Երևանի պետական համալսարանի Իջևանի մասնաճյուղ

«Կարելի է գիտության և արվեստի մի բնագավառում չունենալ ընդունակություններ, բայց լինել հանճարեղ մարդ». Վահան Տերյան

l-UZ5Sou5rGA

 Սիրով ձեզ ենք ներկայացնում Վահան Տերյանի ասույթներից.

  1. Իր արժեքն իմացող մարդը երբեք ավելին չի անի, քան ինչին ինքն արժանի է:
  2. Մարդու ամենաթանկարժեք սեփականությունը անկեղծությունն է:
  3. Որպեսզի կյանքն ընթանա այնպես, ինչպես ժամացույցը, այն երբեմն պետք է լարել:
  4. Ինչը որ չկարողացար՝ քեզ կներվի, բայց ինչը որ չուզեցիր՝ երբեք:
  5. Փառքը հաճախ մարդու արժանիքի ցուցանիշը չէ:
  6. Թեթև փառքը հաջողություն է։ Հաստատուն փառքը ձեռք է բերում միայն վաստակներով, իրական ծառայություններով:
  7. Կան տաղանդի տեր մարդիկ՝ օժտված ընդունակություններով դեպի գիտությունը, պոեզիան, արվեստը ընդհանրապես, կան մարդիկ էլ՝ մարդկայնության տաղանդի տեր։ Ես ուզում եմ ասել, մոտավորապես, որ Պուշկինը տաղանդավոր բանաստեղծ է, իսկ X-ը՝ տաղանդավոր մարդ:
  8. Կարելի է լինել հանճարեղ գրող, կոմպոզիտոր, մաթեմատիկոս և ապաշնորհ մարդ։ Կարելի է գիտության և արվեստի մի բնագավառում չունենալ ընդունակություններ, բայց լինելհանճարեղ մարդ:
  9. Տաղանդավոր գրողները գեղեցկացնում են գրականությունը, տաղանդավոր մարդիկ զարդարում են կյանքը:
  10. Կարելի է լինել շատ կուլտուրական մարդ և քիչ իմանալ, և կարելի է լինել շատ իմացող, բայց անկուլտուրական մարդ:
  11. Չէ՞ որ մարդիկ երկուսով միշտ ավելի մոտ, ինտիմ և անկեղծ են, քան երբ նրանք երեքով են՝ անկախ հարաբերություններից:
  12. Տա՛ աստված, որ ուժգին սիրեք, ում որ սիրում եք: Սիրուց լավ բան չկա:
  13. Եթե սեր չկա, ինչի համար պիտի չարչարվեմ չար աշխարհում:
  14. Իմացե՛ք միայն՝ իմ սիրտը անկեղծ սրտի ողջույնին կրկնակի ողջույնով է պատասխանում:
  15. Մի ընդհանուր իդեալ, որ գերիշխող է եղել մեր մտավորականների աշխարհայացքում մինչև վերջին ժամանակները. դա ազատ հայրենիքի և ազգային անկախության գաղափարներն են:
  16. Եվ հիրավի, որ մենք կանգնած ենք խոշոր, գուցե ճակատագրական գալիքի առջև… կամ համաքայլ ընթանալ ժամանակի հետ, կա՛մ կուլ գնալ դաժան մրցակցությանը:
  17. Նյութական կորուստները միշտ կարելի է վերադարձնել, իսկ հոգևոր կորուստն անդառնալի է:
  18. Լեզուն ազգի հոգին է. կենդանի է այդ հոգին, կենդանի է ազգը, կենսունակ է առաջինը, ուրեմն կենսունակ է նաև երկրորդը:
  19. Լեզուն ժողովրդի հոգու, բնավորության արտահայտիչն է։ Կուլտուրականության առաջին պայմանը զարգացած, հարուստ ու ճկուն լեզուն է։ Լեզուն ազգի հոգին է:
  20. Այդ (հին հայերենը) ոսկի է, այդ լեզու չէ, այլ երկնային երաժշտություն, պերճանք, հարստություն, ուժ, ճկունություն, այդ բոլորը ես միայն հիմա եմ սկսում զգալ։ Եվ ինչպիսի անհաջողություններ էլ կրելու լինեմ, և որքան էլ ինձ դժվարին լինի, ես պատրաստ եմ ամեն բանի, միայն թե իրագործվի իմ երազանքը՝ կատարելապես սովորել այդ վեհաշուք լեզուն:
  21. Հայ գրականության մեջ իշխող գաղափարը, նրա հիմնական առաջմղիչ ուժը ազգային գոյության, ազգային անկախության գաղափարն է:
  22. Մեր Հայրենիքի ցավը մեզ այնպես է մաշում, ջլատում, կեղեքում, որ մենք դառնում ենք անընդունակ ուրիշ բան հասկանալու կամ անելու: Դա հիվանդագին մի սեր է, դա մի անհաղթելի մոլություն է. դրա պրիզմայով է բացվում մեր առջև աշխարհը:
  23. Կյանքս ոչ թե անցնում է, այլ այրվում մի ներքին դառն կրակով. և ես անզոր եմ այդ կրակի դեմ և անօգնական: Եվ ես երբեմն մտածում եմ, որ դա ունի իր խորին իմաստը: Չէ՞ որ այդպես, իմ հոգու նման, այրվում է իմ երկիրը. «Իմ Նաիրի – գուցե դրա համար է այրվում և իմ հոգին, որովհետև իմ հոգու մեջ նաիրյան չքնաղ հոգին է այրվում»: Ես ևս սկսում եմ ինձ զգալ կոչված մեկը նրանցից, որոնց վիճակվել է «Նաիրյան» հոգու բարձր տառապանքը կրել իրենց հոգու մեջ:
  24. Մեր երկիրը ավերակների երկիր է, ավերված մի Հայրենիք, որ մենք այսօր կամենում ենք կենդանացնել, որին կամենում ենք նոր կյանքի կոչել: Մեր  Հոգևոր Հայրենիքը նույնպես ավերված մի երկիր է և այդ ավեր ու անավարտ շենքը կանգնեցնելու համար որպիսի՜ ջերմ սեր, որպիսի՜ անձնվիրություն, որպիսի՜ բուռն ոգևորություն է հարկավոր:
  25. Եթե հիրավի այսօր պարզված է հայության սիրտը դեպի ապագան, եթե հիրավի հավատում է նա իր ապագային, ապա իր հայացքը ոչ միայն դեպի Վան կամ Էրզրում պիտի ուղղի, այլ իր ներսը, իր հոգու խորքը՝ տեսնելու համար, թե կա՞ արդյոք իր մեջ այն ամենը, որ կենդանություն է ներշնչում մեր նյութական հայրենիքին, այդ Վան և Մուշ և Էրզրումին: Քննեցե՛ք ձեր սիրտը և նայեցեք, թե կա՞ արդյոք այնտեղ հավատ, որով պիտի կենդանանա մեր այդ Հոգևոր Հայաստանը. եթե չկա, ապա զուր են ձեր ջանքերը նյութական Հայաստանի համար… Նա չի կենդանանա: Նա հոգո՛վ միայն կարող է կենդանի լինել: Դատարկ խոսքեր են մեր փոքր ազգ լինելու մասին հնչող ճառերը. ո՛չ բելգիացիք են մեծ ազգ, ո՛չ նորվեգացիք, մինչդեռ որպիսի դյութական անուններ են դրանք, որքա՜ն սիրելի ոչ միայն իրենց՝ այդ երկրների զավակների, այլև մեզ և ուրիշների համար…

 

«…Եթե ես կյանքի ևս մի պատառիկ ունենայի, ոչ մի օր չէի անցկացնի առանց ասելու իմ սիրած մարդկանց, որ ես նրանց սիրում եմ: …Ոչ ոք քեզ չի հիշելու մտքերիդ համար: Աստծուց իմաստնություն և ուժ խնդրիր, որ ասես այն, ինչ զգում ես… ». Գաբրիել Գարսիա Մարկես. «Նամակ մահվանից առաջ»

146a43fa7a69128df2cf068596813bd1

Եթե Աստված գեթ մի պահ մոռանար, որ ես միայն կտորե խամաճիկ եմ և ինձ կյանքի մի պատառիկ նվիրեր, այդժամ ես երևի չէի ասի այն ամենն, ինչ մտածում եմ, բայց հաստատ կմտածեի այն ամենն ինչ ասում եմ։ Ես իրերը կգնահատեի՝ հասկանալով, որ ամեն րոպե, երբ մենք փակում ենք աչքերը, կորցնում ենք լույսի վաթսուն վայրկյան։ Ես կքայլեի, քանի դեռ մյուսները կանգնած են, չէի քնի,միչդեռ մյուսները քնած են։ Ես կլսեի, երբ մյուսները խոսում են և կվայելեի շոկոլադե պաղպաղակի հիանալի համը։

Եթե Աստված ինձ կյանքի մի պահ էլ պարգևեր, ես ավելի համեստ կհագնվեի, կպառկեի արևի շողերի տակ և նրա ջերմությանը ի ցույց կդնեի ոչ միայն մարմինս, այլև հոգիս: Տեր Աստված, եթե ես սիրտ ունենայի, ես կգրեի իմ ամբողջ ատելությունը սառույցի վրա և կսպասեի մինչև դուրս գա արևը: Ես կնկարեի Վան Գոգի երազով Բենեդետտիի պոեմի աստղերի վրա և Սերրատի երգը սերենադի պես կնվիրեի լուսնին: Ես արցունքներով կջրեի վարդերը, որպեսզի զգամ նրանց փշերի ծակոցների ցավը և թերթիկների համբույրը:

Տեր Աստված, եթե ես կյանքի ևս մի պատառիկ ունենայի, ոչ մի օր չէի անցկացնի առանց ասելու իմ սիրած մարդկանց, որ ես նրանց սիրում եմ: Ես կհամոզեի ինձ թանկ յուրաքանչյուր մարդուն իմ սիրո մեջ և կապրեի` սիրահարված … սիրուն: Ես կբացատրեի բոլոր նրանց, ովքեր մոլորության մեջ մտածում են, թե դադարում են սիրահարվել ծերանալուն զուգընթաց, որ ծերանում են այն ժամանակ, երբ դադարում են սիրահարվել:

Երեխային ես թևեր կնվիրեի, բայց կթողնեի, որ ինքնուրույն սովորի թռչել: Ծերերին ես կհամոզեի, որ մահը ծերության հետ չի գալիս, այլ մոռացության:

Ես ձեզանից այնքան բան եմ սովորել, մարդի՛կ. ես հասկացել եմ, որ ամբողջ աշխարհը ուզում է ապրել սարերում` չհասկանալով, որ իրական երջանկությունը սարը բարձրանալու մեջ է:

Ես հասկացել եմ, որ այն պահից, երբ նորածինն իր փոքրիկ բռունցքում սեղմում է հոր մատը, այլևս երբեք այն բաց չի թողնի: Ես հասկացել եմ, որ մեկը մյուսին բարձրից նայելու իրավունք ունի միայն այն ժամանակ, երբ օգնում է նրան բարձրանալ:

Այնքան բան կա, որ ես դեռ կարող էի ձեզնից սովորել, մարդի՛կ, սակայն սովորածս ինձ դժվար թե պետք գա, որովհետև երբ ինձ դնեն այդ ճամպրուկի մեջ, ես, ցավոք սրտի, արդեն մահացած կլինեմ:

Միշտ ասա այն, ինչ զգում ես և արա այն, ինչ մտածում ես:               

Եթե ես իմանայի, որ ես այսօր քեզ վերջին անգամ եմ տեսնում քնած, ես քեզ պինդ կգրկեի և կաղոթեի Աստծուն, որ ինձ քո պահապան հրեշտակը դարձնի:

Եթե ես իմանայի, որ այսօր վերջին անգամ եմ տեսնում, թե ինչպես ես դուրս գալիս դռնից, ես քեզ կգրկեի, կհամբուրեի և նորից կկանչեի, որպեսզի ավելին տամ: Եթե ես իմանայի, որ քո ձայնը վերջին անգամ եմ լսում, կձայնագրեի ամենն, ինչ ասում ես, որպեսզի էլի ու էլի լսեմ, անվերջ: Եթե ես իմանայի, որ սրանք վերջին րոպեներն են, որ ես քեզ տեսնում եմ, ես կասեի. «Սիրում եմ քեզ» ու հիմարի պես չէի մտածի, որ դու դա գիտեիր:

Միշտ կա վաղը, և կյանքը մեզ ամեն ինչ ուղղելու ևս մեկ հնարավորություն է տալիս, սակայն եթե ես սխալվում եմ, և այսօրը այն ամենն է, ինչ մեզ մնացել է, ապա ես կուզեի քեզ ասել, թե ինչքան ուժեղ եմ քեզ սիրում ու որ երբեք չեմ մոռանա քեզ: Ո՛չ պատանին, ո՛չ ծերը չեն կարող վստահ լինել, որ իրենց համար վաղը կգա:

Այսօրը կարող է լինել վերջին օրը, որ դու տեսնում ես սիրելիներիդ: Այնպես որ մի՛ սպասիր ինչ-որ բանի, այսօր արա այն, ինչ մտածել ես, որովհետև եթե վաղը երբեք չգա, դու կափսոսաս այն օրվա համար, երբ ժամանակ չգտար մեկ ժպիտի, մեկ անգամ գրկելու, մեկ համբույրի համար, երբ դու չափազանց զբաղված էիր` վերջին ցանկությունն իրականացնելու համար: Ոգևորիր հարազատներիդ, շշնջա նրանց ականջին, թե ինչքան պետք են նրանք քեզ, սիրիր նրանց և գուրգուրանքով վարվիր, ժամանակ գտիր, որ ասես «կներես», «խնդրեմ», «շնորհակալություն» և սիրո այն բոլոր բառերը, որ գիտես:

Ոչ ոք քեզ չի հիշելու մտքերիդ համար: Աստծուց իմաստնություն և ուժ խնդրիր, որ ասես այն, ինչ զգում ես: Ցույց տուր ընկերներիդ, թե ինչ կարևոր են նրանք քեզ համար:

Եթե դու չասես այդ ամենն այսօր, վաղը կլինի նույնը, ինչ երեկ: Եվ եթե դու չանես դա երբեք, ոչինչ նշանակություն չի ունենա: Իրականացրու երազանքներդ: Այդ պահը եկել է:

 

Գաբրիել Գարսիա Մարկես.  «Նամակ մահվանից առաջ»

«Տվեք մարդուն նպատակ, հանուն որի արժե ապրել, և նա կգոյատևի յուրաքանչյուր իրավիճակում». Յոհան Վոլֆգանգ ֆոն Գյոթե

     johann-wolfgang-von-goethe-17

Սիրով ձեզ ենք ներկայացնում մեծն Յոհան Վոլֆգանգ ֆոն Գյոթեի ասույթներից.

  1. Մենք մեր ցանկություններից առավել հեռու չենք լինում, որքան այն ժամանակ, երբ կարծում ենք, որ տիրում ենք ցանկություններին:
  2. Երկու վիճող մարդկանցից առավել մեղավորը նա է, ովխելացի է:
  3. Ճարտարապետությունը քարացած երաժշտություն է:
  4. Վարքը հայելի է, որում ամեն մեկը ցուցադրում է իր պատկերը:
  5. Ամեն մեկը լսում է այն, ինչ հասկանում է:
  6. Հումորը հանճարեղության տարրերից մեկն է:
  7. Տաղանդը հասունանում է լռության մեջ, բնավորությունը կոփվում է կյանքի փոթորկում:
  8. Ոչինչ կորսված չէ, քանի դեռ կորսված չէ ամեն ինչ:
  9. Ապրում ես միայն մեկ անգամ:
  10. Սովորել կարելի է միայն այն, ինչ սիրում ես:
  11. Կյանքի նպատակը հենց կյանքն է:
  12. Ասում են, որճշմարտությունը գտնվում է երկու հակադիր կարծիքների միջև: Ոչ մի դեպքում: Դրանց միջև ընկած է պրոբլեմը:
  13. Ըստ տղամարդու կողմից ընտրված հարսնացուի՝ հեշտությամբ կարելի է դատել, թե ինչպիսին է նա և գիտի՞ արդյոք նա իր արժեքը:
  14. Խելացի մարդը նա չէ, ով շատ բան գիտի, այլն նա, ով գիտի ինքն իրեն:
  15. Բավարար չէ միայն գիտելիք ստանալ, անհրաժեշտ է գտնել դրան կիրառություն: Բավարար չէ միայն ցանկանալ, անհրաժեշտ է գործել:
  16. Կյանքը չափազանց կարճ է, որպեսզի վատ գինիներ խմենք:
  17. Մարդու բնավորությունը ոչնչում այդքան ակնհայտ չի դրսևորվում, որքանայն բանում, ինչը նա ծիծաղելի է համարում:
  18. Զգացմունքները չեն խաբում: Խաբում են դրանցով կազմված դատողությունները:
  19. Այն, ինչ գնահատվում է առավել, երբեք չպետք է ենթարկվի նրան, ինչ համարվում է նվազ:
  20. Այնտեղ, որտեղ հիմարությունը օրինակելի է, այնտեղ խելացիությունը խելագարություն է:
  21. Տվեք մարդուն նպատակ, հանուն որի արժե ապրել, և նա կգոյատևի յուրաքանչյուր իրավիճակում:
  22. Ով զգում է իր համակրելիությունը, նա էլ դառնում է համակրելի:
  23. Եթե ծիածանը երկար է մնում, նրա վրա այլևս չեն նայում:
  24. Ամենածիծաղելի ցանկությունը բոլորին դուր գալու ցանկությունն է:
  25. Միայն իրապես երջանիկ և մեծագույն է նա, ում պետք չէ իրենից որևէ բան ներկայացնելու համար ո՛չ ենթարկվել, և ո՛չ էլ հրամայել:
  26. Սերը իդեալական բան է, ամուսնությունը՝ իրական: Իդեալականի ևիրականի խառնումը երբեք անպատիժ չի անցնում:
  27. Միայն նա է արժանի կյանքին և ազատությանը, ով ամեն օր դրանց համար մարտի է ելնում:
  28. Արդյո՞ք սերը որևէ ընդհանուր բան ունի խելքի հետ:
  29. Մենք սովորել ենք, որ մարդիկ ծաղրում են այն ամենը, ինչ չեն հասկանում:
  30. Մարդը պետք է հավատա, որ անհասկանալին կարելի է հասկանալ:
  31. Կարգուկանոնը տխրահռչակ արդարությունից ավելի կարևոր է:
  32. Եթե կամենում եք ուրիշների հետ հաշտ ու համերաշխ ապրել և նրանց հարգանքը վայելել, ինքներդ էլ պարտավոր եք նրանց հարգել:
  33. Արդեն կարդացած գրքի կրկնակի ընթերցումը կրթվածության ամենահուսալի փորձաքարն է:
  34. Ոչ ոք չգիտի՝ ինչ ուժի տեր է, մինչև ուժը չփորձի:
  35. Միշտ կարելի է գտնել ժամանակ, եթե այն լավ օգտագործես:
  36. Ոչ ոք չի կարող ուրիշներին մեղադրել, քանի դեռ չի սովորել իր սեփական արարքները դատապարտել:
  37. Վախկոտը սպառնում է, երբ անվտանգության մեջ է:
  38. Փորձիր պարտքդ կատարել, և դու կիմանաս, թե ինչի ես ընդունակ:
  39. Հավատա կյանքին: Կյանքը քեզ կսովորեցնի բոլոր իմաստուններից ու բոլոր գրքերից ավելի լավ:
  40. Իմաստությունը լոկ ճշմարտության մեջ է:
  41. Ամենաիմաստուն մարդը նա է, ում ամենից շատ վրդովում է ժամանակի կորուստը:
  42. Ճաշակը զարգանում է ոչ թե միջակ, այլ ամենակատարյալ նմուշների հիման վրա:
  43. Ինչը չի գրավում, մեռած է:

 

ՀՀ ԿԳՆ գիտության կոմիտեն հայտարարում է մրցույթ

Նկ. Հայաստանի Հանրապետության կրթության և գիտության նախարարության գիտության կոմիտեն կազմակերպում է գիտության ոլորտում ենթակառուցվածքի, նյութատեխնիկական բազայի արդիականացման համար ֆինանսական աջակցության տրամադրման հայտերի ընտրության ՄՐՑՈՒՅԹ:

Մրցույթին մասնակցելու հայտ ներկայացվում է Հայաստանի Հանրապետության պետական բյուջեից գիտական և գիտատեխնիկական գործունեության բազային ֆինանսավորման ծրագրում ընդգրկված գիտական պետական կազմակերպությունների կամ բուհերի կողմից ենթակառուցվածքի, նյութատեխնիկական բազայի արդիականացման համար գիտական սարքերի/սարքավորումների ձեռքբերման նպատակով՝ համաձայն ՀՀ ԿԳՆ գիտության կոմիտեի նախագահի 2019 թվականի մայիսի 23-ի N 16-Ա/Ք հրամանով հաստատված «Գիտության ոլորտում ենթակառուցվածքի, նյութատեխնիկական բազայի արդիականացման համար ֆինանսական աջակցության տրամադրման կարգի»:

Մրցույթի հայտը ներկայացվում է կազմակերպության ղեկավարի գրավոր դիմումով՝ առձեռն (ք. Երևան, Օրբելի եղբայրների 22, 7-րդ հարկ, 708 սենյակ) կամ փոստով (Երևան 0028, Օրբելի եղբայրների 22, ՀՀ ԿԳՆ գիտության կոմիտե):

Հայտերի ներկայացման վերջնաժամկետն է 2019 թ. հուլիսի 1-ը:

Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ Գիտության կոմիտեի գիտական գործունեության կազմակերպման վարչությունում՝ աշխատանքային օրերին ժամը 14:00 – 17:00, հեռախոսներ՝ 21-01-40 (*113), 21-01-40 (*116):

Մրցույթի հայտի ձևը

«Մարդկանց մեծ մասը հիմարությունը գերադասում է իմաստությունից, քանի որ հիմարությունը ծիծաղեցնում է, իսկ իմաստությունը՝ տխրեցնում». Վիլյամ Շեքսպիր

shekspir-1-1024x1002

 Սիրով ձեզ ենք ներկայացնում մեծն Վիլյամ (Ուիլյամ) Շեքսպիրի ասույթներից. 

  1. Գեղեցիկը հարյուրապատիկ ավելի գեղեցիկ է, երբ պսակված է թանկագին ճշմարտությամբ:
  2. Ավելի լավ է սիրել այն մարդուն, որ բացահայտ թշնամություն ցույց կտա. քան սիրել նրան, որ բարեկամի դիմակով կկործանի մեզ:
  3. Իմաստությունը չի կարող մարել այն կրակը, որի վրա տգետը յուղ կլցնի:
  4. Ճշմարտությունը կանցնի դարեդար, սերնդեսերունդ, կհասնի մինչև աշխարհի վերջին օրվան:
  5. Բարձր հոգիների համար մեկի կողմից արտահայտված երախտագիտական զգացումը ավելի թանկարժեք է, քան նրանից ստացված պարգևը:
  6. Ամեն չարիքի մեջ բարիք կա, միայն պետք է իմաստություն ունենալ գտնելու այդ բարիքը:
  7. Սպիների վրա նա է ծիծաղում, ով վերք չի տեսել:
  8. Ներմամբ մի եղեք նույնքան ծայրահեղ, ինչպես լինում եք բարկության պահին:
  9. Երջանիկ է այն մարդը, որ լսում է իր դատափետումը, և աշխատում է ուղղվել:
  10. Լռակյացությունը ամենևին անսրտության նշան չէ։ Զրնգում է միայն այն, ինչը ներսից է դատարկ:
  11. Մեղրն այնքան քաղցր է, որ վերջում դառն է թվում։ Համի ավելցուկը սպանում է համը:
  12. Մենք նյարդայնանումենք դատարկ բաներից, երբ վիրավորված ենք լինում լուրջ պատճառով:
  13. Մայր բնությունը իմաստուն է, սակայն որդին է անխելք:
  14. Որտեղ քիչ են խոսքերը, այնտեղ դրանց կշիռն ավելի մեծ է:
  15. Սերը փախչում է նրանցից, ովքեր վազում են նրա ետևից, իսկ նրանք, ովքեր փախչում են սիրուց, սերը նրանց վզովն է ընկնում:
  16. Հիմարությունն ու իմաստությունը նույնքան հեշտ են վարակում, ինչպես վարակիչ հիվանդությունները: Այնպես որ ընտրիր քեզ ընկերներ:
  17. Դժոխքը դատարկ է: Բոլոր սատանաներն այստեղ են:
  18. Մարդկանց մեծ մասը հիմարությունը գերադասում է իմաստությունից, քանի որ հիմարությունը ծիծաղեցնում է, իսկ իմաստությունը՝ տխրեցնում:
  19. Տղամարդիկ նման են ապրիլին, երբ սեր են տածում, և դեկտեմբերին՝ երբ ամուսնացած են:
  20. Հաճույք ստանալու հույսը գրեթե նույնքան հաճելի է, որքան հաճույքը:
  21. Թշնամիների համար շատ ուժգին մի վառեք վառարանը, այլապես կայրվեք փայտի փոխարեն:
  22. Սուր խոսքի հաջողությունը ավելի շատ կախված է լսողից, քան այն ասողից:
  23. Ի՞նչ է նշանակում անունը: Վարդը բուրում է ինչպես վարդ՝ուզում ես վարդ անվանի, ուզում ես՝ ոչ:
  24. Ամեն խելագարություն ունի իր տրամաբանությունը:
  25. Սիրահարվել կարելի է գեղեցկությանը, բայց սիրել՝ միայն հոգին:
  26. Ագռավն իր թևերը կցեխոտի: Ոչ ոք ոչինչ էլ չի նկատի: Իսկ կարապը, չնայած բոլոր ջանքերին, ճերմակից չի կարող մաքրել բծերը:
  27. Մեկ հայացքով կարելի է սպանել սերը, մեկ հայացքով էլ՝ հարություն տալ:
  28. Վախկոտը մեռնում է իրեն հասած ամեն վտանգից, իսկ խիզախը մեռնում է միայն մեկ անգամ:
  29. Խեղճ, տրորված միջատը տառապում է նույնքան, որքան մահացող հսկան:
  30. Հաջողության հասնելու երեք օրենք՝ իմանալ ավելին, քան մյուսները, աշխատել ավելին, քան մյուսները, սպասել պակաս, քան մյուսները:
  31. Այս աշխարհում չկա ոչ լավ և ոչ էլ վատ: Կա միայն մեր վերաբերմունքը ինչ-որ բանին:
  32. Լավագույնը՝ ուղիղ և պարզ ասված խոսքն է:
  33. Փոթորկի ժամանակ տրված երդումները մոռացվում են խաղաղ եղանակին:
  34. Ուրիշների մեղքերն այնքան ջանասիրաբար եք ձգտում դատել: Սկսեք սեփական մեղքից և ուրիշներին չեք էլ հասցնի հասնել:
  35. Ծերերը երկրորդ անգամ են երեխա դառնում:
  36. Սիրիր բոլորին, վստահիր քչերին, վատություն մի՛ արա ոչ մեկի:
  37. Հիմար մարդը կարծում է, որ խելացի է, իսկ խելացին՝ որ հիմար է:
  38. Մեր ճակատագիրն աստղերի ձեռքում չէ, այլ մեր:
  39. Մենք գիտենք, թե ով ենք մենք, բայցչգիտենք, թե ինչ կարող ենք դառնալ:
  40. Ոմանք ծնվում են հանճարեղ, ոմանք դառնում են հանճարեղ, իսկ ոմանց էլ դարձնում են հանճարեղ:
  41. Շատ մարդիկ չգիտեն իրենց հարստության արժեքը:
  42. Անգիտությունն Աստծո անեծքն է, իսկ գիտությունը՝ թևերը, որի միջոցով թռչում ենք դրախտ:
  43. Ավելի լավ է 3 ժամ շուտ, քան 1 րոպե ուշ:
  44. Լսիր շատերին, խոսիր քչերի հետ:
  45. Մերխաղաղությունը պետք է կանգուն լինի քարոտ լեռների պես:
  46. Աստված քեզ ընդամենը մեկ դեմք է տվել, իսկ դու ստեղծում ես երկրորդը:
  47. Երբ ծնվում ենք, լաց ենք լինում, քանի որգալիս ենք հիմարներով լի այս մեծ բեմ:
  48. Տղամարդկանց երդումները կանանց թուլություններն են:
  49. Համապատասխանեցրու արարքներդ ասածիդ հետ, իսկ ասածդ՝ արարքներիդ:
  50. Շատ ունեցիր, քիչ ցույց տուր,

Շատ իմացիր, քիչ խոսիր,

Ինչ որ ունես, մի ցրիր,

Շատ ձի նստիր, քիչ քայլիր,

Քիչ հավատա, շատ լսիր,

Շատ վաստակիր, քիչ վատնիր: