Երևանի պետական համալսարանի Իջևանի մասնաճյուղ

Մեր ուսանողների հանդիպումը «Մաշտոց» հիմնադրամի հովանավոր Վարուժան Ալթըպարմաքյանի հետ

1․ գլխ․

 Օրերս տեղի ունեցավ Եգիպտահայ ընկերակցության «Մաշտոց» հիմնադրամի հովանավորներից Արևմտյան թեմի բարերար Վարուժան Ալթըպարմաքյանի  հետ ԵՊՀ ԻՄ-ի 65 ուսանողի հանդիպումը։ 

Հանդիպմանը մասնակցել են Տավուշի թեմի առաջնորդ Գերաշնորհ Տեր Բագրատ եպիսկոպոս Գալստանյանը, Տեր Արամ քահանա Միրզոյանը, Տավուշի թեմի մի շարք աշխատակիցներ և ԵՊՀ  ԻՄ-ի արտաքին կապերի բաժնի մասնագետ  Ս․Գալստյանը։

Հիշեցնենք, որ 2021-2022 ուստարվա 2-րդ կիսամյակի համար Հայաստանյայց Առաքելական Սուրբ Եկեղեցու Տավուշի թեմը Եգիպտահայ ընկերակցության «Մաշտոց» հիմնադրամի Արևմտյան թեմի բարերարներ Վարուժան Ալթըպարմաքյանի, դոկտոր Պարլո Տեր-Մկրտիչյանի և Իշխան Պայրաթտարյանի  աջակցությամբ ԵՊՀ ԻՄ-ի 65 ուսանողի տրամադրել է կրթաթոշակներ 100 հազարական դրամի չափով։

Արևմտյան թեմի բարերար Վարուժան Ալթըպարմաքյանը ծանոթացավ ուսանողների հետ, ներկայացրեց իր կյանքի փորձը, պայքարելու, խոչընդոտները հաղթահարելու ձգտումը, իր անցած ուղին, կրթությունը, կամավորական աշխատանքները։

Ուսանողները բավականին տպավորված էին բարերար Վարուժան Ալթըպարմաքյանի հետ հանդիպում-քննարկումով, որն ավարտվեց կրկին հանդիպելու ակնկալիքով։