Երևանի պետական համալսարանի Իջևանի մասնաճյուղ

Uncategorized

ԵՊՀ ԻՄ-ը հայտարարում է 2023-2024 ուստարվա հեռակա ուսուցման մագիստրատուրայի ընդունելություն

Дизайн без названия (6)

 ԵՊՀ Իջևանի մասնաճյուղը հայտարարում է 2023-2024 ուստարվա մագիստրատուրայի հեռակա ուսուցման ընդունելություն՝ «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրով և «Կառավարում» մասնագիտության «Գործարար վարչարարություն (կառավարում)» կրթական ծրագրով։

Հեռակա ուսուցման ձևով ԵՊՀ ԻՄ-ի մագիստրատուրա մրցութային կարգով կարող են ընդունվել ՀՀ պետական և ըստ մասնագիտությունների հավատարմագրված ոչ պետական բարձրագույն ուսումնական հաստատությունների բակալավրի կամ դիպլոմավորված մասնագետի որակավորում ունեցող շրջանավարտները։ Օտարերկրյա քաղաքացիների ընդունելությունը կատարվում է հարցազրույցով։

Մագիստրատուրայի ընդունելության մրցույթին մասնակցելու համար պետք է փաստաթղթերը ներկայացնել առցանց՝ akiaib@ysu.am էլեկտրոնային հասցեին ընթացիկ տարվա հուլիսի 1-ից մինչև հոկտեմբերի 5-ի ժամը 18։00 ժամանակահատվածում։

Ընդունելության քննություններն անցկացվելու են ընթացիկ տարվա հոկտեմբերի 11-ին և 12-ին։

Լրացուցիչ տեղեկություններ կարող եք ստանալ  ԵՊՀ ԻՄ-ի պաշտոնական կայքէջի «Դիմորդ» բաժնում կամ մասնաճյուղի ֆեյսբուքյան էջում:

 

2023-2024 ուստարվա ընդունելության համար անհրաժեշտ փաստաթղթերն են.

  • դիմում-հայտ (դիմում-հայտի օրինակը տե՛ս այստեղ),
  • բարձրագույն կրթության դիպլոմի և հավելվածի բնօրինակները,
  • 2 լուսանկար (3×4 սմ չափսի),
  • զինվորական գրքույկի (առկայության դեպքում)  բնօրինակը  (1-7-րդ և 18-19-րդ էջերը),
  • անձնագիրը (1-4-րդ էջերը) կամ նույնականացման քարտը (երկկողմանի),
  • ընդունելության ծառայությունների համար գանձվող 3000 ՀՀ դրամ վճարման անդորրագիրը:

Կազմակերպություն

«Երևանի պետական համալսարան» հիմնադրամի Իջևանի մասնաճյուղ
         Բանկ

«Արդշինբանկ» ՓԲԸ

Հաշվեհամար (ՀՀ դրամ)

    247610017094
         Նպատակ

«Մագիստրատուրայի ընդունելության ծառայությունների վճար»

ՊԱՐՏԱԴԻՐ ՆՇԵԼ ՆԱԵՎ

դիմորդի անուն, ազգանուն, հայրանունը

Մագիստրատուրայի ընդունելության կարգին  կարող եք ծանոթանալ այստեղ:

Մագիստրատուրայի ընդունելության քննության հարցաշարին կարող եք ծանոթանալ այստեղ:

Ուսման տևողությունը «Դպրոցական մանկավարժություն և մեթոդիկա» ծրագրով 1.5 տարի է, «Գործարար վարչարարություն (կառավարում)» ծրագրով՝ 2 տարի:

Մանրամասն տեղեկությունների համար կարող եք զանգահարել ԵՊՀ ԻՄ-ի մագիստրոսական կրթական ծրագրի համակարգողներին՝

  • Ա.Մարգարյանին (հեռ․՝ 093 206505)՝ «Գործարար վարչարարություն (կառավարում)» կրթական ծրագրի հետ կապված հարցերով,
  • Վ․Չոբանյանին (հեռ․՝ 093711713)՝ «Դպրոցական մանկավարժություն և մեթոդիկա» կրթական ծրագրի հետ կապված հարցերով: 

 

Հասցեն` Տավուշի մարզ, քաղաք Իջևան, Ուսանողական 3:

Կայքէջ՝ ijevan.ysu.am

Հետազոտական թեմաների հայտերի ներբուհական մրցույթի (2023-2024 ուստարի) հրավեր ԵՊՀ ԻՄ-ի կողմից

general «Երևանի պետական համալսարան» հիմնադրամի Իջևանի մասնաճյուղը թեմատիկ ֆինանսավորման շրջանակներում Տավուշի մարզի զարգացման ուղղությամբ հետազոտությունների իրականացման համար միանվագ դրամաշնորհներ կտրամադրի անհատների և գիտաուսումնական խմբերի նախաձեռնությամբ ներկայացված և մրցութային կարգով ընտրված թեմաներին (ԵՊՀ ԻՄ գիտական խորհրդի որոշում 67/4, 08․07․2023թ․):

Դրամաշնորհների մրցույթին կարող են ներկայացվել կոլեկտիվ կամ անհատական հայտեր, որոնք պատրաստվել են ԵՊՀ ԻՄ-ի հաստիքային աշխատակիցների կողմից` պայմանով, որ ղեկավարը և նախագծի ենթադրվող բոլոր կատարողների առնվազն 50 տոկոսը ԵՊՀ ԻՄ-ի աշխատակիցները կամ ուսանողներն են: Յուրաքանչյուր նախագծում կարող է լինել մեկ ղեկավար, և պետք է լինի ԵՊՀ ԻՄ-ի առնվազն մեկ ուսանող:

Հայտը ԵՊՀ ԻՄ-ի գիտական քարտուղարին է ներկայացնում խմբի ղեկավարը մինչև 2023 թվականի սեպտեմբերի 15-ը ներառյալ:

Մրցույթի հայտերը պարունակում են․

  • տեղեկատվություն ծրագրի մասին,
  • ծրագրի պատասխանատուների կոնտակտային տվյալները,
  • ծրագրի ազդեցությունը ԵՊՀ ԻՄ-ի կամ Տավուշի մարզի գործունեության վրա, ծրագրի շարունակականությունը,
  • արդյունքները, դրանց տարածումը և կիրառումը ԵՊՀ ԻՄ-ում կամ տարածաշրջանում,
  • արտաքին շահակիցների հետ համագործակցությունը ծրագրերի շրջանակում,
  • հրավիրված մասնագետների, փորձագետների և ուսուցանողների ցուցակը (եթե կան),
  • ծրագրի արդյունքները:

Հրավերի ամբողջական փաթեթին կարող եք ծանոթանալ հետևյալ հղումով։

16 երկրից 215 մասնակից՝ «Սոցիալ-մանկավարժական նորարարությունները կրթության մեջ» միջազգային գիտագործնական 2-րդ համաժողովում

1. գլխավոր

 

 2023թ. ապրիլի 15-16-ին ԵՊՀ Իջևանի մասնաճյուղն առկա և առցանց ձևաչափով իրականացրեց «Սոցիալ–մանկավարժական նորարարությունները կրթության մեջ» երիտասարդ գիտնականների միջազգային գիտագործնական 2-րդ համաժողովը, որին մասնակցեցին բակալավրիատի և մագիստրատուրայի տարբեր մասնագիտությունների ուսանողներ, երիտասարդ դասախոսներ և գիտնականներ՝ 62 համալսարանի 215 ներկայացուցիչներ 16 երկրից (Հայաստան, Ալժիր, Բելառուս, Վրաստան, Իրաք, Իրան, Ղազախստան, Ղրղզստան, Չինաստան, Լեհաստան, Ռուսաստան, Տաջիկստան, Թաթարստան, Ուզբեկստան, Ուկրաինա, Ֆինլանդիա):

Միջազգային համաժողովի լեզուներն էին հայերենը, ռուսերենը, անգլերենը:

Համաժողովի նպատակն էր ուսանողական հետազոտությունների խթանումը, ուսանողների՝ մագիստրոսների, ասպիրանտների ստեղծագործական ներուժի բացահայտումը, ուսանողների և դասախոսների ներբուհական և միջբուհական համագործակցության զարգացումը, երիտասարդության ուշադրության կենտրոնացումը ժամանակակից մանկավարժական հետազոտությունների կարևորության վրա:

Բացման և ողջույնի խոսքով հանդես եկան համաժողովի կազմկոմիտեի նախագահ, ԵՊՀ ԻՄ-ի տնօրենի պաշտոնակատար, ֆ.մ.գ.թ., դոցենտ Անուշավան Մակարյանը, կազմկոմիտեի նախագահի տեղակալ, նախագծի հեղինակ, ԲԳՌԱ պրոֆեսոր, ԵՊՀ ԻՄ-ի օտար լեզուների ամբիոնի պրոֆեսոր, մ.գ.թ. Սվետլանա Մինասյանը: Միջազգային գործընկերներից ողջույնի խոսք ասացին Տ․ Ն․ Բոկովան (մ.գ.դ., ՌՀԸ պրոֆեսոր, ՏԳՏ պրոֆեսոր, ՄՔՄՀ Օտար լեզուների ինստիտուտի փոխտնօրեն, Մոսկվա, Ռուսաստան), Ա. Ա. Եվտյուգինան (մ.գ.դ., պրոֆեսոր, Ռուսաց և օտար լեզուների ամբիոնի վարիչ, ՌԴ պետական պրոֆեսիոնալ-մանկավարժական համալսարան, Եկատերինբուրգ, Ռուսաստան), Տ. Վ. Կուպրինան (մ.գ.թ., Ուրալի՝ Ռուսաստանի առաջին նախագահ Բ. Ն. Ելցինի անվան դաշնային համալսարանի օտար լեզուների և թարգմանչության ամբիոնի դոցենտ, Եկատերինբուրգ, Ռուսաստան), Ն. Ա․ Բոժենկովան (բ.գ.դ., ԴՊԲԲԿՈՒՀ, Ա․ Ս․ Պուշկինի անվան ռուսաց լեզվի պետական ինստիտուտի բանասիրության ֆակուլտետի ընդհանուր և ռուս լեզվաբանության ամբիոնի պրոֆեսոր, Մոսկվա, Ռուսաստան), Ա. Գ. Բերմուսը (մ.գ.դ., պրոֆեսոր, ԲԿ ՊԴԻԿՀ (ФГАОУ ВО) մանկավարժական գիտությունների և կրթության ամբիոնի վարիչ, Հարավային դաշնային համալսարան, Դոնի Ռոստով, Ռուսաստան), Է․ Կ․ Շարիպովան (ՌԲԱ ակադեմիկոս, փ.գ.դ., Օշի ՊՀ միջազգային կրթական ծրագրերի բարձրագույն դպրոցի պրոֆեսոր, Օշ, Ղրղզստան), Ն․ Ա․ Շերմուհամեդովան (փ.գ.դ., պրոֆեսոր, Փիլիսոփայության և հոգևորության հիմունքների ամբիոնի վարիչ, Միրզո Ուլիթբաևի անվան Ուզբեկստանի ազգային համալսարան, Տաշքենդ, Ուզբեկստան), Վ. Վ. Բույլովը (փիլիսոփայության դոկտոր, Փիլիսոփայության ֆակուլտետի հումանիտար գիտությունների բաժանմունքի ռուսաց լեզվի և թարգմանության ամբիոնի պրոֆեսոր, Արևելյան Ֆինլանդիայի համալսարան, Հելսինկի, Յոենսուու, Ֆինլանդիա):

Տիկին Ս.Մինասյանը մասնավորապես նշեց, որ այսօր կրթությունը պետք է զարգացնի առաջնահերթ ոլորտները, մասնավորապես՝ երիտասարդական լաբորատորիաների, քննարկումների հարթակների մոդելների ստեղծում և մշակում, ուսուցիչների գործնական վերապատրաստման համակարգի ձևավորում, մշակութային և հումանիտար ոլորտում գործընկերության և համագործակցության մոդելի ձևավորում և տեխնոլոգիաների նախագծում: Մասնակիցների հոդվածներն ապացույցն են այն բանի, որ եկել է կրթադաստիարակչական ծրագրեր քննարկելու, կոնկրետ խնդիրների ու հարցերի շուրջ գիտական բաց քննարկումներ նախաձեռնելու ժամանակը: Համաժողովների ընթացքում ստեղծելով քննարկումների հարթակներ՝ մենք հնարավորություն ենք տալիս առաջին հերթին հաղթահարել սոցիալական և գիտական մեկուսացումը: Քննարկման ոլորտը նպատակաուղղված է հումանիտար գիտությունների բնագավառում ճշգրիտ գիտությունների հետ մեկտեղ նոր մոտեցումներ, մոդելներ, հետազոտական տեխնոլոգիաներ գտնելուն, համատեղ և ինքնատիպ կրթական նախագծեր մշակելուն: Համաժողովի քննարկման հարթակը հնարավորություն կտա հասկանալ, թե ինչն է այսօր արդիական կրթության մեջ և ինչպես հասնել ակնկալվող նպատակին (Ս.Մինասյանի ողջույնի խոսքը տե՛ս այստեղ):

Միջազգային համաժողովում ներկայացված աշխատանքները վերաբերում էին մասնագիտական-մանկավարժական կրթության զարգացման ներկա և ապագա միտումներին, նորարարական սկզբունքներին, մոտեցումներին և տեխնոլոգիաներին, կրթության մեջ տեղեկատվական տեխնոլոգիաներին, լեզվի, գրականության և մշակույթի դերին, լեզուների և մշակույթների դասավանդման մեթոդիկային, ռուսերենի՝ որպես օտար լեզվի միջմշակութային կրթության հիմք լինելուն, կրթական ծրագրերի նախագծմանը, միջմշակութային հաղորդակցությանը և թարգմանությանը:

Համաժողովի պատշաճ և բարձր մակարդակով կազմակերպման և իրականացման համար ԵՊՀ ԻՄ-ի տնօրենության և ողջ անձնակազմի անունից խորին շնորհակալություն ենք հայտնում միջազգային գիտագործնական համաժողովի բոլոր կազմակերպիչներին և առանձնապես պրոֆեսոր Սվետլանա Մինասյանին, մասնակիցներին և մոդերատոր-համակարգողներին՝ ուսանողների աշխատանքը մեկնաբանելու, մեթոդական ցուցումներ տալու և մասնակիցների հետազոտությունները գնահատելու համար:

Մասնակիցները ստացան հավաստագրեր:

ԵՊՀ ԻՄ-ի պաշտոնական կայքում կարող եք տեսնել համաժողովի ծրագիրը, հոդվածների ժողովածուն (որը ներառում է 215 հոդված) և կազմկոմիտեն (որում ընդգրկված են 13 պրոֆեսորներ՝ տարբեր երկրներից):

Մյուս լուսանկարները տե՛ս Պատկերասրահում:

 

Կայացավ ԵՊՀ-ի կողմից կազմակերպված 2023թ. դպրոցական օլիմպիադայի 1-ին փուլը

1. գլխավոր  2023թ. ապրիլի 1-ին ԵՊՀ Իջևանի մասնաճյուղն Իջևանի՝ Սպարտակ Սարգսյանի անվան թիվ 1 հիմնական դպրոցում իրականացրեց ԵՊՀ-ի հետ համատեղ անցկացվող 2023թ. դպրոցական օլիմպիադայի 1-ին փուլը:

Օլիմպիադան նախատեսված էր անցկացնել հետևյալ հանրակրթական առարկաների գծով՝ մաթեմատիկա, ֆիզիկա, քիմիա, կենսաբանություն, աշխարհագրություն, հայոց պատմություն, հայոց լեզու և գրականություն, ռուսաց լեզու, անգլերեն, գերմաներեն, ֆրանսերեն, ինֆորմատիկա և լրացուցիչ կրթական առարկաներից՝ հայոց եկեղեցու պատմություն, տրամաբանություն, սոցիոլոգիա, պետություն և իրավունքի հիմունքներ, էկոլոգիա և կայուն զարգացման հիմունքներ, տնտեսագիտություն: «Ինֆորմատիկա» առարկայից օլիմպիադան նախատեսված էր անցկացնել մեկ փուլով՝ ապրիլի 1-ին:

Տավուշի մարզի հանրակրթական ուսումնական հաստատություններից օլիմպիադային 11 առարկայից մասնակցել է 30 դպրոցի 12-րդ դասարանի 183 աշակերտ (68 աշակերտ՝ հայոց լեզու և գրականություն առարկայից, 30-ը՝ մաթեմատիկա, 23-ը՝ հայոց պատմություն, 21-ը՝ անգլերեն, 15-ը՝ կենսաբանություն, 9-ը՝ ռուսաց լեզու, 7-ը՝ քիմիա, 5-ը՝ ֆիզիկա, 3-ը՝ աշխարհագրություն, 1-ը՝ ֆրանսերեն, 1-ը՝ գերմաներեն):

ԵՊՀ ԻՄ-ում օլիմպիադայի կազմակերպման պատասխանատու Վահան Աղաբաբյանը ողջունեց օլիմպիադայի մասնակիցներին, նրանց ներկայացրեց անցկացման կարգը և հաջողություն մաղթեց գիտելիքների այս ստուգատեսում:

I փուլի հաղթողները կմասնակցեն օլիմպիադայի II փուլին, որը տեղի կունենա ապրիլի 15-ին՝ ժամը 11:00 -ին, Երևանի պետական համալսարանում:

ԵՊՀ գիտական խորհրդի որոշմամբ՝ օլիմպիադայում հանրակրթական առարկաներից հաղթած (I, II և III կարգի դիպլոմների արժանացած աշակերտներին Համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Օլիմպիադայում լրացուցիչ կրթական առարկաներից հաղթած աշակերտներին կտրվեն կրթաթոշակներ:

ԵՊՀ ԻՄ-ի՝ 2022-2023 ուստարվա 2-րդ կիսամյակի անվանական կրթաթոշակառուները

Նորութ. նկարը

 Սիրելի՛ համալսարանականներ, ձեզ ենք ներկայացնում 2022-2023 ուստարվա 2-րդ կիսամյակում անվանական կրթաթոշակ ստացող ուսանողներին։

♦♦♦
«ՄՈՆԹԵ ՄԵԼՔՈՆՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի առկա ուսուցման անվճար համակարգի երրորդ կուրսի ուսանողուհի
Սվետլանա Կարենի Մելիքբեկյան

1

♦♦♦
«ՎԱԶԳԵՆ ՍԱՐԳՍՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Կիրառական արվեստի ֆակուլտետի «Կիրառական արվեստ» մասնա¬գի¬տության «Դեկորատիվ-կիրառական արվեստ» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Քրիստինե Վարդանի Գրիգորյան

2

♦♦♦
«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Հասմիկ Լևոնի Ստեփանյան

3

♦♦♦
«ԻՋԵՎԱՆ» ԱՆՎԱՆԱԿԱՆ ԿՐԹԱԹՈՇԱԿ
Տնտեսագիտության ֆակուլտետի «Ֆինանսներ» մասնագիտության «Ֆինանսներ (ըստ ոլորտի)» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Մանե Վահանի Փիրումյան

4

♦♦♦
«ՀԱՄԼԵՏ ԿԱՐԱՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի անվճար ուսուցման համակարգի երրորդ կուրսի ուսանողուհի
Իննա Հրայրի Հարությունյան

5

♦♦♦
«ԱՐՏԱԿ ՑՈՒՑՈՒԼՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Կիրառական արվեստի ֆակուլտետի «Դիզայն» մասնագիտության «Դիզայն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Մանե Արտակի Սարհատյան

6

♦♦♦
«ՇԱՎԱՐՇ ՄԱՐԳԱՐՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Տնտեսագիտության ֆակուլտետի «Ֆինանսներ» մասնագիտության «Ֆինանսներ (ըստ ոլորտի)» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Ռուզան Սմբատի Խառատյան

7

♦♦♦
«ՍՊԱՐՏԱԿ ՍԱՐԳՍՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Կիրառական արվեստի ֆակուլտետի «Կիրառական արվեստ» մասնա¬գի¬տության «Դեկորատիվ-կիրառական արվեստ» բակալավրի կրթական ծրագրի անվճար ուսուցման համակարգի
երրորդ կուրսի ուսանողուհի
Ալիսա Էդգարի Ոսկանյան

8

♦♦♦
«ՆԱՐԵԿ ՌԵՎԱԶՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Օտար լեզու և գրականություն» մասնագիտության «Անգլերեն լեզու և գրականություն» բակալավրի կրթական ծրագրի անվճար ուսուցման համակարգի երրորդ կուրսի ուսանողուհի
Լիլիա Արտավազդի Եղոյան

9

♦♦♦
«ԴԱՎԻԹ ԱՆՀԱՂԹ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Ընդհանուր մանկավարժություն» մասնագիտության «Տարրական մանկավարժություն և մեթոդիկա» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Տաթևիկ Վարուժանի Վասիլյան

10

♦♦♦
«ՇԱՌԼ ԱԶՆԱՎՈՒՐ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Օտար լեզու և գրականություն» մասնագիտության «Ֆրանսերեն լեզու և գրականություն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Լուսյա Արամի Շախպարյան

11

♦♦♦
«ԳՐԻԳՈՐ ՆԱՐԵԿԱՑԻ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Հայոց լեզու և գրականություն» մասնագիտության «Հայոց լեզու և գրականություն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի
Մերի Արթուրի Ստեփանյան

12

♦♦♦
«ՄԽԻԹԱՐ ԳՈՇ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Պատմություն» մասնագիտության «Պատմություն» բակալավրի կրթական ծրագրի անվճար ուսուցման համակարգի
երրորդ կուրսի ուսանողուհի
Հասմիկ Կարենի Մարգարյան

13

♦♦♦
«ՍԱՀԱԿ ՁՈՐԱՓՈՐԵՑԻ» ԱՆՎԱՆԱԿԱՆ ԿՐԹԱԹՈՇԱԿ
Տնտեսագիտության ֆակուլտետի «Զբոսաշրջություն» մասնագիտության «Զբոսաշրջություն» բակալավրի կրթական ծրագրի անվճար ուսուցման համակարգի երրորդ կուրսի ուսանողուհի
Ագնեսա Արսենի Դալլաքյան

14

12345678910...Վերջ

Հայտարարություն

Նորություններ