Sorry, this entry is only available in Armenian.
Monthly Archives: December 2015
Գիտական խորհրդի տարեվերջյան ընդլայնված նիստ
2015թ. դեկտեմբերի 26-ին՝ ժամը 12:00-ին, ԵՊՀ ԻՄ-ի կիրառական արվեստի ֆակուլտետի դահլիճում տեղի կունենա Գիտական խորհրդի տարեվերջյան ընդլայնված նիստ` մասնաճյուղի անձնակազմի և ուսանողների մասնակցությամբ:
Նիստի օրակարգը հետևյալն է.
- ԵՊՀ ԻՄ-ի` 2011-2015թթ. զարգացման ռազմավարական ծրագրի կատաման մասին:
- Մասնաճյուղի` 2015թ. եկամուտների և ծախսերի նախահաշվի (բյուջե) հունվար-դեկտեմբեր կատարողականի մասին:
- ԵՊՀ ԻՄ-ի` 2016թ. եկամուտների և ծախսերի նախահաշվի (բյուջե) հաստատում:
- Մասնաճյուղի` 2014-15թթ. ուսումնական տարվա գործունեության վերաբերյալ տնօրենի հաշվետվությունը:
- ԵՊՀ ԻՄ-ի` 2016-2020թթ. զարգացման ռազմավարական ծրագրի քննարկում:
- Ընթացիկ հարցեր.
- ԵՊՀ Իջևանի մասնաճյուղում ուսանողական նպաստների, պետական և ներբուհական կրթաթոշակների հատկացման կանոնակարգում փոփոխություն կատարելու համար ձևավորված հանձնաժողովի կատարած աշխատանքների մասին:
- Մասնաճյուղում կառուցվածքային փոփոխություններ կատարելու
նպատակով ստեղծված հանձնաժողովի կատարած աշխատանքների մասին: - ԵՊՀ ԻՄ-ի զինանշանի, դրոշի, օրհներգի և հուշամեդալի
էսքիզների պատրաստման նպատակով ստեղծված
հանձնաժողովի կատարած աշխատանքների մասին: - Մասնաճյուղի տնօրենության կանոնակարգում փոփոխություններ կատարելու մասին:
ԵՊՀ Իջևանի մասնաճյուղը սիրով շնորհավորում է…
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿ 2015
Հայաստանի Հանրապետության Նախագահի մրցանակը ֆինանսավորում է «Պողոսյան» Հիմնադրամը (Բելգիա-Շվեյցարիա): Որպես մրցանակ շնորհվում են` մրցանակի դափնեկրի վկայագիր, կրծքանշան և դրամական պարգեւ` 10.000 (տասը հազար) ԱՄՆ դոլարին համարժեք դրամի չափով:
Մրցանակը շնորհվում է յուրաքանչյուր տարի` (2016թ. մրցանակաբաշխությունը տեղի կունենա մայիսին: Մրցանակները կշնորհի ՀՀ նախագահ Սերժ Սարգսյանը) լավագույն ստեղծագործություններ, հայտնագործություններ (գյուտեր) և աշխատանքներ կատարած Հայաստանի Հանրապետության քաղաքացի հանդիսացող հեղինակներին հետևյալ յոթ բնագավառներում`
• բնական գիտություններ
• տեխնիկական գիտություններ և ինֆորմացիոն տեխնոլոգիաներ
• ֆիզիկա
• բժշկագիտություն
• արվեստ (այդ թվում ճարտարապետություն, կերպարվեստ, թատրոն, կինոարվեստ, ֆոտոարվեստ և արվեստի այլ ձևեր)
• գրականություն (գեղարվեստական, գեղարվեստա-թարգմանական)
• հումանիտար գիտություններ
Մրցանակաբաշխությանը կարող են ներկայացվել միայն այն գործերը, որոնք առաջին անգամ հրատարակվել, հրապարակվել, կատարվել, ցուցադրվել, բեմադրվել, կառուցվել-ավարտվել են 2013-2015թթ. ընթացքում:
Ներկայացվող աշխատանքը պետք է ունենա միասնական, ընդհանրական ուղղվածություն:
ԾԱՆՈՒՑՈՒՄ
• Մրցույթին չեն կարող ներկայացվել բառարաններ, փաստաթղթերի ժողովածուներ, հուշագրություններ, դասագրքեր, ատենախոսություններ, ինչպես նաև այնպիսի աշխատանքներ, մենագրություններ, որոնց հիմքում ընկած են ատենախոսության նյութեր:
• Եթե աշխատանքը կամ նրա մի մասն ընդգրկված է եղել նախորդ տարիներին ներկայացված աշխատանքում, ապա այն չի կարող մասնակցել մրցույթին:
• Մրցույթին ներկայացվող մեկ հայտում մրցանակի հավակնորդների թիվը չպետք է գերազանցի հինգը:
• Մրցույթին մասնակցելու հայտ չի կարող ներկայացվել մահացած անձի համար:
• ՀՀ Նախագահի մրցանակ տրվում է միայն մեկ անգամ:
Հայտատուն կարող է իր գործը ներկայացնել տվյալ բնագավառում գործող հաստատության կամ այլ անձի միջոցով, ինչպես նաև անձամբ: Հայտատուն կարող է ներկայացնել միայն մեկ հայտ:
Հայտերն ընդունվում են 2015 թվականի դեկտեմբերի 1-ից մինչև 2016 թվականի հունվարի 29-ը ներառյալ:
Ներկայացման համար անհրաժեշտ փաստաթղթերը կարելի է ստանալ «Հայաստան» համահայկական հիմնադրամի գործադիր վարչության գրասենյակից կամ Հիմնադրամի կայքից՜
Գործերը ներկայացնելու և մանրամասն տեղեկությունների համար դիմել «Հայաստան» համահայկական հիմնադրամի գործադիր վարչություն` տ-ն Աիդա Խաչիկյանին:
Հեռ. 52-09-40 (106); 56-01-06 (106); է-փոստ` aida@himnadram.org
0010, Երևան, Հայաստանի Հանրապետություն, Կառավարական 3-րդ մասնաշենք,2-րդ հարկ:
Աղբյուրը՝ youthcanal.do.am
ԵՊՀ-ի գիտխորհրդի` 2015թ. տարեվերջյան նիստում տնօրենը ներկայացրեց մասնաճյուղի տարեկան գործունեության վերաբերյալ հաշվետվություն
2015թ. դեկտեմբերի 17-ին կայացավ ԵՊՀ գիտխորհրդի` այս տարվա վերջին նիստը:
Օրակարգային ինը հարցերից վերջինը վերաբերում էր ԵՊՀ Իջևանի մասնաճյուղին:
Տնօրեն Սամվել Առաքելյանը ներկայացրեց մասնաճյուղի տարեկան գործունեության վերաբերյալ հաշվետվություն:
Ս.Առաքելյանը մասնավորապես նշեց, որ հաշվետու տարում վերանայվել է մասնաճյուղի մասնագիտությունների ցանկը՝ դրանք ավելի համապատասխանեցնելով աշխատաշուկայի պահանջներին:
Համագործակցության հուշագիր է ստորագրվել մարզում գործող քոլեջների, ավագ և հիմնական դպրոցների ու վարժարանների հետ:
«Այս տարի վերջապես հասանք այն արդյունքին, որ դասախոսների 50 տոկոսից ավելին ունեն գիտական կոչումներ»,- ընդգծել է պարոն Առաքելյանը` ավելացնելով, որ մասնաճյուղի դասախոսները, սակայն, քիչ են ներգրավված միջազգային ծրագրերում, և առաջիկայում պետք է ուշադրությունը կենտրոնացնել նաև այդ խնդրի վրա:
Վերջին 1 տարվա ընթացքում տպագրվել է ԵՊՀ Իջևանի մասնաճյուղի դասախոսների հեղինակած 8 մենագրություն, 15 մեթոդական ձեռնարկ և 113 հոդված: