2020թ. փետրվարի 28-ին՝ ժամը 14:00-ին, ԵՊՀ Իջևանի մասնաճյուղի ուսանողական խորհրդի սենյակում տեղի կունենա «Մարդու իրավունքները հայ գրականությունում» թեմայով քննարկում, որը կիրականացնի «Հոդված 3» ակումբը:
Արդեն մի քանի տարի է, ինչ Հովհաննես Թումանյանի ծննդյան օրը՝ փետրվարի 19-ը, Հայաստանում նշվում է որպես գիրք նվիրելու օր: Կարևորելով օրվա խորհուրդը, ինչպես նաև մեծ բանաստեղծի ծննդյան 151-ամյակը՝ «Հոդված 3» ակումբը Իջևանում կազմակերպել է քննարկում:
Քննարկման բանախոսներն են Երևանի Հովհ. Թումանյանի անվան պետական տիկնիկային թատրոնի գեղարվեստական ղեկավար Ռուբեն Բաբայանը և գրող, հրապարակախոս Արմեն Հայաստանցին:
Քննարկմանը մասնակցելու համար անհրաժեշտ է լրացնել առցանց հայտադիմումը՝ անցնելով հետևյալ հղումով:
«Մարդու իրավունքները հայ գրականությունում» թեմայով քննարկումը հասցրել է հյուրընկալվել ՀՀ մի շարք քաղաքներում: Քննարկումներն անցել են հետաքրքիր, թեժ ու հաճելի մթնոլորտում: Բաց մի՛ թողեք:
Սիրով սպասում ենք:
ԵՊՀ ԻՄ-ի ուսանողական խորհուրդ