2019թ. նոյեմբերի 22-ին մասնաճյուղի ՈՒԳԸ-ն տվեց Բանավեճի ներբուհական առաջնության մեկնարկը:
Առաջնությանը կմասնակցի ԵՊՀ Իջևանի մասնաճյուղի 6 թիմ:
Մասնաճյուղ էր այցելել «Ռեֆորմ» բանավեճի ակումբի համակարգող Մելինե Գևորգյանը, ով հանդիպման մասնակիցներին հանգամանորեն ներկայացրեց բանավեճի բրիտանական դասական ձևաչափը, կանոնները, ինչպես նաև բանավեճի ասպարեզում իր ունեցած փորձը, պատասխանեց ուսանողներին հետաքրքրող հարցերին:
Հանդիպման ընթացքում վիճակահանության միջոցով ընտրվեցին թիմերի զույգերը, դեմ և կողմ դիրքորոշումները, հայտարարվեցին խաղերի անցկացման օրերը:
Յուրաքանչյուր խաղում բանավեճի թեման կհայտարարվի տվյալ զույգի խաղից 3 օր առաջ, որպեսզի բոլոր թիմերը պատրաստվելու համար ունենան հավասար ժամանակ:
