2013թ. ապրիլի 24-ին ԵՊՀ Իջևանի մասնաճյուղում կազմակերպվել էր 1915թ. դեպքերը և միջազգային հանրության արձագանքը ներկայացնող լուսանկարների բացօթյա ցուցադրություն` համապատասխան երաժշտության (Արա Գևորգյան, Դանիել Դեքքեր, Լուսինե Զաքարյան) ուղեկցությամբ:
Այնուհետև մասնաճյուղի վարչական և պրոֆեսորադասախոսական անձնակազմի անդամները, ուսանողներ, Իջևանի քաղաքային իշխանությունների ներկայացուցիչներ (Տավուշի մարզպետ Ա.Ղուլարյանը, Իջևանի քաղաքապետ Վ.Ղալումյանը), տարբեր կազմակերպությունների ղեկավարներ այցելեցին Հայոց ցեղասպության զոհերի հիշատակին նվիրված հուշահամալիր:
Իջևանի պատմության թանգարանի աշխատակիցները հուշամալիրի տարածքում տեղադրել էին լուսանկարներ:
Տավուշի թեմի հոգևոր առաջնորդ Հայր Եզնիկ Սրբազանը և այլ հոգևորականներ կատարեցին անմեղ զոհերի հիշատակի արարողակարգ:
Վերջում ԵՊՀ ԻՄ-ի ուսանողները այրեցին Թուրքիայի դրոշը: