացման ՀԿ-ի տնօրեն  Հովհաննես Ղահրամանյանի հետ հանդիպում

Սեմինարի ընթացքում ներկայացվեցին առաջիկայում իրականացվելիք համագործակցության ծրագրերը, որոնց նպատակը որոշակի տուրարտադրանքների ձևավորման և իրացման գործում նաև մարզի գյուղացիներին ներգրավելն է:

Տավուշի զբոսաշրջության զարգացման ՀԿ-ի տնօրեն  Հովհաննես Ղահրամանյանի հետ հանդիպում

«Տուրիզմի զարգացման հիմնախնդիրները Տավուշի մարզում» թեմայով սեմինարի շրջանակներում առաջարկվեց կատարել ճանաչողական այց դեպի Մակարավանք, այնտեղ իրականացնել մաքրման և բարեկարգման աշխատանքներ:

ԵՊՀ Իջևանի մասնաճյուղի ներքին կարգապահական կանոններում կատարվել են մի շարք փոփոխություններ

ԵՊՀ իջևանի մասնաճյուղի ներքին կարգապահական կանոններում կատարվել են  մի շարք փոփոխություններ

ԵՊՀ Իջևանի մասնաճյուղի գիտական խորհրդի` 2015թ. ապրիլի 18-ի նիստում հաստատվել են ԵՊՀ ԻՄ-ի նոր ներքին կարգապահական կանոնները:

Նոր կանոններն իրենց բովանդակությամբ ու գործնական նպատակներով չեն փոփոխվել, սակայն նրանց առանձին բաժիններում և հոդվածներում կատարվել են որոշակի փոփոխություններ ու լրացումներ, որոնցից հատկանշական են հետևյալները.

1. «ԵՊՀ» ՊՈԱԿ Իջևանի մասնաճյուղի ներքին կարգապահական կանոնները վերանվանվել են «ԵՊՀ» հիմնադրամի Իջևանի մասնաճյուղի ներքին կարգապահական կանոններ:

2. Եթե նախկին կանոններն ունեին 1 բաժին` 108 հոդվածներով, ապա նորն ունի 12 բաժին` 77 հոդվածներով:

3. Եթե նախկին կանոնների դրույթները հիմնականում վերաբերում էին մասնաճյուղի բոլոր աշխատողներին և սովորողներին, ապա նորն իր իրավական ազդեցությունը թողնում է նաև այն անձանց վրա, ովքեր մասնաճյուղի հետ մտել են քաղաքացիական իրավահարաբերությունների մեջ, օգտվում են մասնաճյուղի ծառայություններից կամ աշխատանքներից, ինչպես նաև այլ նպատակով ժամանակավորապես գտնվում են մասնաճյուղի տարածքում:

4. Նոր կանոնների 2-րդ բաժնում աշխատանքի ընդունման կարգի վերաբերյալ բովանդակության մեջ լրացվել է նաև այն օրենսդրական իրավունքը, որ, բացի աշխատանքային պայմանագիր կնքելուց, աշխատողների հետ աշխատանքային հարաբերություններ կարող են ծագել նաև գործատուի կողմից օրենքով սահմանված կարգով աշխատանքի ընդունման մասին անհատական իրավական ակտ ընդունելու միջոցով:

5. 2-րդ բաժինը, որը վերաբերում է մասնաճյուղի տնօրենի իրավունքներին, էական փոփոխությունների չի ենթարկվել:

6. 4-րդ բաժնում, որը վերաբերում է մասնաճյուղի աշխատողների իրավունքներին ու պարտականություններին, կատարվել են որոշակի լրացումներ, մասնավորապես` ավելացվել են հետևյալ իրավունքները.

– Աշխատողներն իրենց աշխատանքային իրավունքների և սոցիալական շահերի պաշտպանման նպատակով ազատորեն կարող են անդամակցել արհեստակցական կազմակերպությանը,

– Օրենքով չարգելված բոլոր միջոցներով կարող են պաշտպանել իրենց աշխատանքային իրավունքներն ու շահերը:

– Աշխատողների պարտականությունների բաժնից հանվել են մի շարք կետեր, մասնավորապես` ա) դասախոսն իրավունք չունի ուսանողին ազատել դասից, իսկ երբ ուսանողը փաստացի ներկա չէ դասին, պարտադիր կարգով նրան հաշվում է որպես բացակա` անկախ բացակայության պատճառի հարգելի կամ անհարգելի լինելուց:

– Նոր կանոնների համապատասխան բաժնից հանվել է նաև դասախոսի այն պարտականությունը, համաձայն որի` նա 15 րոպեի ընթացքում սահմանված կարգով պետք է լրացնի դասամատյանը: Նույն բաժնում ավելացվել են աշխատողների վերաբերյալ պարտավորվածությունները.

– Բարձր պահել ԵՊՀ ԻՄ-ի պատիվն ու հեղինակությունը:

– Աշխատավայրում ունենալ արժանավայել պահվածք` հետևելով հասարակության համակեցության կանոններին:

– Փոխհատուցել մասնաճյուղին պատճառված նյութական վնասը, որ առաջացել է գույքը փչացնելու, կորցնելու, նյութերի գերածախս թույլ տալու, նյութական արժեքները ոչ պատշաճ պահպանելու և նյութական ու դրամական արժեքները հափշտակելու հետևանքով:

7. Նոր և հին կանոնների 5-րդ բաժինները, որոնք վերաբերում են սովորողների իրավունքներին ու պարտականություններին, հիմնականում էական փոփոխությունների և լրացումների չեն ենթարկվել:

8. Փոփոխություններ չեն կատարվել նաև 6-րդ, 7-րդ և 8-րդ բաժիններում, որոնք համապատասխանաբար վերաբերում են մասնաճյուղի վարչակազմի պարտականություններին, աշխատաժամանակին և հանգստի ժամանակին:

9. 9-րդ բաժնում, որը վերաբերում է աշխատանքային և ուսումնական հաջողությունների խրախուսման կարգին, չկա շնորհակալության հայտնումը` որպես խրախուսանքի տեսակ, դրա փոխարեն նախատեսվել է պատվոգրի, շնորհակալագրի և մեդալի հանձնում:

10. 10-րդ բաժնում, որը վերաբերում է պատասխանատվությանը աշխատանքային և ուսումնական կարագապահության խախտումների դեպքերում, էական լրացումներ և փոփոխություններ չեն կատարվել:

11. Համաձայն ՀՀ աշխատանքային օրենսգրքի և նոր ներքին կարգապահական կանոնների` տույժի տեսակներ են համարվում`

ա) նկատողությունը,

բ) խիստ նկատողությունը,

գ) աշխատանքային օրենսգրքի 113, 120, 121 և 122 հոդվածների հիմքերով աշխատանքային պայմանագրի լուծումը, իսկ ուսանողների համար` հեռացումը համալսարանից:

Առկա և հեռակա ուսուցման համակարգերում դասերից սահմանված ժամաքանակներով անհարգելի բացակայությունների դեպքում կիրառվող կարգապահական տույժերը մնացել են նույնը:

12. 11-րդ բաժնի հոդվածները և նորմերը ներառվել են նոր կանոնների 10-րդ բաժնի մեջ:

13. 11-րդ բաժնը, որը վերաբերում է ուսանողների իրավունքների վերականգնմանը, չի ընդգրկվել նոր կանոններում, և այդ գործընթացը կարգավորվում է առանձին իրավական ակտով:

14. Նոր կանոնների 11-րդ բաժնում, որը վերաբերում է ուսումնական կարգապահությանը, ավելացվել է նոր բովանդակություն, համաձայն որի` մասնաճյուղում սահմանվող ուսումնական պարապմունքների տեսակներ են համարվում`

– դասախոսությունը,

– գործնական, սեմինար և լաբորատոր պարապմունքները,

– խորհրդատվությունը,

– ուսումնական և արտադրական պրակտիկան:

15. Նոր կանոններում ամրագրվել են նաև հետևյալ կարգապահական պահանջները.

– Ընթացիկ և եզրափակիչ քննությունների կամ ստուգարքների ժամանակ քննասենյակ մտնելիս ուսանողին արգելվում է իր հետ վերցնել կապի, հեռախոսահաղորդակցության, համացանցային հաղորդակցության տեխնիկական միջոցներ կամ այլ սարքավորումներ:

 Այդպիսիք հայտնաբերելու դեպքում դասախոսը պարտավոր է դադարեցնել տվյալ ուսանողի քննությունը, նրան հեռացնել քննասենյակից և քննական տեղեկագրում նշանակել «անբավարար» գնահատական:

16. Հին կանոնների 14-րդ և նորի 12-րդ բաժինները վերաբերում են ուսումնական մասանաշենքերի շահագործման կարգին և դրանցում էական լրացումներ ու փոփոխություններ չեն կատարվել:

ԵՊՀ Իջևանի մասնաճյուղի իրավական ակտերի նախագծերի մշակման
և փորձաքննության հանձնաժողովի նախագահ Ա.Ս.Հովհաննիսյան

Ճանաչողական այց դեպի Թբիլիսի

2015թ. մայիսի 3-ին ԵՊՀ ԻՄ-ի «Սերվիս» մասնագիտության 3-րդ կուրսի ուսանողներն իրենց դասախոսների (Լևոն Լաճիկյան, Ջեննի Թամարյան, Ռուզաննա Ավետիսյան) ուղեկցությամբ ճանաչողական այց կատարեցին դեպի հարևան Վրաստանի մայրաքաղաք:

Ճանաչողական այց դեպի Թբիլիսի

Դա յուրատեսակ բաց դաս էր այդ մասնագիտության ուսանողների համար, ովքեր անցնում են «Հայկական սփյուռքի աշխարհագրություն» առարկան և առաջին քայլերն են անում տիրապետելու վրացերենի նրբություններին ու լեզվական առանձնահատկություններին:

Ուսանողներին հնարավորություն տրվեց մոտիկից ծանոթանալու մերձավոր սփյուռքի այդ համայնքի հետ, ինչպես նաև կիրառելու իրենց լեզվական հմտությունները:

Ուղևորության ընթացքում մասնաճյուղի տուրիզմի կառավարման և մշակութաբանության ամբիոնի ասիստենտ Լ.Լաճիկյանը ներկայացրեց դասախոսություն` նվիրված վիրահայ համայնքի պատմությանն ու ներկային:

Ճանաչողական այց դեպի Թբիլիսի

Ապա ուսանողները մասնակցեցին Թբիլիսիի Էջմիածնեցոց Սուրբ Գևորգ եկեղեցու կիրակնօրյա պատարագին, որին հաջորդեց հանդիպումը Հայ առաքելական եկեղեցու վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի հետ:

Ճանաչողական այց դեպի Թբիլիսի

Սրբազան հայրը ողջունեց ԵՊՀ ԻՄ-ի պատվիրակության այցը Վրաստան և հույս հայտնեց, որ այն լավ սկիզբ կնշանավորի երկու հարևան երկրների երիտասարդության միջև կապերն ամրապնդելու և զարգացնելու ճանապարհին:

Նա իր խոսքում հանգամանորեն անդրադարձավ Հայ առաքելական եկեղեցու վիրահայոց թեմի անցյալին ու ներկա մարտահրավերներին: Թեմակալ առաջնորդը միաժամանակ հետաքրքրվեց մասնաճյուղում վիրահայության համար բարձրագույն կրթություն ստանալու հնարավորություններով և հետագա համագործակցությունը խորացնելու հեռանկարով:

Ճանաչողական այց դեպի Թբիլիսի

Հիշարժան էր շրջայցը Վիրահայոց թեմի «Հայարտուն» կրթամշակութային և երիտասարդական կենտրոնի սրահներով, որտեղ հայկական շունչն ու ոգին էր տիրում:

Ճանաչողական այց դեպի Թբիլիսի

Իջևանի ուսանողների և թիֆլիսահայ երիտասարդների միջև այս հանդիպումը նախաձեռնելով` վրացերեն լեզվի դասախոս, Վրաստանում ծնված և իր բարձրագույն կրթությունը Թբիլիսիում ստացած Ջեննի Թամարյանը նպատակ ուներ այդ ծանոթությունը իմաստավորել հետագա ձեռնարկներով:

Ճանաչողական այց դեպի Թբիլիսի

«Հայարտուն» կենտրոնի ղեկավար Լևոն Չիդիլյանը և կրթական ծրագրերի պատասխանատու Եվգենյա Մարկոսյանը ուսանողներին պատմեցին «Սուրբ Մովսես Խորենացի» նախակրթարանի և կիրակնօրյա հայկական վարժարանի մասին, որտեղ ուսումնական երկամյա ծրագիր է նախատեսված ինչպես ոչ հայախոսների, այնպես էլ հայերենին տիրապետողների համար:

Ճանաչողական այց դեպի Թբիլիսի

Շատ հուզիչ էր հայ մշակույթի նվիրյալ Ռոզա Մանուկյանի սաների ելույթը, ովքեր բանաստեղծություններ ներկայացրին Ջավախքի անմահ զավակ Վահան Տերյանի պեոզիայից:

Այնուհետև «Հայարտուն» կենտրոնի երիտասարդների ուղեկցությամբ մեր ուսանողներն այցելեցին և խոնարհվեցին Խոջիվանքի պանթեոնում ամփոփված հայ գրողների ու հասարակական գործիչների շիրիմներին:

Ճանաչողական այց դեպի Թբիլիսի

Թե՛ ուսանողներին և թե՛ դասախոսներին տպավորեցին Թբիլիսիի Սամեբա երկնասույզ քրիստոնեական տաճարն ու մյուս նորակառույցները, որոնք Վրաստանի մայրաքաղաքին նոր փայլ ու շունչ են հաղորդել:

Ճանաչողական այց դեպի Թբիլիսի

Թբիլիսիից ուսանողները վերադարձան խորը տպավորություններով ու հույզերով:
Նշենք, որ մասնաճյուղի պատվիրակության այցի մասին Վիրահայոց թեմի մամլո դիվանը չորս լեզուներով (հայերեն, վրացերեն, ռուսերեն և անգլերեն) տեղեկատվություն է տարածել թեմի և «Հայարտան» կայքերում:

Տե՛ս armenianchurch.gerwww.facebook.com:

Մեր ուսանողները մասնակցեցին ամառային դպրոցի

2015թ. մայիսի 2-ին և 3-ին «Դիլիջան» ազգային պարկի այցելուների կենտրոնում անցկացվեց «Էկոտուրիզմի կազմակերպման և կայուն զարգացման հիմնահարցերը» խորագրով երիտասարդ գիտնականների դպրոց, որը կազմակերպել էր «ԵՊՀ երիտասարդ գիտնականների միավորում» ՀԿ-ն՝ ՀՀ նախագահի հովանու ներքո իրականացվող Երիտասարդ գիտնականների աջակցության ծրագրի շրջանակներում:

Դպրոցի` ավելի քան 50 մասնակիցների թվում էին ԵՊՀ Իջևանի մասնաճյուղի ուսանողներ Ալբերտ Զուրաբյանը, Լիա Բլբուլյանը, Վաչե Ափինյանը, Անահիտ Ղալումյանը, Աննա Ղազարյանը, Արփինե Գասպարյանը, շրջանավարտներ Սլավիկ Ալավերդյանը և Մարիամ Պետրոսյանը:

Դասախոսություններով հանդես եկան ԵՊՀ-ից, ՀՊՀՄ-ից, ԳԱԱ-ից հրավիրված առաջատար մասնագետներ:

Բացման խոսքով հանդես եկան դպրոցի կազմկոմիտեի նախագահ Տիգրան Քեռյանը և «ԵՊՀ երիտասարդ գիտնականների միավորում» ՀԿ-ի նախագահ Կառլեն Խաչատրյանը:

Առաջին օրվա դասախոսություններն ունեին տեսական-ներածական բնույթ:

1. «Կայուն զարգացման համաշխարհային գործընթացը և Հայաստանի մասնակցությունը» թեմայով դասախոսություն ներկայացրեց ա.գ.թ., պրոֆեսոր Կարինե Դանիելյանը:

2. «Լանդշաֆտային պլանավորումը կայուն զբոսաշրջության զարգացման տեսանկյունից» թեմայով դասախոսություն ներկայացրեց ա.գ.թ., պրոֆեսոր Աշոտ Խոյեցյանը:

3. «Կայուն զբոսաշրջության էությունն ու առանձնահատկությունները» և «Էկոզբոսաշրջության էությունն ու զարգացման արդի միտումները» թեմաներով դասախոսություններ ներկայացրեց ա.գ.թ., դոցենտ Տիգրան Սարգսյանը:

Երկրորդ օրվա դասախոսություններում շեշտը դրված էր գործնական հմտությունների զարգացման և փորձի փոխանակման վրա:

1. «Միջմշակութային հաղորդակցությունը զբոսաշրջության ոլորտում» դասախոսության մեջ ա.գ.թ. Գոռ Ալեքսանյանը ներկայացրեց զբոսավարության համար անհրաժեշտ բաղադրիչները և միջմշակութային հաղորդակցման ժամանակ առաջացող խնդիրները, նշեց տարբեր ազգերի ներկայացուցիչների մոտ նույն ժեստի տարբեր իմաստների մասին:

2. «Ազգային պարկերը, որպես էկոզբոսաշրջության զարգացման օբյեկտ. վերլուծություն «Դիլիջան» ԱՊ-ի օրինակով» թեմայով դասախոսության մեջ ՀՊՀՄ հայցորդ Տիգրան Քեռյանը ներկայացրեց «Դիլիջան» ազգային պարկի զբոսաշրջային պոտենցիալը, կիսվեց իր զբոսավարության փորձով:

3. «Ջրային ավազանները որպես էկոտուրիզմի զարգացման օբյեկտ» թեմայով դասախոսության մեջ կ.գ.թ. Վարդան Ասատրյանը ներկայացրեց ՀՀ ջրային ռեսուրսների զբոսաշրջային պոտենցիալը, դրանց օգտագործման միջազգային չափանիշները, տուրիզմի տարբեր ձևերի զարգացման հնարավորություններ ունեցող ջրային օբյեկտները, ՀՀ-ի հանքային ջրերի նմանությունը աշխարհում հայտնի հանքային ջրերին:

Դպրոցի մասնակիցներին տրվեցին հավաստագրեր, կազմակերպչական հարցերում աջակցածներին և դասախոսներին՝ շնորհակալագրեր: