Հայաստանի Ամերիկյան Համալսարանը և «Մտավոր սեփականության իրավունքի կենտրոն»-ը (IPRC), ԱՄՆ-ի դեսպանության աջակցությամբ, հայտարարում են «ԵՍ ՍՏԵՂԾՈՒՄ ԵՄ» (“I CREATE”) ամենամյա նոր մրցույթի մեկնարկը:

Մրցույթը կոչված է նպաստելու երիտասարդների նորարարական գաղափարների իրագործմանը: Մասնավորապես, մասնակիցները կծանոթանան նոր ապրանքները կամ ծառայություններն առևտրայնացնելու (կոմերցալիզացնելու) համար արդյունավետ թիմեր ձևավորելու հմտություններին, գաղափարից մինչև շուկա հասնելու ողջ գործընթացին և առանձնահատկություններին, ինչպես նաև կստանան անհրաժեշտ գիտելիքներ մտավոր սեփականության իրավունքի բնագավառում, ձեռք կբերեն բիզնես առաջարկներ կազմելու և հնարավոր ներդրողներին ներկայացնելու ունակություններ: Այս ամենը հնարավորություն կտա մասնակիցներին նոր ձեռք բերված գիտելիքներին և հմտություններին համապատասխան զարգացնել և մրցույթի ավարտին ներկայացնել սեփական նորարական գաղափարը:

Մրցույթին մասնակցության հայտ կարող են ներկայացնել 17-25 տարեկան երիտասարդները, անկախ մասնագիտությունից, մինչև 2014թ.-ի սեպտեմբերի 22-ը:

Մասնակցության հայտը կարելի է ներբեռնել և մրցույթի մասին առավել մանրամասն տեղեկատվություն ստանալ IPRC-ի http://ipr-center.org/hy/icreate կայքէջից:

Լրացված հայտերն անհրաժեշտ է ուղարկել info@ipr-center.org հասցեին:

Հարցերի դեպքում խնդրում ենք զանգահարել 51-22-47 հեռախոսահամարով կամ ուղարկել էլ-նամակ info@ipr-center.org հասցեին:Ա

Աղբյուրը` armacad.blogspot.com