- Ստեղծագործություններ
Uncategorized
ԱՐԱՄ ՂՈՒԼԱՐՅԱՆ
- Ստեղծագործություններ
ԿԵՆՍԱԳՐԱԿԱՆ ՏՎՅԱԼՆԵՐ
Արամ Վազգենի Ղուլարյան
Արամ Ղուլարյանը ծնվել է 1992թ. օգոստոսի 12-ին Տավուշի մարզի Իջևան քաղաքում:
Արամ Վազգենի Ղուլարյանը սովորել է Իջևանի թիվ 5 դպրոցը:
Դպրոցն ավարտելուց հետո՝ 2013 թվականին, մեկնել է ՀՀ ՊՆ բանակ՝ 2 տարի ժամկետային զինծառայության հայրենիքի պարտքը կատարելու:
Զինծառայությունն ավարտելուց հետո սովորել է Երևանի պետական համալսարանի Իջևանի մասնաճյուղում՝ «Բնապահպանություն և բնօգտագործում» մասնագիտությամբ:
2016թ. նոյեմբերի 29-ից աշխատել է ՀՀ ՊՆ 51191 զորամասում կրտսեր սերժանտ կոչումով՝ 2-րդ հրաձգային գումարտակի 7-րդ հրաձգային վաշտի 2-րդ հրաձգային դասակի 3-րդ հրաձգային ջոկի նռնակաձիգ:
2017թ. հուլիսի 22-ից մասնակցել է ՀՀ ՊՆ Վազգեն Սարգսյանի անվան ռազմական համալսարանում սպաների որակավորման բարձրացման դասընթացներին, ստացել լեյտենանտի կոչում:
2017թ. հոկտեմբերի 3-ին նշանակվել է 3-րդ հրաձգային գումարտակի դասակի հրամանատար: Նույն զորամասում 2019թ. սեպտեմբերի 16-ին ավագ լեյտենանտի կոչումով նշանակվել է ԴԴ ԴՀ – Հետախ. պետ պաշտոնում:
Վերադաս հրամանատարության կողմից ստացել է բազմաթիվ խրախուսանքներ՝ պատվոգրեր, դրամական միանվագ գումար, շնորհակալական պատվոգրեր:
2020թ. հոկտեմբերի 19-ին Արցախում ընթացող մարտական գործողությունների ժամանակ առաջադրանքներ կատարելիս եղել է հմուտ, նախաձեռնող: Համարձակ գործողությունների և երկրի սահմանները պաշտպանելիս ցուցաբերած ծառայությունների ընթացքում դարձավ հավերժի ճամփորդ:
ԿԵՆՍԱԳՐԱԿԱՆ ՏՎՅԱԼՆԵՐ
Դավիթ Էդվարդի Մարտիրոսյան
Դավիթ Մարտիրոսյանը ծնվել է 1986թ. հունվարի 28-ին Տավուշի մարզի Իջևան քաղաքում:
1993-2003 թթ. սովորել է Իջևանի թիվ 5 միջնակարգ դպրոցում:
2003 թվականին ընդունվել է Երևանի պետական համալսարանի Իջևանի մասնաճյուղի կիրառական արվեստի ֆակուլտետը:
2008թ. ավարտել է ԵՊՀ Իջևանի մասնաճյուղը՝ «Դիզայն» մասնագիտությամբ, այնուհետև ծառայել է ՀՀ զինված ուժերում՝ Մեհրաբի զորամասում:
Աշխատանքի է ընդունվել «Քարարտ» ՓԲԸ-ում՝ որպես քանդակագործ:
2020 թվականին հերոսի մահով ընկել է Հադրութի տարածքում:
ԿԵՆՍԱԳՐԱԿԱՆ ՏՎՅԱԼՆԵՐ
Կարեն Համլետի Բադոյան
(ոստիկանության ավագ լեյտենանտ)
ՀՀ ոստիկանության նախկին ծառայող, ոստիկանության ավագ լեյտենանտ Կարեն Համլետի Բադոյանը ծնվել է 1990թ. մայիսի 27-ին Գեղարքունիքի մարզի Սևան քաղաքում:
2007-2011 թթ. ընդունվել և ավարտել է Երևանի պետական համալսարանի Իջևանի մասնաճյուղը:
2011թ. հունիսի 28-ից մինչև 2013թ. հունիսի 28-ը ծառայել է ՀՀ զինված ուժերում՝ որպես պարտադիր ժամկետային զինծառայող:
2017թ. հոկտեմբերի 31-ին ընդունվել է ՀՀ ոստիկանությունում ծառայության և նշանակվել է ՀՀ ոստիկանության Տավուշի մարզային վարչության Դիլիջանի բաժնի ՊՊԾ դասակի 2-րդ սպայական ջոկի (հատուկ) ծառայության տեսուչի պաշտոնում:
Ոստիկանությունում ծառայության ընթացքում խրախուսվել է 1 անգամ:
2020թ. սեպտեմբերի 27-ին Ադրբեջանի կողմից սանձազերծված պատերազմի ժամանակ Կ.Բադոյանը իր ծառայակիցների հետ միասին մեկնել է Արցախի Հանրապետություն՝ մարտական գործողություններին մասնակցելու համար:
Զոհվել է 2020թ. հոկտեմբերի 4-ին Շուշի քաղաքում մշակույթի պալատում խորհրդակցության ժամանակ հակառակորդի հրետակոծության հետևանքով:
Ամուսնացած չէր: