Sorry, this entry is only available in Armenian.
Monthly Archives: January 2015
Քննաշրջանը սկսված է
2015թ. հունվարի 8-ից ԵՊՀ Իջևանի մասնաճյուղում սկսվել է 2014-2015 ուստարվա առաջին կիսամյակի քննաշրջանը:
Առկա ուսուցման համակարգով սովորող ուսանողների քննաշրջանը կտևի հունվարի 8-ից մինչև հունվարի 24-ը, իսկ լուծարքային առաջին և երկրորդ շրջանները կանցկացվեն ս.թ. հունվարի 26-ից փետրվարի 7-ը և փետրվարի 11-ից 24-ը:
Քննությունները սկսվում են ժամը 09:30-ից և կարող են տևել մինչև ժամը 17:00-ն:
Հեռակա ուսուցման համակարգում քննաշրջանը կսկսվի ս.թ. հունվարի 26-ից և կտևի մինչև փետրվարի 20-ը:
Լուծարքային առաջին շրջանը կտևի փետրվարի 23-ից մինչև մարտի 6-ը, իսկ երկրորդ փուլը` մարտի 9-ից մինչև 23-ը:
Ուսումնամեթոդական վարչության պետ Արկադի Դավթյան
Պրակտիկանտներ IT և HR դեպարտամենտներում
Աշխատավայրը՝ ք. Երևան, ՌՈՍԳՈՍՍՏՐԱԽ ԱՐՄԵՆԻԱ
Տևողությունը` 3 ամիս,
Դիմելու վերջնաժամկետ` 31.01.2015թ.:
Ինքնակենսագրությունն ուղարկել` hr@rgs.am էլ . փոստի հասցեով՝ նամակի վերնագրում նշելով պաշտոնի անվանումը կամ ներկայացնել Հյուսիսային Պողոտա 1, 4րդ հարկ:
Պրակտիկա Տեղեկատվական տեխնոլոգիաների (IT) դեպարտամենտում
Պահանջներ
- Բարձրագույն տեխնիկական կրթություն
- Ծրագրավորման հիմունքների իմացություն
- Համակարգչային և ցանցային ծրագրերից օգտվելու փորձ
- MySQL, MS SQL 2005,2008-ի իմացությունը ցանկալի է
- Հայերեն, ռուսերեն լեզուների իմացություն, տեխնիկական անգլերենի իմացությունը ցանկալի է
- Տրամաբանական մտածողություն, ճկունություն
- Սովորելու ցանկություն
- Փորձը ՏՏ ոլորտում /պրակտիկա, ստաժավորում ՏՏ ոլորտին առնչվող կազմակերպություններում/ ցանկալի է
Պարտականություններ
- Մասնակցություն ՏՏ բաժնի գործառույթներին
Կարող են դիմել 3-րդ, 4-րդ կուրսում և մագիստրատուրայում սովորող ուսանողները:
Պրակտիկա Անձնակազմի կառավարման (HR) դեպարտամենտում
Պահանջներ
- Բարձրագույն կրթություն (հոգեբանություն, սոցիոլոգիա, տնտեսագիտություն)
- Հաղորդակցվելու գերազանց ունակություն
- Հայերենի և ռուսերենի գերազանց իմացություն, անգլերենի լավ իմացություն
- Համակարգչային գիտելիքներ (MS Office փաթեթի լավ իմացություն)
- Սովորելու ցանկություն
Պարտականություններ
- Աջակցել անձնակազմի հավաքագրման գործընթացին
- Մասնակցել տվյալների բազայի վարման գործընթացին
- Նշանակել հարցազրույցներ` ըստ ներկայացված ժամանակացույցի
- Մասնակցել HR դեպարտամենտի այլ գործառույթներին
Կարող են դիմել 4-րդ կուրսում և մագիստրատուրայում սովորող այն ուսանողները, ովքեր հետքրքրված են ապահովագրական ոլորտով և մասնավերապես Անձնակազմի կառավարման դեպարտամենտի գործունեությամբ:
Աղբյուրը` youthcanal.do.am
Հայոց ցեղասպանության 100-ամյա տարելիցին նվիրված գիտաժողով
Երևանի պետական համալսարանում ուսանողական գիտական ընկերությունը Հայոց ցեղասպանության 100-ամյա տարելիցին ընդառաջ կազմակերպում է գիտաժողով 2015 թ. ապրիլի 9-10-ը: Զեկուցումների թեմատիկան ցեղասպանագիտության շրջանակում կարող է ընդգրկել պատմագիտական, իրավագիտական, ազգագրական, սոցիոլոգիական, հոգեբանական, գրականագիտական, աստվածաբանական և այլ գիտական տեսանկյուններ:
Մասնակցության հայտ կարող են ներկայացնել ՀՀ բոլոր բուհերի ուսանողները, ասպիրանտները, հայցորդներն ու մինչև 35 տարեկան երիտասարդ գիտնականները: Հայտերի ընդունման վերջնաժամկետը 2015 թ. փետրվարի 15-ն է (առցանց հայտաձևը՝ կից հղմամբ): Իսկ զեկուցման ամբողջական տարբերակն անհրաժեշտ է մինչև մարտի 10-ը ուղարկել ՈՒԳԸ էլեկտրոնային փոստի հասցեին (sss@ysu.am): Կից ներկայացնել համապատասխան ամբիոնի երաշխավորագրի սքանավորված տարբերակը:
Գիտաժողովին ներկայացված այն զեկուցումները, որոնք կարժանանան համապատասխան ֆակուլտետի գիտական խորհրդի երաշխավորությանը, կտպագրվեն «ԵՊՀ ՈՒԳԸ գիտական հոդվածների ժողովածու» գիտական պարբերականում: Կից ներկայացնում ենք ՈՒԳԸ ժողովածուում տպագրվող գիտական հոդվածի չափորոշիչները:
Աղբյուրը` www.armin.am
Կամավորական աշխատանք Կրթության գերազանցության ազգային ծրագրի շրջանակներում
Պաշտոնը՝ կրթական բովանդակության մասնագետ
Աշխատանքի տեսակը՝ կամավորական
Տևողությունը՝ 3-6 ամիս
Ծրագրի մասին
ՀՀ կրթության և գիտության նախարարությունը և «Այբ» կրթական հիմնադրամը, համագործակցելով Քեմբրիջի համալսարանի և Լոնդոնի կրթության ինստիտուտի հետ, նախաձեռնել են Կրթության գերազանցության ազգային ծրագիրը (ԿԳԱԾ): Ծրագրով նախատեսվում է ՀՀ դպրոցներում ներդնել միջազգային չափանիշներին համապատասխան հայալեզու ազգային այլընտրանքային կրթական ծրագիր` Արարատյան բակալավրիատ (ԱԲ), և պատրաստել այդ ծրագրի պահանջներին համապատասխան ուսուցիչներ:
Ծրագրի մասին ավելի մանրամասն կարող եք ծանոթանալ այստեղ:
Պարտականություններ
Մենք ցանկանում ենք, որ Դուք լինեք լավագո՛ւյնն այս ոլորտում։
ԿԳԱԾ-ի պաշտոնական բլոգում ստեղծել կրթությանը վերաբերող բացառիկ բովանդակություն (ներառյալ տարբեր երկրներում իրականացված առանձնահատուկ կրթական բարեփոխումների մասին նյութեր, կրթական ոլորտի մասին նյութերին հղումներ, ԿԳԱԾ-ի բարեփոխումների մասին տեղեկատվություն և այլն)՝ կենտրոնանալով կրթության մասին հանրային քննարկում ձևավորելու վրա:
Աշխատանքի կազմակերպում
ԿԳԱԾ-ի հասարակայնության հետ կապերի թիմն աշխատում է աշխատանքի ճկուն մեթոդաբանությամբ, որը ձևափոխմամբ փոխառվել է ծրագրակազմերի հետ աշխատանքի կազմակերպման ոլորտից։ Այսպիսով՝ Ձեր՝որպես կրթական բովանդակության մասնագետի աշխատանքը բավականին ճկուն է և պահանջում է շաբաթական միայն մեկ կամ երկու այցելություն գրասենյակ. մնացած աշխատանքն իրականացվում է առցանց:
Մասնագիտական որակավորման պահանջներ
(Կարող եք դիմել նաև պահանջների նվազագույն համապատասխանության դեպքում)։
Նվազագույն պահանջներ
- Հասարակական և հումանիտար գիտությունների բաժնի բակալավրում կամ մագիստրատուրայում սովորող կամ վերջերս ավարտած ցանկացած անձ
- Հետաքրքրասիրություն և մշտապես սովորելու պատրաստականություն
- Բովանդակության որոնման ու վերլուծության մեծ հմտություններ՝ ԿԳԱԾ-ի բլոգը ընդլայնելու և հետաքրքիր դարձնելու նպատակով
- Ինչպես հայերենով, այնպես էլ անգլերենով կարդալ-գրելու գերազանց ունակություններ
- Սոց.ցանցերում աշխատելու փորձ
- Գերազանց հումորի զգացում
Նախընտրելի որակավորում
- Հետազոտություններ անցկացնելու տարրական հմտություններ (հիմնական մեթոդաբանության իմացություն, վստահելի աղբյուրների հայտնաբերում)
- Նախաձեռնողություն, արագ փոփոխվող միջավայրում տարատեսակ առաջադրանքներն ինքնուրույն իրականացնելու ունակություն
- Հայերեն/ռուսերեն/անգլերեն լեզուներով գերազանց գրել-կարդալու ունակություններ
- Ժամանակի կառավարման գերազանց ունակություններ՝ մեծ ուշադրություն դարձնելով վերջնաժամկետներին
- Ստեղծարարություն և ընթերցողների կարիքների հանդեպ ուշադրություն
- Հաղորդակցման և միջանձնային հարաբերությունների լավ հմտություններ
- Սոց.ցանցերում աշխատելու մեծ փորձ (բրենդային էջերի կառավարում, սոց.ցանցերի ու կայքերի վերլուծության տարրական գիտելիքներ)
Ինչ կտա այն Ձեզ
- Ժամանակակից բովանդակության ստեղծման գերազանց փորձ
- Սոց.ցանցերի կառավարման և վերլուծության մեծ փորձ ու նոր գիտելիքներ
- Կրթության ոլորտի մասին գիտելիքներ
- Գերազանց փորձ կրթական մեծ բարեփոխումների ծրագրում
- Հարցման դեպքում երաշխավորագիր նամակի տրամադրում
Ինչպես դիմել
Ուղարկեք Ձեր ինքնակենսագրությունը (CV) և, առկայության դեպքում, LinkedIn սոց.ցանցի Ձեր էջի հղումը welcome@ayb.am էլ. հասցեին: Նամակի թեմայի դաշտում խնդրում ենք նշել հաստիքի անվանումը՝ Educational Content Manager:
Հայտերն ընդունվում են մինչև 2015թ.հունվարի 26–ը ներառյալ:
Աղբյուրը` armscoop.com