Հարգելի՛ դասախոսներ, ԵՊՀ միջազգային համագործակցության վարչությունը տեղեկացնում է, որ 2020թ. նոյեմբերի 8-ին և 15-ին ԵՊՀ-ն կանցկացնի «Ադրբեջանա-թուրքական ագրեսիան և Արցախի անկախության պայքարը» խորագրով միջազգային առցանց համաժողովը, որին կմասնակցեն պատմության, արևելագիտության, ցեղասպանության, կոնֆլիկտաբանության և այլ հարակից ոլորտների՝ միջազգային ճանաչում ունեցող հայ և արտասահմանցի գիտնականներ:
Ս.թ. նոյեմբերի 8-ին տեղի կունենա համաժողովի առաջին նիստը, որի աշխատանքային լեզուն անգլերենն է, մինչդեռ նոյեմբերի 15-ին կայանալիք երկրորդ նիստի լեզուն գերմաներենն է: Մասնակիցներին կտրամադրվեն ելույթների սլայդները հայերենով:
Երկու նիստերն էլ կմեկնարկեն Երևանի ժամանակով ժամը 18:00-ին:
Համաժողովին կարող եք մասնակցել հետևյալ հղումով:
Մասնակիցների ելույթներն ու քննարկումները կձայնագրվեն և կներկայացվեն ԵՊՀ կայքէջով, ֆեյսբուքյան և յութուբյան ալիքներով:
Խնդրում ենք ի նկատի ունենալ, որ առցանց սահմանափակումներից խուսափելու համար անհրաժեշտ է համաժողովին միանալ հնարավորինս շուտ:
Առաջին մասի օրակարգը կարող եք տեսնել այստեղ:
