Երևանի պետական համալսարանի Իջևանի մասնաճյուղ

ԵՊՀ ԻՄ-ի դասախոսները միջազգային կոնֆերանսում

2014թ. հոկտեմբերի 3-4-ը Վրաստանի Ցխալտուբո քաղաքում տեղի ունեցավ անգլերեն լեզու դասավանդողների հարավկովկասյան տարածաշրջանային միջազգային կոնֆերանսը, որը կազմակերպել էին Ուկրաինայի և Վրաստանի ԱՄՆ դեսպանատները:

Կոնֆերանսին մասնակցում էին անգլերեն լեզվի մասնագետներ Ամերիկայի Միացյալ Նահանգներից, Ուկրաինայից, Վրաստանից, Հայաստանից, Ադրբեջանից, Բելառուսից և Մոլդովայից:

Հայաստանի Հանրապետությունը ներկայացնում էին Երևանի պետական համալսարանի, Բրյուսովի անվան լեզվաբանական համալսարանի, Ռուս-հայկական համալսարանի, Ֆրանսիական համալսարանի և անգլերեն լեզու դասավանդողների հայկական ասոցիացիայի մասնագետները:

ԵՊՀ Իջևանի մասնաճյուղից միջազգային կոնֆերանսին մասնակցում էին Օտար լեզուների ամբիոնի դասախոսներ Պամելա Ուոտքինսը և Էմմա Թեմրազյանը:

Նրանք ներկայացրին «Գրավոր անգլերենի ուսուցման ռազմավարությունը» թեմայով զեկուցումը, որն ընդունվեց մեծ հետաքրքրությամբ: