Գերմանիայի Բադեն Վյուրթենբերգի կրթաթոշակային ծրագրի շրջանակում Աալենի համալսարանը հայտարարում է մրցույթ բակալավրիատի, մագիստրատուրայի և ասպիրանտուրայի ուսանողների համար՝ 2021-2022 ուստարվա առաջին կիսամյակում ուսանելու նպատակով:
Բադեն Վյուրթենբերգի կրթաթոշակային ծրագիրը տրամադրում է ամսական 700-1400 եվրո կրթաթոշակ: Ավիատոմսերի ծախսը չի փոխհատուցվում:
Ավելի մանրամասն տեղեկությունների, ինչպես նաև դիմելու կարգին ծանոթանալու համար ներկայացնում ենք կից փաստաթուղթ:
Անգլերեն դասընթացների ցանկը կարող եք տեսնել հետևյալ կայքում՝
https://hs-aalen.de/en/pages/aaa_english-taught-lectures:
Խնդրում ենք մինչև 2021թ. մարտի 31-ը՝ ժամը 17:00-ն, Միջազգային համագործակցության վարչության միջազգային կապերի բաժնի mmargaryan@ysu.am էլ. հասցեին ուղարկել ստորև ներկայացված փաստաթղթերը, որոնք ընդունվում են միայն անգլերեն՝ PDF տարբերակով.
- անձնագրի պատճեն,
- ինքնակենսագրական (CV) «Europass» ձևաչափով
(https://europass.cedefop.europa.eu), - մոտիվացիոն նամակ,
- ակադեմիական տեղեկագիր,
- տեղեկանք ԵՊՀ-ում ուսանելու վերաբերյալ,
- ուսումնառության համաձայնագիր
(https://ec.europa.eu/programmes/erasmus-plus/resources/documents/applicants/learning-agreement_en), - գերմաներենի/անգլերենի իմացությունը հաստատող վկայական,
- երաշխավորական նամակ ֆակուլտետի դասախոսական կազմի կողմից:
Հարցերի դեպքում և հավելյալ տեղեկատվության համար կարող եք դիմել ԵՊՀ միջազգային կապերի բաժին՝ Կենտրոնական մասնաշենք, 4-րդ հարկ, 408 սենյակ, հեռախոս՝ (+374 10) 55-46-41 (ներքին` 11-38):
Ծրագրի համակարգող՝ Մարինա Մարգարյան
Աղբյուրը` ysu.am: