Երևանի պետական համալսարանի Իջևանի մասնաճյուղ

ԵՊՀ օլիմպիադա 2023

Օլիմպ. հայտ. նկ. - 2023 (2)

 2023թ. ապրիլի 1-ին՝ ժամը 11:00-ին, Երևանի պետական համալսարանի Իջևանի մասնաճյուղն անցկացնելու է դպրոցական օլիմպիադայի I փուլը:

Օլիմպիադան կանցկացվի հետևյալ հանրակրթական առարկաների գծով՝

  • մաթեմատիկա,
  • ֆիզիկա,
  • քիմիա,
  • կենսաբանություն,
  • աշխարհագրություն,
  • հայոց պատմություն,
  • հայոց լեզու և գրականություն,
  • ռուսաց լեզու,
  • անգլերեն,
  • գերմաներեն,                                             
  • ֆրանսերեն,
  • ինֆորմատիկա

և լրացուցիչ կրթական առարկաներից՝

  • հայոց եկեղեցու պատմություն,
  • տրամաբանություն,
  • սոցիոլոգիա,
  • պետություն և իրավունքի հիմունքներ,
  • էկոլոգիա և կայուն զարգացման հիմունքներ,
  • տնտեսագիտություն:

Լրացուցիչ կրթական առարկաներից օլիմպիադան կանցկացվի ԵՊՀ-ում մեկ փուլով՝ ապրիլի 15-ին՝ ժամը 11:00-ին:

«Ինֆորմատիկա» առարկայից օլիմպիադան կանցկացվի մեկ փուլով՝ ապրիլի 1-ին՝ ժամը 11:00-ին:

Օլիմպիադան նախատեսված է միայն 12-րդ դասարանի աշակերտների համար: Ըստ առարկաների՝ յուրաքանչյուր դպրոցից կարող է մասնակցել 2-3 աշակերտ (ամեն աշակերտ օլիմպիադային կարող է մասնակցել միայն 1 առարկայից):

Օլիմպիադայի մասնակիցները ապրիլի 1-ին՝ ժամը 10:30-ին, պետք է ներկայանան Իջևանի՝ Սպարտակ Սարգսյանի անվան թիվ 1 հիմնական դպրոց (հասցե՝ Իջևանյան փողոց, շենք 8, Տավուշի մարզպետարանի հարևանությամբ):

Դպրոցների տնօրեններին խնդրում ենք, որ մինչև ս.թ. մարտի 15-ը հաստատեն իրենց աշակերտների մասնակցությունը ըստ առարկաների՝ նշելով աշակերտի անունը, հայրանունը, ազգանունը, դասարանը և ուղարկելով հետևյալ հասցեով՝ ՀՀ, ք. Իջևան, Ուսանողական 3, ԵՊՀ Իջևանի մասնաճյուղ (հեռ.՝ 096987654, 096557556):

Մասնակիցների հայտերը կարելի է ուղարկել նաև էլ.փոստով՝ vahan.aghababyan@ysu.am:

I փուլի հաղթողները կմասնակցեն օլիմպիադայի II փուլին, որը տեղի կունենա ապրիլի 15-ին՝ ժամը 11:00 -ին, Երևանի պետական համալսարանում:

Ի գիտություն

ԵՊՀ գիտական խորհրդի որոշմամբ՝ օլիմպիադայում հանրակրթական առարկաներից հաղթած (I, II և III կարգի դիպլոմների արժանացած աշակերտներին Համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Օլիմպիադայում լրացուցիչ կրթական առարկաներից հաղթած աշակերտներին կտրվեն կրթաթոշակներ:

 

Հարցերի դեպքում կարող եք զանգահարել Վահան Աղաբաբյանին (096987654 – Vivacell, 096557556 – Beeline):

Կանանց տոնին նվիրված վոլեյբոլի մասնաճյուղային առաջնությանը մասնակցելու հրավեր

Հայտ. նկ. 

2023թ. մարտի 7-ին՝ ժամը 14:30-ին, ԵՊՀ ԻՄ-ի մարզադահլիճում տեղի կունենա կանանց տոնին նվիրված վոլեյբոլի մասնաճյուղային առաջնություն, որին կարող են մասնակցել բուհի առկա և հեռակա ուսուցման համակարգերի ուսանողուհիները:

Մասնակցելու համար մինչև մարտի 4-ը կարող եք դիմել Արտակարգ իրավիճակների, մարմնակրթության և սպորտի ամբիոն (հեռ.՝ 094 88 00 78):

Բժշկական անվճար ծառայություններից օգտվելու հնարավորություն ԵՊՀ ԻՄ-ի աշխատակիցների համար

Նորութ. նկար (2)

 «Երևանի պետական համալսարան» հիմնադրամի Իջևանի մասնաճյուղի և «Նաիրի ինշուրանս» ապահովագրական ընկերության միջև 2023թ. կնքված պայմանագրի համաձայն՝ ԵՊՀ ԻՄ-ի հիմնական աշխատակիցները մինչև ս.թ. դեկտեմբերի 30-ը հնարավորություն ունեն առողջության ապահովագրության շրջանակներում օգտվելու մի շարք անվճար բժշկական ծառայություններից: 

Հարգելի՛ աշխատակիցներ, «Նաիրի ինշուրանս» ապահովագրական ընկերության ծառայություններից օգտվելու համար զանգահարեք (098) 277 288, (098) 278 283 հեռախոսահամարներով և փոխանցեք անհրաժեշտ տեղեկությունները.

  • անուն, ազգանուն, հայրանուն,
  • գանգատ,
  • կոնտակտային հեռախոսահամար,
  • նախընտրելի բուժհաստատության անվանում (եթե ունեք):

Բժիշկ-փորձագետը Ձեզ հետ կզանգահարի:

Եթե այցելեք «Նաիրի ինշուրանս» ընկերության հետ համագործակցող բուժհաստատություն (ցանկը՝ այստեղ), ձեզ համար առավել հարմար կլինի, քանի որ բուժհաստատության հաշիվներն անմիջապես կներկայացվեն «Նաիրի ինշուրանս», և դուք չեք վճարի բժշկական ծառայությունների համար, և կարիք չի լինի հավաքել հատուցում ստանալու համար անհրաժեշտ բժշկական և վճարային փաստաթղթերը։

Եթե այցելեք այլ բուժհաստատություն, որի հետ «Նաիրի ինշուրանս» ապահովագրական ընկերությունը չունի համագործակցության պայմանագիր, ապա Ձեզ անհրաժեշտ կլինի վճարել, վերցնել բոլոր անհրաժեշտ փաստաթղթերը և ներկայացնել հայտային դիմում։ Փաստաղթղթերը պետք է ներկայացնել բժշկական ծախսերը կատարելուց հետո առավելագույնը 60 օրվա ընթացքում:

Հորդորում ենք բոլորին պարտադիր անցնել տարեկան պրոֆիլակտիկ բժշկական զննությունը:

Առողջության ապահովագրության գործընթացի հետ կապված մանրամասները (պայմանները, նախատեսված բժշկական անվճար ծառայություններից օգտվելու հնարավորությունները և այլն) ներկայացված են Ուղեցույցում:

Հրապարակվել են 2022-23 ուստարվա II կիսամյակի առկա ուսուցման դասացուցակները

ԵՊՀ ԻՄ - նկ. 

Սիրելի՛ համալսարանականներ, 2022-2023 ուսումնական տարվա երկրորդ կիսամյակի առկա ուսուցման դասերը կսկսվեն 2023թ. փետրվարի 7-ից:

Դասացուցակները, ըստ ֆակուլտետների, տեղադրված են ԵՊՀ ԻՄ-ի պաշտոնական կայքէջում.

 Մաղթում ենք բոլորիս հաջող և արդյունավետ ուսումնական գործընթաց:

 

Ի գիտություն ուսանողների

Gray and Black Dark Modern Desktop Wallpaper  (1) 

 Սիրելի՛ ուսանողներ, ԵՊՀ Իջևանի մասնաճյուղի պաշտոնական կայքի «Ուսանող» բաժնում տեղադրվել են «Ուսանողի ուղեցույց» ձեռնարկը և «Իրազեկ ուսանող» տեղեկատվական թերթիկը։

Հրապարակված փաստաթղթերի միջոցով կարող եք ծանոթանալ ձեր իրավունքներին և պարտականություններին, պատասխանատվությանը ուսումնական կագապահության խախտման դեպքում, բողոքարկման ձևերին, ԵՊՀ  ԻՄ-ի ռազմավարական զարգացման խնդիրներին, ֆակուլտետներին և մասնագիտություններին, մասնաճյուղի կողմից ուսման վճարի մասնակի փոխհատուցում (զեղչ) տրամադրելու կարգին ու պայմաններին, ուսանողներին տրվող անվանական կրթաթոշակների ցանկին և այլն։