Ijevan Branch of Yerevan State University

Մրցույթ

Մրցույթ

Հայաստանի Հանրապետության կրթության և գիտության նախարարության գիտության պետական կոմիտեն կազմակերպում է «Բնական գիտություններ», «Ճարտարագիտություն և տեխնոլոգիա» և «Բժշկական գիտություններ» բնագավառներում գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի ընտրության ՄՐՑՈՒՅԹ:

Ընտրված գիտական թեմաները կիրականացվեն «Ռադիոիզոտոպների արտադրության կենտրոն» փակ բաժնետիրական ընկերության «CYCLONE 18/18» ցիկլոտրոնի վրա:

Մրցույթին մասնակցելու հայտ ներկայացվում է Հայաստանի Հանրապետության կրթության եւ գիտության նախարարության գիտության պետական կոմիտե՝ մինչեւ 2014 թվականի հունիսի 20-ը ներառյալ՝ աշխատանքային օրերին, ժամը 10:00 – 13:00 և 14:00 – 17:00, ք. Երևան, Օրբելի եղբայրների 22, 7-րդ հարկ, 708 սենյակ:

Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ Հայաստանի Հանրապետության կրթության և գիտության նախարարության գիտության պետական կոմիտեի աշխատակազմի գիտական գործունեության կազմակերպման վարչությունում՝ աշխատանքային օրերին ժամը 14:00 – 17:00 (հեռախոս՝ 210 140 +113):

Մրցույթի հրավերի փաթեթը

 

Հայաստանի Հանրապետության կրթության և գիտության նախարարության գիտության պետական կոմիտե

Աղբյուրը` www.ysu.am

ՏԵՂԱՆՈՒՆԻՑ դեպի ՊԱՏՄՈՒԹՅՈՒՆ

ՏԵՂԱՆՈՒՆԻՑ դեպի ՊԱՏՄՈՒԹՅՈՒՆ

ՏԵՂԱՆՈՒՆԻՑ դեպի ՊԱՏՄՈՒԹՅՈՒՆ

Ստեփան Տիգրանի Մելիք-Բախշյանի ծննդյան 90-ամյակին նվիրված գիտաժողով

26 սեպտեմբերի, 2014

Երևանի պետական համալսարան

Երևանի պետական համալսարանի պատմության ֆակուլտետը կազմակերպում է «Տեղանունից դեպի պատմություն» խորագրով գիտաժողով՝ նվիրված վաստակաշատ պատմաբան, պատմական գիտությունների դոկտոր, պրոֆեսոր Ստեփան Տիգրանի Մելիք-Բախշյանի ծննդյան 90-ամյակին:

Գիտաժողովին մասնակցության համար ընդունվում են հայտեր հատկապես հայոց տեղանվանագիտության և պատմության այն ժամանակաշրջանների ու ոլորտների վերաբերյալ, որոնք եղել են պրոֆեսոր Մելիք-Բախշյանի գիտական հետզոտությունների շրջանակում, այդ թվում.

· Հնագիտություն ու հնագրություն
· Աղբյուրագիտություն
· Միջնադարյան Հայաստանի պատմություն
· Սոցիալական, կրոնական և քաղաքական շարժումները Հայաստանում
· Հայոց տեղանուններ
· Պաշտամունքային վայրերը Հայաստանում

Գիտաժողովի լեզուն հայերենն է:

Գիտաժողովին մասնակցելու համար խնդրում ենք մինչև 2014թ. հունիսի 11-ը armacad@gmail.com հասցեին ուղարկել․

1. ակադեմիական ինքնակենսագրություն (CV)
2. զեկուցման՝ 300 բառը չգերազանցող, հայոց լեզվով ու միայն Unicode տառատեսակով գրված համառոտագիր, որի վերևում հերթականությամբ զետեղել հետևյալ հարցերի պատասխաները։ ա) անուն, ազգանուն, հայրանուն (հայերեն, անգլերեն և ռուսերեն լեզուներով) բ) աշխատանքի վայրը դ) պաշտոն, կոչում, աստիճան ե) էլ․ փոստ, հեռախոս, հասցե զ) զեկուցման խորագիրը (հայերեն, անգլերեն և ռուսերեն լեզուներով)

Ստացված հայտերը կքննարկվեն գիտաժողովի կազմակերպչական կոմիտեի կողմից և գիտաժողովին մասնակցելու պաշտոնական հրավերը կուղարկվի մինչև օգոստոսի 15-ը:

Գիտաժողովի նյութերը կտպագրվեն:

ՍՏԵՓԱՆ ՏԻԳՐԱՆԻ ՄԵԼԻՔ-ԲԱԽՇՅԱՆ

Ստեփան Տիգրանի Մելիք-Բախշյանը ծնվել է 1924թ. ապրիլի 15-ին Նախիջևան քաղաքում: 1934թ. ընտանիքով տեղափոխվել են Երևան, որտեղ շարունակելով ուսումն, ավարտել է Աբովյանի անվան միջնակարգ դպրոցը և 1940թ. ընդունվել Երևանի պետական համալսարանի պատմության ֆակուլտետը: Համալսարանը գերազանցությամբ ավարտել է 1945թ. և ընդունվել համալսարանի ասպիրանտուրան` միջնադարյան հայոց պատմության մասնագիտացմամբ:

1946թ. ԵՊՀ հայոց պատմության ամբիոնում վարել է ասիստենտի պաշտոն, իսկ 1949թ. նույն ամբիոնում, լրիվ դրույքով, աշխատել է սկզբում որպես ավագ դասախոս, հետո` դոցենտ, իսկ 1968թ. զբաղեցրել էպրոֆեսորի պաշտոն: Մահացել է Երևանում 1998 թվականին:

1953թ․ հրատարակվում է Մելիք-Բախշյանի՝ «Պավլիկյան շարժումը Հայաստանում» մենագրությունը, իսկ 1968 թվականին՝ «Հայաստանը 7-9րդ դարերում»: Որպես հմուտ աղբյուրագետ, նա իր դասախոսական և հետազոտական աշխատանքի արդյունքում առաջինն է հրատարակել «Հայոց պատմության աղբյուրագիտություն» բուհական դասագիրքը, որն ընդգրկում է Հայաստանի պատմության հետ առնչվող հայ և օտար լեզուներով եղած գրեթե բոլոր կարևորագույն և բնույթով բազմազան աղբյուրները` հնագույն ժամանակներից մինչև 18-րդ դարի վերջը (հրատարակվել է 1979 և 1989թթ.): Ստ. Մելիք-Բախշյանի գրչին է պատկանում նաև 1987թ․ հրատարակված «Հայկական հնագրություն» բուհական դասագիրքը, որը նաև որոշակի հետաքրքրություն է ներկյացնում հայ գրչությամբ հետաքրքրվողների համար, ինչպես նաև 1993 թվականին հրատարակած «Հայոց պատմություն» դասագիրքը բուհ ընդունվողների համար:

Պրոֆ. Ստ. Մելիք-Բախշյանի հայագիտական հետազոտությունների հանրագումարը «Հայաստանի և հարակից շրջանների տեղանունների բառարանն» է: Հինգ հատորանոց այդ մեծածավալ աշխատանքը (պրոֆ. Թ. Հակոբյանի և Հ. Բարսեղյանի համահեղինակությամբ) Ստ. Մելիք-Բախշյանի և գործընկերների 40 տարվա տքնաջան աշխատանքի արդյունքն է: Այն ընդգրկում է պատմական Հայաստանի և Կիլիկիայի և հարակից շրջանների շուրջ 140.000 տեղանուն: Բառարանը գրված է բազմալեզու և բազմատեսակ սկզբնաղբյուրների և ամենատարբեր ուսումնասիրությունների ու քարտեզների և անձնական շրջագայություններով ձեռք բերված արժեքավոր նյութերի հիման վրա: Աշխատությունն ունի 150 պատմական քարտեզներ և բազմաթիվ լուսանկարներ:

Հետմահու` 2009թ․, հրատարակվել է նաև Մելիք-Բախշյանի «Հայոց պաշտամունքային վայրերը» հանրագիտարանը:

http://armacad.blogspot.com/2014/04/90-26092014.html

Կրթական հետազոտություն կատարելու մրցույթի հայտարարություն – ՍԻՎԻՏԱՍ

Կրթական հետազոտություն կատարելու մրցույթի հայտարարություն - ՍԻՎԻՏԱՍ

Ժողովրդավարական կրթության հայկական կենտրոն- ՍԻՎԻՏԱՍ հասարակական կազմակերպությունը հրավիրում է սոցիոլոգիական, գիտահետազոտական, կրթական կազմակերպություններին (ՍՊԸ, ՀԿ, ՊՈԱԿ և այլն) և/կամ հետազոտական խմբերին գնառաջարկ ներկայացնելով մասնակցել հետազոտություն կատարելու մրցույթին:

Ժողովրդավարական կրթության հայկական կենտրոն- ՍԻՎԻՏԱՍ հասարակական կազմակերպությունը ՄԱԿ-ի Ժողովրդավարության հիմնադրամի աջակցությամբ 2014-2015 թթ իրականացնում է «Ժողովրդավարության և մարդու իրավունքների կրթությունը Հայաստանում» ծրագիրը:

Ծրագրի ընդհանուր նպատակն է խթանել ժողովրդավարության և մարդու իրավունքի մշակույթի և կարողությունների ձևավորումը հայաստանյան հանրակրթական դպրոցներում:

Ծրագրի շրջանակներում նախատեսում է ՀՀ Կոտայքի և Տավուշի մարզերի հանրակրթական դպրոցներում անցկացնել երկու հետազոտություն 2014թվականի օգոստոս-սեպտեմբեր ամիսներին և 2015 թվականի հոկտեմբեր-նոյեմբեր ամիսներին:

Հետազոտության նպատակն է ուսումնասիրել ժողովրդավարական կառավարման ոլորտում Կոտայքի և Տավուշի մարզերի հանրակրթական դպրոցների վարչական աշխատողների, դպրոցական և աշակերտական խորհուրդների անդամների գիտելիքները, վերաբերմունքը, փորձառությունը և վարքը «Ժողովրդավարության և մարդու իրավունքների կրթությունը Հայաստանում» ծրագրի իրականացումից առաջ և իրականացումից հետո:

Մրցույթին մասնակցելու համար դիմող կազմակերպությունները, խմբերը պետք է ներկայացնեն ուսումնասիրության նախնական ծրագիրը (հետազոտության ընտրանքը, մեթոդաբանությունը, գործիքները – ոչ ավելի քան 2 էջ), ժամանակացույցը, գնառաջարկը, ինչպես նաև նմանատիպ աշխատանքի իրենց ունեցած փորձը:

Պահանջվող նյութերը պետք է ուղարկել info@civitasarmenia.am էլեկտրոնային հասցեին` Գնառաջարկ վերնատառով մինչև սթ. հունիսի 10-ը:
Ընտրված կազմակերպության կամ խմբի հետ կկնքվի ծառայության մատուցման պայմանագիր:

Գիտաժողով. Հայոց պատմության հիմնահարցերի աղբյուրագիտություն

Գիտաժողով. Հայոց պատմության հիմնահարցերի աղբյուրագիտություն

ՀՀ ԳԱԱ պատմության ինստիտուտի երիտասարդ գիտաշխատողների խորհուրդը 2014 թ. հուլիսի 4-6-ը կազմակերպում է հերթական` XXXV գիտական նստաշրջանը` նվիրված Հայոց պատմության հիմնահարցերի աղբյուրագիտությանը:

Գիտաժողովին կարող են մասնակցել մինչև 35 տարեկան պատմաբանները:

Մասնակցել ցանկացողները պետք է մինչև ս.թ. հունիսի 20-ը զեկուցման հիմնադրույթն ուղարկեն hamosukiasyan@gmail.com էլ. փոստի հասցեով, կամ էլ անձամբ ներկայացնեն Ինստիտուտի գիտքարտուղար Հակոբ Մուրադյանին կամ Երիտասարդ գիտաշխատողների խորհրդի նախագահ Համո Սուքիասյանին:

Հիմնադրույթը պետք է պարունակի 200-250 բառ:

Տեխնիկական չափանիշներ: Տառատեսակը հայերենի դեպքում` Sylfaen, այլ լեզուների պարագայում` Times New Roman, տառաչափը` 12, միջտողային հեռավորությունը` 1.5, լուսանցքները` վերևից` 2, ներքևից` 2.5, ձախից` 3, աջից` 1 սմ: Հղումները կատարել տողատակում` աճման կարգով:

Տեխնիկական չափանիշներին չբավարարող զեկուցումները չեն ընդունվի:

Զեկուցման համար տրամադրվելու է մինչև 15 րոպե:

Գիտական աստիճան չունեցողները պարտադիր պետք է ներկայացնեն երաշխավորական գրություն գիտական ղեկավարից կամ գիտական (գիտակրթական) հաստատության համապատասխան մասնագիտական ստորաբաժանման կողմից:

Գիտաժողովին ընդունվում են միայն աղբյուրագիտության թեմատիկայով զեկուցումներ:

Լավագույն զեկուցումները կտպագրվեն ՀՀ ԳԱԱ պատմության ինստիտուտի «Հայոց պատմության հարցեր» հանդեսի 15-րդ համարում:

ՀՀ ԳԱԱ ՊԱՏՄՈՒԹՅԱՆ ԻՆՍՏԻՏՈՒՏԻ ԵՐԻՏԱՍԱՐԴ ԳԻՏԱՇԽԱՏՈՂՆԵՐԻ ԽՈՐՀՈՒՐԴ

Աղբյուրը` armscoop.com

ՄՐՑՈՒՅԹ՝ ԿԵՆՍԱԿԱՆ ԳԻՏՈՒԹՅՈՒՆՆԵՐԻ (LIFE SCIENCES) ՈԼՈՐՏՈՒՄ ԿԱՏԱՐՎԱԾ ՀԵՏԱԶՈՏՈՒԹՅՈՒՆՆԵՐԻ ՀԱՄԱՐ

ՄՐՑՈՒՅԹ՝ ԿԵՆՍԱԿԱՆ ԳԻՏՈՒԹՅՈՒՆՆԵՐԻ (LIFE SCIENCES) ՈԼՈՐՏՈՒՄ ԿԱՏԱՐՎԱԾ ՀԵՏԱԶՈՏՈՒԹՅՈՒՆՆԵՐԻ ՀԱՄԱՐ ՅՈՒՆԵՍԿՕ-ի կենտրոնակայանը հրավիրվում է մասնակցելու կենսական գիտությունների (life sciences) ոլորտում կատարված հետազոտությունների համար միջազգային մրցույթին:  «UNESCO-Equatorial Guinea International Prize for Research in the Life Sciences» մրցանակը կարող է շնորհվել այն անհատներին, հաստատություններին կամ հասարակական կազմակերպություններին, որոնք կենսական գիտությունների ոլորտում իրականացրել են մեծ գիտական արժեք ներկայացնող և մարդկային կյանքի որակի բարելավմանն ուղղված ծրագրեր և ուսումնասիրություններ: Մրցանակը ներառում է շքանշան, դիպլոմ և 300.000 ԱՄՆ դոլար, որը հավասարաչափ կբաշխվի երեք հաղթողների միջև: Մրցանակի վերաբերյալ մանրամասն տեղեկատվությանը կարելի է ծանոթանալ կից նյութերից: Աղբյուրը` www.edu.am