ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում ֆինանսավորվող և «ՓԻ-ԷՅՉ Ինթերնեշնլ» կազմակերպության կողմից իրականացվող «Տավուշում կրթական-տեղեկատվական դասընթացներ ծրագրի» շրջանակում ստեղծված և ԵՊՀ ԻՄ-ում գործող «Ամերիկյան գրադարան և դասընթացների կենտրոն»-ում անվճար հիմունքներով կազմակերպվում են անգլերենի դասընթացներ, որոնք նախատեսված են ինչպես սկսնակների, այնպես էլ անգլերենի միջին մակարդակ ունեցող անձանց համար: Դրանք նաև լավ հնարավորություն են բարձրացնելու մեր ուսանողների անգլերենի իմացության մակարդակը և զարգացնելու նրանց հաղորդակցման հմտությունները:
Դասընթացները կիրականացվեն 2022թ. հոկտեմբերից 2023թ․ սեպտեմբերի 30-ն ընկած ժամանակահատվածում, շաբաթական 2 հանդիպումով, հիմնականում օրվա երկրորդ կեսին (ըստ ձևավորված յուրաքանչյուր խմբի անդամների զբաղվածության):
Կձևավորվի երեք խումբ՝ յուրաքանչյուր խմբում ներառելով 20 մասնակից: Դասընթացներից երկուսը կանցկացվի առկա ձևաչափով, մեկը՝ առցանց հարթակում։
Կենտրոնն ապահովում է ուսումնառության համար անհրաժեշտ բոլոր նյութերը։ Դասընթացի վերջում մասնակիցները կստանան ավարտական վկայականներ:
Դասընթացներին կարող են դիմել 18 և բարձր տարիքի անձինք: Գրանցման վերջնաժամկետն է 2022թ. սեպտեմբերի 23-ն է:
Դասընթացին դիմելու համար խնդրում ենք լրացնել հայտը հետևյալ հղումով՝ https://forms.gle/Wucgv4jLMZM3izJ9A:
Տեղերը սահմանափակ են, շտապեք, քանի որ մասնակցելու հնարավորություն կունենան առաջին գրանցվողները:
Ծրագրում ընդգրկված լինելու և իրենց խմբի դասընթացի գրաֆիկի մասին շահառուները կտեղեկացվեն էլեկտրոնային նամակով կամ հեռախոսազանգով:
Հարցերի դեպքում կամ լրացուցիչ տեղեկությունների համար կարող եք դիմել կենտրոնի համակարգողներին հետևյալ հեռախոսահամարներով՝ (+374 98) 565121 (Էդիտա), (+374 98) 515828 (Սյուզաննա):
