Երևանի պետական համալսարանի Իջևանի մասնաճյուղ

Հարցազրույց մեր ուսանողների («ԱԼԳ» IV) մասնագիտական պատրաստվածության վերաբերյալ

2016թ. մարտի 1-ին ԵՊՀ ԻՄ-ի «Անգլերեն լեզու և գրականություն» մասնագիտության չորրորդ կուրսի ուսանողների մասնագիտական պատրաստվածության մակարդակի վերաբերյալ հարցազրույց ունեցանք ԵՊՀ-ի անգլիական բանասիրության ամբիոնի դոցենտներ, բան. գիտ. թեկնածուներ Աստղիկ Չուբարյանի և Գայանե Մուրադյանի հետ.

Հարցազրույց մեր ուսանողների («ԱԼԳ» IV) մասնագիտական  պատրաստվածության վերաբերյալ

– Տիկի՛ն Մուրադյան, 2015-2016 ուստարվա երկրորդ կիսամյակից անգլերեն լեզու եք դասավանդում մասնաճյուղի «Անգլերեն լեզու և գրականություն» մասնագիտության չորրորդ կուրսում: Ի՞նչ տպավորություններ ունեք մեր ուսանողներից, էական տարբերություն տեսնում եք Մայր բուհի  և Մասնաճյուղի ուսանողների միջև:

 – Տպավորությունը շատ դրական է, տարբերություն չկա. թե՛ Երևանում և թե՛ այստեղ առկա է անգլերեն լեզվի նկատմամբ սեր, դասախոսների նկատմամբ ջերմ ու հարգալից վերաբերմունք: Եթե ավելի անկեղծ լինենք, այստեղ սովորելու ձգտումն ավելի մեծ է:

 

– Տիկի՛ն Չուբարյան, ի՛նչ կարծիքի եք «Անգլերեն լեզու և գրականություն» մասնագիտության ավարտական կուրսի ուսանողների մասնագիտական պատրաստվածության մակարդակի մասին:

– Ուսանողին գնահատելիս ինձ համար էլ առաջնայինը սովորելու ձգտումն է, իսկ դա ակնառու հատկանիշ է մասնաճյուղի ուսանողների համար: Այդ ձգտման հետ, անշուշտ, անհրաժեշտ է ունենալ նաև նախնական գիտելիքների պաշար, մասնագիտական հիմքային գիտելիքներ, որպեսզի ապահովվի ցանկալի արդյունք: Մասնաճյուղի ուսանողներն ունեն և՛ մեկը, և՛ մյուսը, որ շատ ողջունելի է: 

 

– Կարո՞ղ ենք եզրակացնել, որ մեր ուսանողներն ունեն անհրաժեշտ ներուժ  իրենց կրթությունը շարունակելու Մայր բուհի մագիստրատուրայում:

– Այո՛, կարող ենք փաստել, որ ԵՊՀ Իջևանի մասնաճյուղի «Անգլերեն լեզու և գրականություն» մասնագիտության ավարտական կուրսի ուսանողները լիովին պատրաստ են ընդունվելու և սովորելու ԵՊՀ մագիստրատուրայում: Մենք մեծ սիրով կցանկանայինք նրանց դիմավորել ու դասավանդել Մայր բուհում:

 

Հարցազրույցն անցկացրեց ԵՊՀ ԻՄի հասարակայնության հետ

կապերի և մամուլի պատասխանատու Հասմիկ Վանյանը