Երևանի պետական համալսարանի Իջևանի մասնաճյուղ

ՎիվաՍել-ՄՏՍ-ը կրկին հայտարարում է «Վաճառքի և սպասարկման դպրոց» վերապատրաստման ծրագրի մասին

ՎիվաՍել-ՄՏՍ-ը կրկին հայտարարում է «Վաճառքի և սպասարկման դպրոց» վերապատրաստման ծրագրի մասին

Հարգելի ուսանողներ, տեղեկացնում ենք ՎիվաՍել-ՄՏՍ-ում «Վաճառքի և սպասարկման դպրոց» ուսուցողական ծրագրի մասին, որի մեկնարկը կտրվի 2017թ. փետրվարի 15-ին:

Ծրագրի նպատակն է զարգացնել ուսանողների վաճառքի և սպասարկման հմտությունները՝ հնարավորություն ընձեռելով ոչ միայն տեսական, այլ նաև կիրառական մակարդակով յուրացնելու կարևոր հմտություններ:

Ծրագիրը ներառելու է եռօրյա դասընթաց, այնուհետև 8 շաբաթ տևողությամբ պրակտիկա /առնվազն կես օրվա ներգրավվածությամբ/ անցնելու հնարավորություն Երևան քաղաքի և ՀՀ որոշ մարզկենտրոնների ՎիվաՍել-ՄՏՍ-ի սպասարկման կենտրոններում մինչև ս. թ. ապրիլի 15-ը:

Ծրագրի ավարտին կտրվեն հավաստագրեր, լավագույն ուսանողները կարժանանան անհատական խրախուսումների, ինչպես նաև բարձր կատարողական ցուցաբերած ուսանողները կընդգրկվեն ընկերության տվյալների բազայում՝ հետագայում թափուր պաշտոնների համար դիտարկվելու նպատակով:

Ծրագրի մասնակից դառնալու համար անհրաժեշտ է ունենալ հետևյալ որակավորումները, կարողություններն ու մասնագիտացումները.

  1. Ամբողջ աշխատանքային օրվա ընթացքում (8-ժամ) ներգրավվածությունը ծրագրի կիրառական մասին կդիտարկվի որպես առավելություն,
  2. Բարձր առաջադիմությունը, տեխնիկական կամ բնագի,տական մասնագիտացումը և/կամ օտար լեզուների իմացությունը դիտարկվելու են որպես առավելություններ,
  3. Հմուտ հաղորդակցում,
  4. Դրական մոտեցում/էնտուզիազմ,
  5. Տեղեկատվությունն արագ ընկալելու և յուրացնելու կարողություն,
  6. Հարգանք/էթիկայի նորմերի պահպանում:

Ծրագրում ընդգրկվելու համար անհրաժեշտ է ներկայացնել CV/ինքնակենսագրական և մոտիվացիոն գրություն, որի մեջ պետք է նշվի նաև, թե ինչու եք ցանկանում մասնակցել տվյալ ծրագրին, և ինչ կտա այն Ձեզ: Պարտադիր է նշել նաև Ձեր բնակության վայրը և նախընտրած մարզի 2-3 համայնք, որտեղ կարող եք մասնակցել մեր ծրագրին:

Իրականացվելու է ուսանողների ընտրության գործընթաց`ըստ վերը նշված պահանջների:

Ծրագրին կարող են դիմել ԲՈՒՀ-ի 3-րդ և 4-րդ, ինչպես նաև մագիստրատուրայի 1-ին և 2-րդ կուրսում սովորող ուսանողները:

Խնդրում ենք մինչև ս.թ. հունվարի 22-ը Ձեր դիմումներն ուղարկել vc-mtsschool@mts.am էլեկտրոնային հասցեին` կից ներկայացնելով պահանջված փաստաթղթերը:

Տեղի կունենա «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկում

 Հարցազրույց ԵՊՀ ԻՄ-ի ստորաբաժանումներից ներքին շահակիցների բավարարվածության վերաբերյալ հարցման (2015թ.) արդյունքների շուրջ

2017թ. հունվարի 20-ին` ժամը 12:00-ին, Հումանիտար գիտությունների ֆակուլտետի №28 լսարանում տեղի կունենա Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝  «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը, որը կվարի Հայոց պատմության և հասարակագիտության  ամբիոնի դոցենտ, փ.գ.թ. Է. Ա. Կյուրեղյանը:

Սիրով հրավիրում ենք:

Կկայանա «Մասնագիտության կրթական ծրագրի մշակում» թեմայով դաս-քննարկում

Դասավանդման առաջավոր փորձի փոխանցման և երիտասարդ դասախոսների աջակցման կենտրոնը հրավիրում է հերթական դասախոսության

2017թ. հունվարի 21-ին` ժամը 12:00-ին, Հումանիտար գիտությունների ֆակուլտետի №28 լսարանում տեղի կունենա Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝ «Մասնագիտության կրթական ծրագրի մշակում» թեմայով դաս-քննարկումը, որը կվարի Ընդհանուր մաթեմատիկայի և բնագիտության ամբիոնի դոցենտ, ֆ.մ.գ.թ., տնօրենի խորհրդական Ա. Հ. Մակարյանը:

Սիրով հրավիրում ենք:

ՀՀ մշակույթի նախարարությունը հայտարարում է Երիտասարդ ստեղծագործողների թեմատիկ ցուցահանդես-մրցույթ

ՀՀ մշակույթի նախարարությունը հայտարարում է Երիտասարդ ստեղծագործողների թեմատիկ ցուցահանդես-մրցույթ

ՀՀ մշակույթի նախարարությունը Սիրո և երիտասարդների արագահաս բարեխոս Սուրբ Սարգսի տոնին նվիրված փառատոնի շրջանակում հայտարարում է Երիտասարդ ստեղծագործողների թեմատիկ ցուցահանդես-մրցույթ՝ գեղանկար և գրաֆիկա անվանակարգերում:

Մրցույթի պայմաններն են՝
. մասնակցի տարիքը՝ մինչև 35,
. աշխատանքների չափսերը, կատարման տեխնիկան և նյութը՝ ազատ:

Սահմանվել է երեք մրցանակ յուրաքանչյուր անվանակարգում՝

  1. 150.0 հազ. դրամ
  2. 100.0 հազ. դրամ
  3.  50.0 հազ. դրամ:

Մրցույթը կմեկնարկի 2017թ. փետրվարի 7-ին՝ Գ. Սունդուկյանի անվան ազգային ակադեմիական թատրոնի ճեմասրահում:

Մասնակիցները երեք օր աշխատանքը կկատարեն տեղում՝ ժամը 12։00-ից մինչև 16։00-ն։

Մասնագիտական հանձնախումբը մրցույթի արդյունքը կամփոփի փետրվարի 10-ին՝ նույն տեղում։

Մրցույթի մասնակիցներն իրենք են ապահովելու աշխատանքային նյութերը։

Տեղեկությունների համար զանգահարել (010) 52-68-73, Email: info@mincult.am:

Աղբյուրը՝ https://www.facebook.com/ARMMINCULT

ԱՐԴՇԻՆԲԱՆԿԻ ՆԱԽԱՈՐԱԿԱՎՈՐՄԱՆ ԾՐԱԳԻՐ

ԱՐԴՇԻՆԲԱՆԿԻ ՆԱԽԱՈՐԱԿԱՎՈՐՄԱՆ ԾՐԱԳԻՐ

Նախաորակավորման ծրագիր

«ԱՐԴՇԻՆԲԱՆԿ» ՓԲԸ

Աշխատանքային վայրը՝

ք. Երևան (վերջնաժամկետ՝ 30.01.2017թ.),
ք. Բերդ (վերջնաժամկետ՝ 22.01.2017թ.):

Դրույք՝ լրիվ դրույք,

Աշխատանքային պարտականություններ՝

Ծրագիրը ֆինանսաբանկային համակարգում աշխատանքային փորձ չունեցող երիտասարդների համար հնարավորություն է ընձեռնում`

  • ստանալ գործնական գիտելիքներ բանկային գործի վերաբերյալ,
  • ծանոթանալ Բանկի կողմից մատուցվող ծառայությունների կազմակերպման սկզբունքներին և ընթացակարգերին,
  • Ծրագրի ավարտից հետո ունենալ պատրաստվածության առավել բարձր մակարդակ Բանկի կողմից համապատասխան թափուր հաստիքների համար հայտարարված մրցույթներին մասնակցության համար՝ այլ հավասար պայմաններում ունենալով նախապատվություն Ծրագրին չմասնակցած անձանց նկատմամբ:

Պահանջվող որակավորում՝

Ֆինանսաբանկային համակարգում աշխատանքային փորձ չունեցող երիտասարդ անձինք, որոնք.

  • ունեն բարձրագույն կրթություն (առնվազն բակալավրի աստիճան),
  • ուսման ընթացքում ցուցաբերել են բարձր առաջադիմություն (նախընտրելի են այն դիմորդները, ում ավարտական վկայականին կից գնահատման թերթիկի բալային միջին գնահատականը կազմում է գնահատման բալային համակարգի առավելագույն արժեքի առնվազն 75%-ը):

Դիմելու կարգը՝

Ծրագրին մասնակցության համար անհրաժեշտ է «Արդշինբանկ» ՓԲԸ ներկայացնել`

  • ծրագրին մասնակցության լրացված հայտ`
    – ք. Երևանի համար՝ Դիմում_Նախաորակաորման ծրագիր.pdf
    – ք. Բերդի համար՝ Դիմում_Նախաորակաորման ծրագիր.pdf
  • անձը հաստատող փաստաթղթի պատճե (սքանավորված տարբերակ),
  • դիմորդի ԲՈՒՀ-ի ավարտական վկայականի (մագիստրատուրայի, իսկ վերջինիս բացակայության դեպքում՝ բակալավրի) և կից գնահատման թերթիկի պատճեներ:

Համապատասխան փաստաթղթերի ամբողջական փաթեթն անհրաժեշտ է ուղարկել hr@ardshinbank.am էլեկտրոնային փոստի հասցեով` հաղորդագրության անվանման դաշտում նշելով՝

  • ք. Երևանի համար՝ «Նախաորակավորման ծրագիր_Երևան»,
  • ք. Բերդի համար՝ «Նախաորակավորման ծրագիր_Բերդ»:

www.ardshinbank.am