2014թ. հոկտեմբերի 22-ին ԵՊՀ Իջևանի մասնաճյուղում տեղի ունեցավ տնօրենության նիստ` Ս.Առաքելյանի նախագահությամբ:
Նիստին մասնակցում էին տնօրենության անդամները, հրավիրված էին ուսումնական խորհրդատուները:
Տնօրենության նիստում քննարկվեցին ֆակուլտետների խորհուրդների աշխատանքների արդյունավետության բարձրացման, 2014-2015 ուսումնական տարվա առաջին կիսամյակի առաջին ընթացիկ քննությունների և ստուգումների ընթացքի մասին հարցեր:
Առաջին հարցի կապակցությամբ մասնավորապես նշվեց, որ ֆակուլտետների խորհուրդները պետք է բաղկացած լինեն 11 հոգուց, որոնց 25-30%-ը պետք է լինեն ուսանողներ: Որոշվեց հանձնարարել ֆակուլտետների դեկաններին ըստ կանոնակարգի կազմել և մինչև շաբաթվա վերջը հաստատման ներկայացնել ֆակուլտետների խորհուրդների կազմերը:
Երկրորդ հարցի վերաբերյալ որոշվեց հանձնարարել ֆակուլտետների դեկաններին 2014-2015 ուսումնական տարվա առաջին կիսամյակի առաջին ընթացիկ քննությունների և ստուգումների անցկացման հարցը քննարկել ֆակուլտետների խորհուրդների նիստերում և ձեռնարկել համապատասխան միջոցառումներ` կազմակերպված ու բարձր մակարդակով դրանք անցկացնելու համար:
