2015թ. հունիսի 30-ին Իջևանի շատրվանների հրապարակում տեղի ունեցավ աշխատանքի տոնավաճառ, որը կազմակերպվել էր ՀՀ ԱՍՀՆ Զբաղվածության պետական գործակալության կողմից:
Տոնավաճառին ներկա էին Տավուշի մարզպետարանի, Իջևանի քաղաքային իշխանությունների, մարզի հիմնարկ-ձեռնարկությունների ներկայացուցիչներ, քաղաքացիներ, հյուրեր:
Իրենց տաղավարներով տոնավաճառում ընդգրկված էին մարզի 25 գործատուներ, այդ թվում` ԵՊՀ Իջևանի մասնաճյուղը` 4 թափուր հաստիքների («Դեկորատիվ կիրառական արվեստի մասնագետ», «Դիզայնի մասնագետ», «Տուրիզմի և սերվիսի մասնագետ», «Ֆրանսերեն լեզվի մասնագետ») առաջարկով:
Ներկաները, որոնց մեջ կային և մասնաճյուղի շրջանավարտներ, հետաքրքրված էին մասնաճյուղի տաղավարով, որի պատասխանատուին հանձնեցին իրենց ինքնակենսագրությունները:
Իջևանի տարածքային զբաղվածության կենտրոնի ղեկավար Վ.Առաքելյանը, Տավուշի փոխմարզպետ Լ.Սարգսյանը, ներկաներին ողջունելով, կարևորեցին աշխատանքի տոնավաճառի կազմակերպումը մարզում, ապա մի շարք գործատուների հանձնեցին շնորհակալագրեր Իջևանի տարածքային զբաղվածության կենտրոնի հետ ակտիվ համագործակցության համար:
Շնորհակալագիր ստացավ նաև ԵՊՀ Իջևանի մասնաճյուղը` ի դեմս ՄԿՊԿ բաժնի վարիչ Վ.Աղաբաբյանի: