2015թ. մայիսի 25-ից ԵՊՀ Իջևանի մասնաճյուղում (առկա և հեռակա ուսուցման համակարգերում) սկսվել է 2014-2015 ուստարվա II կիսամյակի քննաշրջանը:
Առկա ուսուցման համակարգում սովորող ուսանողների համար քննաշրջանը կտևի մինչև հունիսի 27-ը, իսկ հեռակա համակարգի ուսանողների համար` մինչև հունիսի 13-ը:
Լուծարքները կանցկացվեն 2 փուլով. 1-ին փուլը (առկա և հեռակա ուսուցման համակարգերում սովորող ուսանողների համար) կկայանա սեպտեմբերի 1-12-ը, 2-րդ փուլը՝ սեպտեմբերի 14-24-ը:
Մասնաճյուղի ուսումնամեթոդական վարչության պետ Արկադի Դավթյանը հարցազրույցի ընթացքում վստահեցրեց, որ քննությունները կազմակերպվել են սահմանված կարգով, դասախոսները և ուսանողները քննություններին մոտենում են լրջությամբ ու պատասխանատվությամբ:
