Երևանի պետական համալսարանի Իջևանի մասնաճյուղ

Կիրառական արվեստի ֆակուլտետի ներկայացուցիչների այցը Ազատամուտ համայնք

IMG_5061 2019թ. ապրիլի 17-ին ԵՊՀ ԻՄ-ի կիրառական արվեստի ֆակուլտետի դեկանի պաշտոնակատար Ա. Շ. Մարգարյանը, Գծանկարի, գունանկարի և քանդակի ամբիոնի վարիչ, դոցենտ, ՀՆՄ վարչության անդամ Համլետ Ասատրյանը այցելեցին Ազատամուտ համայնք:

Այցելության նպատակն էր Ազատամուտ համայնքի գեղարվեստի ստուդիայի սաների համար վարպետաց դաս անցկացնելը և «Մաքուր պահենք մեր համայնքը» խորագրով նկարչության մրցույթին ժյուրիի կազմում մասնակցելը:

Նախ պարոն Ասատրյանը գեղարվեստի ստուդիայի սաների համար իրականացրեց վարպետաց դաս՝ նրանց տալով նկարելու կատարողական ու տեխնիկական հմտություններ, բացատրելով որոշ նրբություններ:

Այնուհետև Ազատամուտ համայնքի մշակույթի պալատում կայացավ «Մաքուր պահենք մեր համայնքը» խորագրով նկարչության մրցույթը, որը կազմակերպել էր գեղարվեստի ստուդիայի ուսուցիչ, ԵՊՀ ԻՄ-ի շրջանավարտ Անի Աղաջանյանը:

Այցի վերջում ելույթ ունեցավ Ազատամուտի համայնքապետի պաշտոնակատար Վահագն Ալավերդյանը՝ շնորհակալություն հայտնելով ԵՊՀ ԻՄ-ի ներկայացուցիչներին՝ իրենց նախաձեռնության համար և հույս հայտնեց, որ հետագայում կխորացնեն և կընդլայնեն փոխհամագործակցությունը: