Երևանի պետական համալսարանի Իջևանի մասնաճյուղ

Տեղի  կունենա Տնտեսագիտության  ֆակուլտետի  գիտական  խորհրդի  նիստ

նիստ

2017թ.  փետրվարի  4-ին`  ժամը  1200-ին,  տեղի  կունենա Տնտեսագիտության  ֆակուլտետի  գիտական  խորհրդի  նիստ՝  հետևյալ  օրակարգով.

  1. 2016-17 ուսումնական  տարվա  առաջին  կիսամյակի  քննաշրջանի  ամփոփման  մասին:

Զեկուցող՝  Ն. Խուդավերդյան

  1. 2016-17 ուսումնական  տարվա  երկրորդ  կիսամյակի    նախապատրաստական  աշխատանքների (դեկանատի  և  ամբիոնների) մասին:

Զեկուցող՝  Ն. Խուդավերդյան

 

Տնտեսագիտության  ֆակուլտետի  գիտական  խորհուրդ

ՀԵՀ-ը հայտարարում է կրթաթոշակի մրցույթ

ՀԵՀ-ը հայտարարում է կրթաթոշակի հատկացման մրցույթ

Հայաստանի երիտասարդական հիմնադրամը (ՀԵՀ) ՀՀ կառավարության և կրթության և գիտության նախարարության աջակցությամբ հայտարարում է կրթաթոշակների տրամադրման մրցույթ։

Մրցույթին կարող են մասնակցել պետական բուհերի առկա ուսուցման առաջին կուրսի` անվճար համակարգում չընդգրկված ուսանողները։

Հայտատու ուսանողը պետք է լինի ՀՀ քաղաքացի և բավարարի նշված պահանջներից առնվազն մեկին՝

• սոցիալապես անապահով (ընտանիքների անապահովության գնահատման համակարգում հաշվառված՝ անապահովության «20.00» միավորից բարձր անապահովության միավոր ունեցող) ընտանիքների անդամ,

• երրորդ խմբի հաշմանդամ ուսանող,

• սահմանամերձ համայնքների ուսանող (հիմք են ընդունվում սահմանամերձ այն համայնքները, որոնք ՀՀ կառավարության որոշմամբ ստանում են սոցիալական աջակցություն),

• տվյալ ուսումնական տարվա կիսամյակի քննությունների և ստուգարքների արդյունքներով գերազանց գնահատականներ ունեցող ուսանող,

• հասարակական ակտիվություն ցուցաբերող ուսանող։

Յուրաքանչյուր հայտատուի փաստաթղթերում պետք է ներառվեն.
 
ա/ անձնագրի և/կամ նույնականացման քարտի պատճեն,
 
բ/ տեղեկանք հայտատուի տարածաշրջանի սոցիալական ապահովության մարմինների կողմից, 
 
գ/ ստուգման գրքույկի պատճենը, հաստատված դեկանի կողմից,
 
դ/ ուսխորհրդի կամ ուսումնական խորհրդարանի կողմից տրված բնութագիր ուսանողի հասարակական ակտիվության մասին / ուսխորհրդի նախագահի ստորագրությամբ/
 
ե/ դեկանատի կողմից տրված առաջադիմության թերթիկի պատճենը,
 
զ/ սահմանամերձ համայնքի ուսանող հանդիսանալու դեպքում՝ տեղեկանք տեղական ինքնակառավարման մարմնի կողմից, նույնականացման քարտ ներկայացնելու դեպքում՝ նաև ատեստատի և/կամ վկայականի պատճենը, 
 
է/ լրացված հայտը և դիմումը:

Դիմում-հայտերի ընդունման վերջնաժամկետը փետրվարի 10-ն է։

 
Դիմումներն ու անհրաժեշտ փաստաթղթերն ընդունվում են Հայաստանի երիտասարդական հիմնադրամի գրասենյակում (հասցե՝ ք. Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է 13.00-14.00-ն):
Կրթաթոշակի մրցույթին մասնակցելու դիմում-հայտը կարող եք ներբեռնել այստեղ։ 
 
Աղբյուրը՝ http://heh.am

«Տավուշ» ռազմահայրենասիրական ակումբը սիրով շնորհավորում է Հայոց բանակի 25-ամյակը

 «Տավուշ» ռազմահայրենասիրական ակումբը սիրով շնորհավորում է մեր քաջարի զինվորներին՝ Հայոց բանակի կազմավորման 25-ամյակի առթիվ, նրանց մաղթում խաղաղ երկնակամար, անփորձանք ծառայություն, տոկունություն, մարտունակություն ու շարունակական կատարելագործում: Հայկական տոնացույցի ամենակարևոր և պատասխանատու օրերից մեկն է հունվարի 28-ը՝ Հայոց բանակի կազմավորման օրը, բանակ, որ ինչպես 25 տարի առաջ, այնպես էլ այսօր հայ ժողովրդի անվտանգության միակ ու հաստատուն երաշխավորն է: Սա տոն է, որ հպարտությամբ նշում են թե՛ Հայաստանում, թե՛ սփյուռքում, սա օր է, որ հայ ժողովրդին համոզեց, որ պայքարը չի ավարտվել, և նոր հաղթանակներն առջևում են:

«Տավուշ» ռազմահայրենասիրական ակումբը սիրով շնորհավորում է Հայոց բանակի 25-ամյակը

Ամեն տարվա պես, այս տարի էլ՝ 2017թ. հունվարի 28-ին, ՀՀ հյուսիսարևելյան սահմանում՝  Իջևանում, կազմակերպվել էին տոնական միջոցառումներ, որոնց ակտիվ մասնակցություն ունեցան և ԵՊՀ Իջևանի մասնաճյուղի «Տավուշ» ռազմահայրենասիրական ակումբի անդամները:

Բազմաթիվ հայրենակիցների հետ նրանք քայլերթով, իրենց  գլխավերևում ծածանելով հսկա եռագույնը, մարտական կոչերով, ռազմահայրենասիրական երգեր երգելով, այցելեցին Իջևանի Ազատության հրապարակ: Շենքերի բնակիչներն իրենց պատշգամներից   հպարտությամբ ձայնակցում էին երթի մասնակիցներին:

«Տավուշ» ռազմահայրենասիրական ակումբը սիրով շնորհավորում է Հայոց բանակի 25-ամյակը

Ազատության հրապարակում քաղաքացիներն ու ակումբականները հարգանքի տուրք մատուցեցին՝ ծաղիկներ դնելով քաջ երկրապահների անունը հավերժացնող հուշարձանին:

«Տավուշ» ռազմահայրենասիրական ակումբը սիրով շնորհավորում է Հայոց բանակի 25-ամյակը

Մասնաճյուղի «Տավուշ» ռազմահայրենասիրական ակումբի նախագահ Լազր Ափինյանի խոսքով՝ ակումբի անդամները միշտ պատրաստակամ կանգնած են զինվորների կողքին՝ քաջ գիտակցելով, որ նրանք են մեր ազգի ուժն  ու պարծանքը: Ըստ նրա՝ դեպի հայ զինվորը, դեպի հայրենիքն ունեցած ջերմ վերաբերմունքի, ակնածանքի մասին է վկայում թեկուզ այն, թե ինչպիսի առանձնահտուկ սիրով ու հպարտությամբ են զինվորական համազգեստ կրում մեր ակումբական թե՛ տղաները և թե՛ աղջիկները:

«Տավուշ» ռազմահայրենասիրական ակումբը սիրով շնորհավորում է Հայոց բանակի 25-ամյակը

Շնորհավո՛ր տոնդ, Հայո՛ց 25-ամյա բանակ

2017թ. հունվարի 28-ին` Հայոց բանակի կազմավորման 25-րդ տարեդարձի առթիվ, ԵՊՀ Իջևանի մասնաճյուղի վարչական և պրոֆեսորադասախոսական անձնակազմի ներկայացուցիչները, ուսանողներ այցելեցին Իջևանի Ազատության հրապարակ, ծաղիկներ դրեցին քաջ երկրապահների անունը հավերժացնող հուշարձանին:

Շնորհավո՛ր տոնդ, Հայո՛ց 25-ամյա բանակ

Իրենց հարգանքի տուրքը մատուցելու էին եկել Իջևանի քաղաքային ու հոգևոր իշխանությունների, հասարակական տարբեր կազմակերպությունների ներկայացուցիչներ, Իջևանի զորամասի զինվորներ, դպրոցականներ, քաղաքացիներ:

Շնորհավո՛ր տոնդ, Հայո՛ց 25-ամյա բանակ

Իջևանի Ազատության հրապարակի հուշահամալիրի մոտ զինվորական երաժշտախումբը հնչեցրեց ՀՀ պետական օրհներգը, տեղի ունեցավ Հայոց բանակի կազմավորման 25-ամյակին նվիրված տոնական միջոցառում:

Շնորհավո՛ր տոնդ, Հայո՛ց 25-ամյա բանակ

Հունվարի 28-ը Հայոց բանակի կազմավորման օրն է: Հայոց բանակը ստեղծվեց Արցախյան ազատամարտի բովում` երկրապահ-կամավորական ջոկատների հիմքի վրա` դառնալով մեր պատմության կարևորագույն ձեռքբերումներից մեկը, հայրենիքի պաշտպանության ու անվտանգության երաշխավորը:

1990 թվականին` Անկախության հռչակագրի ընդունումից հետո, կազմավորվեց Երևանի հատուկ գունդը, Արարատում, Գորիսում, Վարդենիսում, Իջևանում ու Մեղրիում ձևավորվեցին վաշտեր, իսկ 1991թ. կառավարության որոշմամբ ստեղծվեց նախարարների խորհրդին առընթեր Պաշտպանության պետական կոմիտեն:

1992թ. հունվարի 28-ին Կառավարությունը ընդունեց որոշում` «Հայաստանի Հանրապետության պաշտպանության նախարարության մասին»:

Օրը դարձավ տոն 2001 թվականին, երբ Տոների և հիշատակի օրերի մասին օրենքում ամրագրվեց որպես Բանակի օր:

24 տարիների ընթացքում մեր բանակը անցավ հաղթանակներով լեցուն մարտական ուղի:

Հայոց բանակի զինվորների և հրամանատարների ջանքերով այսօր երաշխավորված է Հայաստանի և Լեռնային Ղարաբաղի հանրապետությունների բնակչության խաղաղությունը, մեր անկախությունը, տարածքային ամբողջականությունն ու անվտանգությունը:

Հայրենիքի պաշտպանության սուրբ պարտականությունից բացի` այսօր Հայոց բանակը բազմաթիվ երկրներում հաջողությամբ իրականացնում է նաև միջազգային խաղաղապահ առաքելություն:

Հայոց բանակի զինվորը երբեք չի հարձակվել ուրիշի տան վրա ու միշտ նվիրումով, հաճախ էլ՝ կյանքի գնով, պաշտպանում է իր երկրի՝ իր տան անվտանգությունը:

Փա՛ռք ու պատիվ ձեզ, հայո՛ց քաջարի զիվորներ, որ սրատես արծվի պես զգոն հսկում եք մեր սահմանները, ձեզ ենք պարտական մեր ամեն մի խաղաղ օրվա համար…

Շնորհակալությու՛ն ձեզ և շնորհավո՛ր ձեր տոնը, մեր թանկագի՛ն զինվորներ, անփորձանք ծառայություն ձեզ և բարի վերադարձ…