Երևանի պետական համալսարանի Իջևանի մասնաճյուղ

Հոկտեմբերի 13-ի տնօրենության նիստում

2017թ. հոկտեմբերի 13-ին ԵՊՀ Իջևանի մասնաճյուղում կայացավ Ս. Ա. Առաքելյանի նախագահությամբ տնօրենության ընդլայնված նիստ, որին մասնակցում էին տնօրենության անդամները, հրավիրված էին ամբիոնների վարիչներ, կրթական ծրագրերի պատասխանատուներ:   

Հոկտեմբերի 13-ի տնօրենության նիստում

Տնօրենության նիստում քննարկվեցին ԵՊՀ Իջևանի մասնաճյուղի կառուցվածքային ստորաբաժանումների աշխատանքների արդյունավետության բարձրացման համալիր միջոցառումներին վերաբերող և մի քանի ընթացիկ հարցեր:

Տնօրենի օգնականին հանձնարարվեց 2017թ. հոկտեմբերի 23-ից սկսած՝ տնօրենության նիստերում կազմակերպել ամբիոնների վարիչների, մասնագիտությունների կրթական ծրագրերի պատասխանատուների (2-ական) և դեկանների հաշվետվությունների լսումներ:

Հոկտեմբերի 13-ի տնօրենության նիստում

Ուսումնամեթոդական վարչության պետ Ա.Դավթյանին հանձնարարվեց հաշվետվությունների ներկայացումից հետո ուսումնասիրել ֆակուլտետում պահպանվող փաստաթղթերի (աշխատանքային պլանների, ամբիոնային և անհատական ծանրաբեռնվածությունների, առարկայական փաթեթների ու ծրագրերի և այլն)  առկայությունը և սահմանված պահանջներին դրանց համապատասխանությունը, մասնավորապես ֆակուլտետի երեք օղակների (դեկանատ, ամբիոն, ՄԿԾ-ի պատասխանատու) գործավարության վիճակը:

Հոկտեմբերի 2-ի տնօրենության նիստում

2017թ. հոկտեմբերի 2-ին ԵՊՀ Իջևանի մասնաճյուղում տեղի ունեցավ տնօրենության նիստ՝ Ս. Ա. Առաքելյանի նախագահությամբ:

Նիստի ընթացքում քննարկվեցին ԵՊՀ ԻՄ-ի աշխատակիցներին Երևան գործուղելու վերաբերյալ և մի քանի ընթացիկ հարցեր:

Հոկտեմբերի 2-ի տնօրենության նիստում

Հիմք ընդունելով Մարդկային ռեսուրսների կառավարման բաժնի վարիչի զեկուցագիրը, ղեկավարվելով ՀՀ աշխատանքային օրենսգրքի 209 հոդվածի  և մասնաճյուղի կանոնադրության 28-րդ հոդվածի 18-րդ կետի պահանջներով՝ որոշվեց  ԵՊՀ ԻՄ-ի ստորաբաժանումների աշխատանքների արդյունավետությունը բարձրացնելու, ԵՊՀ-ի համապատասխան կառույցներում մասնագիտական խորհրդատվություն ստանալու նպատակով 2017թ.  հոկտեմբերի  5-ին (մեկ օրով) մասնաճյուղի  հետևյալ աշխատակիցներին գործուղել Երևան՝ Մայր բուհ.

1.Այվազյան  Կամո  Բենիկի  –  Մարդկային ռեսուրսների կառավարման բաժնի վարիչ

2.Աթոյան  Մհեր Սերգեյի  –  Գիտակազմակերպական բաժնի վարիչ

3.Ճաղարյան Մարիետա  Ալբերտի   –    ՄԿՈԱ բաժնի վարիչ

4.Պողոսյան Վլադիմիր Արմենի    –     գրադարանի վարիչ

5.Վանյան  Հասմիկ  Սամվելի  –  հասարակայնության հետ կապերի և մամուլի  պատասխանատու                                                                                

6.Մեհրաբյան  Սուսան  Լենտրուշի  – գանձապահ

7.Եգանյան  Արփինե Բաբկենի  –  Շրջանավարտների և արտաքին շահակիցների հետ տարվող աշխատանքների համակարգող

8.Մելիքսեթյան  Մխիթար Վրեժի   –    Գնումների, մատակարարման և պահեստավորման բաժնի մասնագետ:

 

Սեպտեմբերի 27-ի տնօրենության նիստում

 2017թ. սեպտեմբերի 27-ին ԵՊՀ Իջևանի մասնաճյուղում կայացավ տնօրենության նիստ, որը նախագահում էր Ս. Ա. Առաքելյանը:

Տնօրենության նիստում ամփոփվեց ԵՊՀ ԻՄ-ի առկա և հեռակա ուսուցման՝ 2016-2017 ուստարվա 2-րդ կիսամյակի լուծարքային շրջանը, քննարկվեցին կարգապահությանը վերաբերող և մի քանի ընթացիկ հարցեր:

Սեպտեմբերի 27-ի տնօրենության նիստում

Մասնաճյուղի առկա և հեռակա ուսուցման՝ 2016-2017 ուստարվա 2-րդ կիսամյակի լուծարքային շրջանն ամփոփելիս տնօրենությանը ներկայացվեց մի քանի ուսանողների հեռացման հարցը:

Առկա ուսուցման համակարգից հեռացման ներկայացվեց 1 ուսանող («Պատմություն» մասնագիտության):

Հեռակա ուսուցման համակարգից հեռացման ներկայացվեց 22 ուսանող («Պատմություն» մասնագիտության 5 ուսանող, «ԿՄՖ»՝ 2 ուսանող, «ԻԿՄ»՝ 3 ուսանող, «ՔԿԳ»՝ 4 ուսանող, «ՏՏ»՝ 8 ուսանող):

Դեկաններին հանձնարարվեց հետևողական լինել ուսանողների հաճախումների,  ընդհանրապես կարգապահության հարցերում:

Սեպտեմբերի 19-ի տնօրենության նիստում

2017թ. սեպտեմբերի 19-ին ԵՊՀ Իջևանի մասնաճյուղում կայացավ տնօրենության նիստ՝ Ս. Ա. Առաքելյանի նախագահությամբ:

Սեպտեմբերի 19-ի տնօրենության նիստում

Նիստի ընթացքում ամփոփվեց ԵՊՀ ԻՄ-ի առկա և հեռակա ուսուցման՝ 2016-2017 ուստարվա 2-րդ կիսամյակի I լուծարքային շրջանը, քննարկվեցին 2017-2018 ուստարվա 1-ին կիսամյակի I ընթացիկ քննությունների և ստուգումների նախապատրաստական աշխատանքներին, ԵՊՀ ԻՄ-ում կառուցվածքային փոփոխություններին վերաբերող և մի քանի այլ ընթացիկ հարցեր:

Առաջին հարցի վերաբերյալ մասնավորապես նշվեց, որ ԵՊՀ ԻՄ-ի առկա և հեռակա ուսուցման՝ 2016-2017 ուստարվա 2-րդ կիսամյակի I լուծարքային շրջանում առկա ուսուցման համակարգից II լուծարքային շրջան է անցել 18 ուսանող, Հեռակա ուսուցման համակարգից՝ 212 ուսանող: Ներկայացվեց, որ II լուծարքային շրջանը կավարտվի ս.թ. սեպտեմբերի 23-ին:

Ֆակուլտետների դեկաններին հանձնարարվեց ԵՊՀ ռեկտորատի՝ ս.թ. սեպտեմբերի 14-ի որոշման (I լուծարքային շրջանը հանձնելուց հետո 21 և ավելի կրեդիտ պարտք ունեցող ուսանողներին հեռացնել համալսարանից) մասին իրազեկել ուսանողներին և այն մասնաճյուղում կիրառել 2017-2018 ուստարվա 1-ին կիսամյակից:

Սեպտեմբերի 19-ի տնօրենության նիստում

Մյուս հարցի կապակցությամբ Ուսումնամեթոդական վարչությանը հանձնարարվեց մինչև ս.թ. հոկտեմբերի 6-ը ներկայացնել 2017-2018 ուստարվա 1-ին կիսամյակի I ընթացիկ քննությունների և ստուգումների ժամանակացույցները:

Տնօրենության նիստի ընթացքում ներկայացվեցին նաև ԵՊՀ ԻՄ-ում Գիտակազմակերպական  բաժին ստեղծելու, Անձնակազմի կառավարման բաժինը Մարդկային ռեսուրսների կառավարման և վերապատրաստման բաժին վերակազմավորելու,  վարչատնտեսական վարչությունը լուծարելու վերաբերյալ կառուցվածքային փոփոխությունները:

Սեպտեմբերի 11-ի տնօրենության նիստում

2017թ. սեպտեմբերի 11-ին ԵՊՀ Իջևանի մասնաճյուղում կայացավ տնօրենության նիստ, որը նախագահում էր Ս. Ա. Առաքելյանը:

Սեպտեմբերի 11-ի տնօրենության նիստում

Նիստի ընթացքում քննարկվեցին ԵՊՀ ԻՄ-ի աշխատակազմի հրամանագրման գործընթացին, մասնաճյուղի՝ 2018թ. ընդունելության մասնագիտություննների ցանկին վերաբերող և մի քանի ընթացիկ հարցեր:

Առաջին հարցի կապակցությամբ Անձնակազմի կառավարման բաժնին հանձնարարվեց մինչև շաբաթվա վերջը ավարտին հասցնել ԵՊՀ ԻՄ-ի դասախոսական, վարչական, ուսումնաօժանդակ և տնտեսական անձնակազմի հրամանագրման գործընթացը: 

Սեպտեմբերի 11-ի տնօրենության նիստում

Քննարկելով 2018թ. ընդունելության մասնագիտություննների ցանկը,  ելնելով տարածաշրջանում դրանց եղած պահանջարկից, աշխատաշուկայի պահանջներից՝   առաջակվեցին «Դիզայն» (Կիրառական արվեստի ֆակուլտետ), «Ինֆորմատիկա» (Բնական գիտությունների ֆակուլտետ), «Ֆինանսներ», «Զբոսաշրջություն» (Տնտեսագիտության ֆակուլտետ), «Տարրական մանկավարժություն և մեթոդիկա», «Պատմություն», «Հայոց լեզու և գրականություն», «Անգլերեն լեզու և գրականություն», «Ֆրանսերեն լեզու և գրականություն» (Հումանիտար գիտությունների ֆակուլտետ) մասնագիտությունները: