Երևանի պետական համալսարանի Իջևանի մասնաճյուղ

«Մեդիակտիվ» և «Կիբերտիրույթ» գրքերը հասանելի են գրադարաններում և բուհերում

«Մեդիակտիվ» և «Կիբերտիրույթ» գրքերը հասանելի են գրադարաններում և բուհերում

«Լրագրողներ հանուն ապագայի» հասարակական կազմակերպության կողմից հրատարակված գրքերից երկու անուն՝ «Մեդիակտիվ» եւ «Կիբերտիրույթ. Տեղեկատվության անվտանգություն եւ իրավունք» գրքերը, այսուհետ հասանելի են նաեւ Հայաստանի ազգային գրադարանի ընթերցողներին:

Մինչ այժմ «Լրագրողներ հանուն ապագայի» ՀԿ-ի հրատարակած գրքերն անվճար կարգով տրամադրվել են մի շարք տեղական եւ մարզային բուհերի լրագրության ֆակուլտետներին եւ բաժիններին, ԶԼՄ-ներին, հասարակական կազմակերպություններին, ուսանողներին ու լրագրողներին: Առաջիկայում «Մեդիակտիվ» եւ «Կիբերտիրույթ» գրքերը հասանելի կլինեն նաեւ Երեւանի Ավետիք Իսահակյանի անվան, Վանաձորի Հրանտ Մաթեւոսյանի անվան, Շիրակի մարզային եւ այլ գրադարաններում:

Շարունակում ենք ընդունել հայտեր հանրապետության այն բուհերից, որոնք ունեն լրագրության ֆակուլտետներ, բաժիններ, կամ եթե լրագրություն, զանգվածային հաղորդակցություն եւ տեղեկատվական անվտանգություն թեմաները նրանց ուսումնական ծրագրերի մաս են կազմում:

«Լրագրողներ հանուն ապագայի» ՀԿ հրատարակած բոլոր գրքերը էլեկտրոնային տարբերակներով նույնպես ներկայացված են համացանցում եւ հասանելի են այստեղ

Աղբյուրը՝ www.jnews.am