ԵՊՀ Իջևանի մասնաճյուղը հայտարարում է բաց մրցույթ շրջանավարտների և կարիերայի կենտրոնի պատասխանատուի թափուր պաշտոնը զբաղեցնելու համար:

 Աշխատանքի տեսակը՝  հիմնական

Աշխատանքի նկարագրությունը՝ կազմակերպել մասնաճյուղում իրականացվող կրթական ծրագրերի և շրջանավարտների որակի վերաբերյալ տեղեկատվության տարածումը, նպաստել տարածաշրջանի ձեռնարկությունների և ուսումնական հաստատությունների հետ կապի զարգացմանը, աշխատանքային շուկայում մասնաճյուղի շրջանավարտների մրցունակության աճին և աշխատանքի տեղավորմանը, ապահովել շրջանավարտների և մասնաճյուղի միջև մշտական կապը և համագործակցությունը

 Պահանջվող կրթությունը՝  բարձրագույն

Պահանջվող որակավորումները՝

• Անգլերեն և ռուսերեն լեզուների լավ իմացություն,
• համակարգչից օգտվելու բավարար հմտություններ (MC office, Windows, Internet ),
• բարձրագույն կրթության համակարգը կարգավորող իրավական ակտերի իմացություն,
• աշխատանքի (թիմային) կազմակերպման և ղեկավարման անհրաժեշտ հմտություն և փորձ, էթիկայի կանոնների իմացություն:

 Մրցույթին մասնակցելու համար անհրաժեշտ է ներկայացնել հետևյալ փաստաթղթերը՝

• Մեկ լուսանկար՝ 3×4 չափի,
• ինքնակենսագրություն,
• անձնագիր, բարձրագույն կրթության դիպլոմ, իսկ արական սեռի անձինք` նաև զինգրքույկ կամ դրան փոխարինող ժամանակավոր զորակոչային տեղամասին կցագրման վկայական, և դրանց պատճենները,
• կենտրոնի եռամյա զարգացման և հայեցակարգային ծրագրի հիմնադրույթների բանավոր ներկայացում,
• մոտիվացիոն նամակ (1 էջի սահմաններում):

 Դիմումների ընդունման վերջնաժամկետը՝ հուլիսի 15-ը:

 Պահանջվող փաստաթղթերն անհրաժեշտ է ներկայացնել ԵՊՀ ԻՄ-ի անձնակազմի կառավարման բաժին կամ ուղարկել natella.gri@gmail.com էլեկտրոնային հասցեին:

Մանրամասների համար կարող եք զանգահարել 091-68-42-50 հեռախոսահամարով:

Հայտարարվում է մրցույթ Երևանի պետական համալսարանի Իջևանի մասնաճյուղի համակարգչային օպերատորի 3 /երեք/ թափուր տեղի համար:

Մրցույթին կարող են մասնակցել այն քաղաքացիները, ովքեր ունեն.

ա/ բարձրագույն կրթություն,

բ/ համակարգչային և այլ տեխնիկական միջոցներով աշխատելու բարձր հմտություն,

գ/ տիրապետում են առնվազն մեկ օտար լեզվի:

Մրցույթին մասնակցելու համար անհրաժեշտ է ներկայացնել հետևյալ փաստաթղթերը.

ա/ գրավոր դիմում` տնօրենի անունով,

բ/ անձնագրի պատճեն,

գ/ երկու լուսանկար` 3X4 չափսի,

դ/ աշխատանքային գրքույկի պատճեն,

ե/ բարձրագույն կրթության դիպլոմի պատճեն,

զ/ ինքնակենսագրություն,

է/ թափուր աշխատատեղը զբաղեցնելու համար մասնագիտական գիտելիքների և աշխատանքային ունակությունների ներկայացվող պահանջների բավարարումը հավաստող հավաստագրերի պատճեներ (առկայության դեպքում),

ը/ այլ պետությունների քաղաքացիները` ՀՀ-ում աշխատելու իրավունք:

Մրցույթի մասնակիցների գիտելիքների և մասնագիտական կարողությունների ստուգումն անց է կացվելու երկու փուլով` տեսական գիտելիքների և գործնական հմտությունների ուղղությամբ:

Փաստաթղթերն ընդունվում են ԵՊՀ Իջևանի մասնաճյուղի Անձնակազմի կառավարման բաժնում 2012թ. հոկտեմբերի 22-ից մինչև նոյեմբերի19-ը, ամեն օր, ժամը 10:00-ից մինչև 16:00, բացի շաբաթ և կիրակի օրերից:

Մրցույթն անցկացվելու է 2012թ. նոյեմբերի 24-ին` ժամը 15:00-ին, ԵՊՀ Իջևանի մասնաճյուղում (հասցեն` ք. Իջևան, Ուսանողական 3):

Տեղեկությունների համար զանգահարել` հեռ. (094) 46-71-15:

ԵՊՀ ԻՋԵՎԱՆԻ ՄԱՍՆԱՃՅՈՒՂԻ ՏՆՕՐԵՆՈՒԹՅՈՒՆ