Երևանի պետական համալսարանի Իջևանի մասնաճյուղ

Գրադարանում անգամ տոնածառն է գրքերից

Ս.թ. դեկտեմբերի 17-ին ԵՊՀ ԻՄ հումանիտար գիտությունների ֆակուլտետի առաջին կուրսերի 4 ուսանողներ (Մենուհի Նազարյան, Քնար Մանուկյան, Հակոբ Գասպարյան, Ամիրան Գալավորյան) նախաձեռնեցին մասնաճյուղի գրադարանում գրքերից տոնածառ պատրաստել:

Նախաձեռնությունը հավանության արժանացավ գրադարանի վարիչի և աշխատակիցների կողմից, ովքեր նրանց տրամադրեցին մոտ 200 գիրք: Ուսանողները գրքերից պատրաստեցին ավելի քան մեկ մետր բարձրությամբ տոնածառ, որն այնուհետև զարդարեցին փայլերով, զարդերով և լույսերով:

Նրանց նպատակն էր ավելի պայծառ դարձնել ԵՊՀ ԻՄ ուսանողների առօրյան, ինչպես նաև դրանով խթանել ուսանողների մուտքը գրադարան: