2015թ. ապրիլի 9-ին ԵՊՀ Իջևանի մասնաճյուղի բնական գիտությունների ֆակուլտետում տեղի ունեցավ Մայրության և գեղեցկության տոնին նվիրված միջոցառում:

Ներկա էին ֆակուլտետի վարչական և պրոֆեսորադասախոսական անձնակազմի ներկայացուցիչներ, մասնաճյուղի ուսանողական կառույցների անդամներ, ուսանողներ:

Միջոցառումն ուներ յուրօրինակ բացում. բոլոր մասնակիցները հանդես եկան մաթեմատիկական բանաձևերի տեսքով, և ստացվեց կոմպլեքս թիվ՝ արմատ (ապրիլի 7-մարտի 8):

Ներկայացվեցին տոնին համահունչ երգեր, բանաստեղծություններ, թևավոր խոսքեր, պարեր (վիեննական վալս, պոպուրի և այլն):

Միջոցառումը եզրափակվեց հումորային բեմադրությամբ:

Վերջում Բնական գիտությունների ֆակուլտետի դեկան Մ.Զաքարյանը հանդես եկավ խրախուսական և շնորհակալական խոսքով:

2015թ. ապրիլի 9-ին ԵՊՀ ԻՄ-ի բնական գիտությունների ֆակուլտետում «Ծրագրային ապահովման նախագծում. նախագծման ձևանմուշներ և հակաձևանմուշներ» թեմայով գիտական զեկուցում կարդաց ֆ.մ.գ.թ. Սուրեն Բալիկյանը, որին հրավիրել էր մասնաճյուղի ծրագրավորման և ինֆորմացիոն տեխնոլոգիաների ամբիոնը:

Ներկա էին Ծրագրավորման և Ինֆորմացիոն տեխնոլոգիաների ամբիոնի վարիչ Ռ.Քամալյանը, դասախոսներ և ուսանողներ:

Թեման բավականին հետաքրքիր էր:
Զեկուցողը ներկայացրեց օբյեկտային կողմնորոշված ծրագրավորման հիմնական սկզբունքները, ծրագիր գրելու համար անհրաժեշտ քայլերը:

Ներկայացված զեկուցումը բավականին հետաքրքրեց ուսանողներին, որոնք զեկուցողին ուղղեցին հարցեր և ստացան լիարժեք պատասխաններ:

2015թ. ապրիլի 7-ին ԵՊՀ Իջևանի մասնաճյուղի մարզադահլիճում տեղի ունեցավ սեղանի թենիսի բաց առաջնություն, որը նվիրված էր Մայրության և գեղեցկության տոնին:

Առաջնությանը մասնակցում էին 20 մարզիկ-մարզուհիներ` տարբեր ուսումնական հաստատություններից:

Տղաների առաջնությունն անցկացվեց օլիմպիական կարգով, աղջիկներինը` շրջանաձև:

Տղաների մրցապայքարում եզրափակիչ դուրս եկան Հեռակա ուսուցման բաժնի «Տնտեսագիտության տեսություն» մասնագիտության երրորդ կուրսի ուսանող Շավարշ Կիրակոսյանը և Նարեկ Ստեփանյանը:

2:0 հաշվով հաղթեց Շավարշ Կիրակոսյանը:

3-րդ տեղը գրավեց Հեռակա ուսուցման բաժնի «Սերվիս» մասնագիտության առաջին կուրսի ուսանող Ալիկ Դավթյանը:

Աղջիկների մրցապայքարում եզրափակիչ դուրս եկան «Ինֆորմատիկա և կիրառական մաթեմատիկա» մասնագիտության երկրորդ կուրսի ուսանողուհի Աննա Մանուչարյանը, մասնաճյուղի արտակարգ իրավիճակների, մարմնակրթության և սպորտի ամբիոնի վարիչ Վարդիթեր Պողոսյանը և Իջևանի թիվ 5 հիմնական դպրոցի ֆիզկուլտուրայի ուսուցչուհի Ռիտա Դավթյանը:

1-ին տեղը գրավեց Վարդիթեր Պողոսյանը` 2:1 հաշվով հաղթելով Ռիտա Դավթյանին:

3-րդ տեղը գրավեց Աննա Մանուչարյանը:

Հաղթողները տնօրենության կողմից պարգևատրվեցին մեդալներով, պատվոգրերով և հուշանվերներով: