Ijevan Branch of Yerevan State University

Ուսանողական գիտական նստաշրջան

Հարգելի՛ ուսանողներ, 2015թ. մայիսի 7-ին Վանաձորի պետական համալսարանի ուսանողական գիտական ընկերությունը կազմակերպում է գիտական նստաշրջան:

Զեկուցումների թեմատիկան ազատ է:

Գիտական նստաշրջանին ներկայացված լավագույն զեկուցումները տպագրվելու են ՎՊՀ ՈՒԳԸ «Գիտական հոդվածների ժողովածու»-ի հերթական համարում:

Կից ներկայացվում են գիտաժողովի տեղեկատվական թերթիկը, տպագրվող հոդվածին ներկայացվող պահանջները, ամբիոնի երաշխավորագրի ձևաթուղթը և մասնակցության հայտաձևը:

Հարվարդի համալսարանի բնապահպանության կենտրոնը հայտարարում է

Հարվարդի համալսարանի բնապահպանության կենտրոնը 2015 թվականի համար ունի 6 կրթաթոշակներ:

Բնապահպանական կենտրոնի կրթաթոշակակիրները երկու տարի շարունակ կաշխատեն իրենց ընտրությամբ ցանկացած ամբիոնի կամ կենտրոնի աշխատակիցների հետ՝ նոր իմացություն ու գիտելիք ստեղծելու ինչպես նաև համալսարանի տարբեր կենտրոնների կապն ամրապնդելու համար:  

Ցանկացած ոլորտում թեկնածուական աստիճան ունեցող կամ չունեցող ՀՀ քաղաքացիները կարող են դիմել:

Մանրամասները`  armacad.blogspot.com կայքում:

Ինտելեկտուալ խաղի եզրափակիչ փուլի մեկնարկը

Սիրելի՛ ուսանողներ,

2014թ. նոյեմբերի 29-ին` ժամը 14:00-ին, ԵՊՀ Իջևանի մասնաճյուղի տնտեսագիտության ֆակուլտետի օնլայն լսարանում տեղի կունենա ինտելեկտուալ խաղի եզրափակիչ փուլը, որին հրավիրված են տնօրեն Ս. Առաքելյանը և ֆակուլտետների դեկանները:

Սիրով սպասում ենք ձեզ:

ԵՊՀ ԻՄ-ի ուսանողական գիտական ընկերություն

«100-ամյա լռություն» միջոցառումների շարք

«Միշտ երիտասարդ» ԵՀԿ-ն սկսում է «100-ամյա լռություն» խորագրով միջոցառումների շարք` նվիրված հայոց մեծ եղեռնի 100-րդ տարելիցին:

Միջոցառումների հիմնական նպատակը լինելու է երիտասարդների շրջանում հայոց Մեծ եղեռնի մասին ինֆորմացիայի տարածումը ինչպես Հայաստանում, այնպես էլ արտերկրում: Կլինեն տարաբնույթ միջոցառումներ, որոնցում ներգրավված կլինեն երիտասարդներ Հայաստանի Հանրապետության ողջ տարածքից:

Միջոցառումները տեղի կունենան 2015 թ.-ի մարտ-ապրիլ ամիսներին: Իսկ նախապատրաստական աշխատանքների մեկնարկը կտրվի ս.թ. նոյեմբերի երկրորդ կեսին. հենց այդ ժամանակ էլ ավելի մանրամասն կխոսենք բոլոր միջոցառումների մասին՝ ներկայացնելով ոլորտը, մասնակցության տարբերակները, ժամանակահատվածը և այլ մանրամասներ:

Նշենք նաև, որ յուրաքանչյուր երիտասարդ, երիտասարդական կազմակերպություն կամ ցանկացած այլ կառույց կարող է իր ներդրումն ունենալ «100-ամյա լռություն» նախագծի իրականացման մեջ` դառնալով մեր թիմի անդամ, որպես կամավոր կամ հնարավոր բոլոր միջոցներով աջակցելով կազմակերպչական աշխատանքներին: Բոլոր ցանկացողները կարող են լրացնել հայտը և ուղարկել մեզ:

Մենք կկապվենք բոլորի հետ աշխատանքները սկսելու նախօրեին:

Հարգանքներով՝ «Միշտ երիտասարդ» Երիտասարդական հասարակական կազմակերպություն:

Աղբյուրը` normitq.am

Հասանելի է մեթոդական ձեռնարկի էլեկտրոնային տարբերակը

Շուտով լույս կտեսնի «Գիտահետազոտական աշխատանք կատարելու հիմնասկզբունքները: Մեթոդական ցուցումներ» ձեռնարկը, որտեղ ներկայացված են ինչպես ուսումնական, այնպես էլ ակադեմիական հետազոտական աշխատանք (ռեֆերատ, կուրսային, բակալավրի և մագիստրոսի ավարտական աշխատանք, հոդված, ատենախոսություն և այլն) պատրաստելու հիմնասկզբունքները` հետազոտական աշխատանքի պլանավորման նրբությունները, աշխատանքների կառուցվածքային և բովանդակային պահանջները, գիտական էթիկայի հիմնատարրերը:

Ձեռնարկի հեղինակներն են՝

Աշխ. գիտ. թեկն., դոց. Գուրգեն Հովհաննիսյանը
(Գլուխ 1. Բաժին 1, Բաժին 2, Հավելվածներ),

Քաղ. գիտ. թեկն., դոց. Նարեկ Գալստյան
(Գլուխ 2. Բաժին 2, Բաժին 3),

Պատմ. գիտ. թեկն., ասիստ. Մենուա Սողոմոնյանը
(Գլուխ 2. Բաժին 1),

ԵՊՀ հայոց պպատմության ամբիոնի ասպիրանտ Միքայել Մալխասյանը
(Ներածություն, Գլուխ 1. Բաժին 2, Վերջաբանի փոխարեն):

ԵՊՀ Ուսանողական գիտական ընկերության նախաձեռնությամբ կազմված այս ձեռնարկը կօգնի ուսանողներին և երիտասարդ գիտնականներին` արդյունավետ պլանավորել իրենց հետազոտությունները, պատրաստել գիտականության և գիտական էթիկայի կանոններին համապատասխանող աշխատանքներ:

Հասանելի է ձեռնարկի էլեկտրոնային տարբերակը:


Ձեռնարկի հակիրճ բովանդակությունը

Գլուխ 1. Գիտական ճանաչողությունը և գիտահետազոտական աշխատանքների դասակարգումը

1.1. Գիտահետազոտական աշխատանքի ընդհանուր մեթոդաբանությունը

1.2. Գիտահետազոտական աշխատանքների տարատեսակները և դասակարգումը

Գլուխ 2. Փաստարկման ընդհանուր մեթոդաբանությունը և ակադեմիական ազնվությունը

2.1. Փաստարկման ընդհանուր տրամաբանությունն ու մեթոդաբանությունը գիտական աշխատանք կատարելիս Ջ. Միրշայմերի «Դարձ դեպի ապագա. անկայուն Եվրոպան Սառը պատերազմից հետո» հոդվածի օրինակով

2.2. Հղումները գիտական հրապարակումներում

2.3. Գրագողություն

Վերջաբանի փոխարեն. գիտահետազոտական աշխատանք գրելու ընդհանուր սկզբունքներ

Հավելված 1. Գիտահետազոտական աշխատանք կատարելիս առավել հաճախ հանդիպող հասկացություններ

Հավելված 2. Կուրսային և ավարտական աշխատանքների տիտղոսաթերթի օրինակելի նմուշներ

Աղբյուրը` armscoop.com