Иджеванский филиал Ереванского государственного университета

«Ազգային հարստություն» խորագրով դասընթացի հրավեր

2014 թ. նոյեմբերի 10-28-ը Զարգացում հասարակական շարժումը՝ Ամերիկայի Հայկական համագումարի աջակցությամբ կազմակերպում է «Ազգային հարստություն» խորագրով դասընթացի երրորդ փուլը:

«Ազգային հարստություն» դասընթացի նպատակն է կրթական ծրագրերի միջոցով բարձրացնել հայ մշակույթի և պատմության իմացությունը, ազգային ինքնության ճանաչումը և սերմանել ազգասիրություն հասարակության մեջ:

Ցանկանալով սերտացնել Հայաստան-սփյուռք կապը, անհրաժեշտ ենք համարել դասընթացաշարի երրորդ փուլում իրազեկել երիտասարդներին հայկական սփյուռքի, գաղթօջախների և արտասահմանում բնակվող հայերի մասին:

Դասընթացը բաղկացած կլինի ութ բանախոսությունից, որոնց ընթացքում կքննարկվեն տարածաշրջանի հայկական համայնքները, ինչպես նաև հայկական այնպիսի խոշորագույն համայնքներ, ինչպիսիք են ԱՄՆ-ի, Ֆրանսիայի և Ռուսաստանի համայնքները:

Բոլոր հետաքրքրված անձիք, ովքեր ցանկանում են ստանալ կամ խորացնել իրենց գիտելիքները հայկական սփյուռքի վերաբերյալ, կարող են մասնակցել դասընթացին: Առաջին և երկրորդ փուլերին չմասնակցած անձիք ևս հրավիրվում են մասնակցելու, քանզի դասընթացը երկարաժամկետ է և ներառում է տարբեր թեմատիկ փուլեր:

Օրակարգ
  • 10.11.14 երկուշաբթի 15:30-17:30 Քնարիկ Ավագյան` ԱՄՆ հայկական համայնքը,
  • 12.11.14 Չորեքշաբթի 15:30-17:30 Հրաչյա Ասլանյան՝ Ֆրանսիայի հայկական համայնքը,
  • 15.11.14 Շաբաթ 17:00-19:00 Ջոննի Մելիքյան՝ Վրաստանի հայկական համայնքը,
  • 17.11.14 Երկուշաբթի 15:30-17:30 Անահիտ Աստոյան`Թուրքիայի հայկական համայնքը,
  • 19.11.14 Չորեքշաբթի 15:30-17:30 Վարդան Մարաշլյան` Ռուսաստանի հայկական համայնքը,
  • 22.11.14 Շաբաթ 15:30-17:30 Անժելա Էլիբեգովա` Ադրբեջանի հանրապետության տարածքում բնակվող հայերի պատմությունը և խնդիրները,
  • 24.11.14 Երկուշաբթի 15:30-17:30 Արմեն Իսրայելյան` Իրանի հայկական համայնքը,
  • 26.11.14 Չորեքշաբթի 15:30-17:30 Էլիզաբեթ Թաջիրյան` Նոր Ջուղայի հայ առևտրական կապիտալը:

______________________________________

Վայրը` Հանրապետության 37, 2-րդ հարկ (մուտքը Մելիք Ադամյան փողոցից, Տաշիր պիցցայի հարևանությամբ):

Գրանցվել՝
Տեղերը սահմանափակ են:
Գրանցման վերջնաժամկետը սույն թվականի նոյեմբերի 8-ն է:
Ամենաակտիվ մասնակիցները կստանան վկայագրեր:
ԴԱՍԸՆԹԱՑՆ ԱՆՎՃԱՐ Է
Աղբյուրը` armscoop.com

Շվեյցարիայի կառավարության «Գերազանցության կրթաթոշակներ»

Շվեյցարիայի կառավարության 2015–2016թթ. «Գերազանցության կրթաթոշակներ» ծրագիրը` նախատեսված գիտության ոլորտի հայ ուսանողների համար, ղեկավարվում է «Լույս» հիմնադրամի հետ համագործակցությամբ։

Այն ուսանողները, ովքեր ցանկանում են հետբուհական կրթություն ստանալ Շվեյցարիայի լավագույն գիտական կենտրոններում, պետք է իրենց հետազոտական նախագծերն ուղարկեն «Լույս» հիմնադրամին`  swiss.scholarship@luys.am  հասցեին, մինչև 2014թ. նոյեմբերի 15–ը։

Հարգելի ապագա դիմորդ,
Խնդրում ենք նկատի ունենալ, որ Շվեյցարիայի կառավարության «Գերազանցության կրթաթոշակներ» ծրագիրը, որ կառավարվում է Հայաստանում «Լույս» հիմնադրամի հետ համատեղ, առանձին ծրագիր է. այն առնչություն չունի «Լույսի»` արդեն իսկ գործող կրթաթոշակային ֆոնդի հետ։

Շվեյցարիայի կառավարության «Գերազանցության կրթաթոշակներ» ծրագիրը հովանավորում է գիտության ոլորտում անցկացվող մի շարք հետազոտական նախագծեր։ Շվեյցարիայի կառավարությունն է որոշում կրթաթոշակի հատկացման պայմաններն ու չափանիշները և սահմանում կրթաթոշակառուների թիվը։

Կրթաթոշակները տրվում են միայն հետբուհական մասնագիտական կրթություն ստանալ ցանկացող ուսանողներին`

  • հետազոտական կրթաթոշակներ,
  • ասպիրանտական կրթաթոշակներ,
  • դոկտորական կրթաթոշակներ։

Երեք տիպի կրթաթոշակների ուղեցույցը հասանելի է հետևյալ էջում`
http://www.sbfi.admin.ch/themen/01366/01380/01828/01838/index.html?lang=en

Հայտը ներկայացնելիս դիմորդը պետք է Հայաստանում բնակվելիս լինի։

Հայաստանի քաղաքացիները, ովքեր բնակվում են Շվեյցարիայում ավելի քան մեկ տարի, չեն համապատասխանում կրթաթոշակի չափորոշիչներին։

Դիմումների ընթացակարգը
Նախքան հայտի ամբողջական փաթեթը խնդրելը` համոզվեք, որ համապատասխանում եք կրթաթոշակի համար անհրաժեշտ բոլոր չափորոշիչներին։ Նաև լրացրեք կից ներկայացված ընդհանուր տեղեկությունների ձևը։

Դիմումի փաթեթը ստանալու համար խնդրում ենք գրել  swiss.scholarship@luys.am  հասցեին` կից ներկայացնելով լրացված ընդհանուր տեղեկությունների ձևը։

Դիմումների ընթացակարգի ժամանակացույցը

  • Հայտերն ընդունվում են 2014թ. օգոստոսի 17–ից։
  • Հայտերի և նախագծի ներկայացման վերջնաժամկետը 2014թ. նոյեմբերի 15–ն է։
  • Կրթաթոշակները հատկացվում են մինչև 2015թ. սեպտեմբերի 15–ը։ 

Նախազգուշացում Շվեյցարիայի կառավարության կրթաթոշակի անվան տակ կեղծ կրթաթոշակի առաջարկի վերաբերյալ

Կրթության, հետազոտության և նորարարության հարցերի պետական քարտուղարությունը նախազգուշացնում է Շվեյցարիայի Դաշնության կառավարության կրթաթոշակի մասին էլեկտրոնային փոստով տարածվող կեղծ հաղորդագրությունների մասին։

Օտարերկրյա ուսանողներին հատկացվող կրթաթոշակների հարցով Շվեյցարիայի դաշնային հանձնաժողովը կրթաթոշակների վերաբերյալ երբեք գովազդային հայտարարություններ չի տարածում էլ. փոստով: Կրթաթոշակային ծրագրերն ուղղակիորեն կառավարվում են տարբեր երկրներում Շվեյցարիայի դեսպանատների կողմից:

Կրթաթոշակների հարցով Շվեյցարիայի դաշնային հանձնաժողովը խորհուրդ է տալիս երբևէ չպատասխանել նմանատիպ էլ. նամակների և առավել ևս չուղարկել որևէ գումար:

Աղբյուրը`  www.luys.am

“ԱՆԻ” համույթի համերգային ծրագիր

Երևանի պետական համալսարանը ս.թ. հոկտեմբերի 29-ին (Առնո Բաբաջանյանի անվան հայֆիլհարմոնիայի համերգային փոքր դահլիճ), 30-ին (ԵՊՀ մեծ դահլիճ) և 31-ին (գործակցությամբ ԵՊՀ Իջևանի մասնաճյուղի՝ Իջևանի մշակույթի տուն) համագործակցաբար Դոնի Ռոստովի Մյասնիկյանի շրջանի վարչակազմի և Դոնի Ռոստովի Նոր Նախիջևան հայկական համայնքի հետ կազմակերպում է համառուսաստանյան և միջազգային մրցույթների դափնեկիր Դոնի հայերի <<ԱՆԻ>> համույթի համերգային ծրագիրը:

Ծրագրում՝

  • հայկական ժողովրդական երգեր,
  • հայ կոմպոզիտորների ստեղծագործություններ,
  • Դոնի հայերի ազգագրական կատարումներ:

Գեղարվեստական ղեկավար և նվագավար՝ միջազգային մրցույթի դափնեկիր Գրիգորի Խաթլամաջյան

Խմբավար՝ Համառուսաստանյան երաժշտական միության վաստակավոր գործիչ Վարսենիկ Բայան

<<Դհոլ-զուռնա>> համույթի ղեկավար՝ Համառուսաստանյան երաժշտական միության վաստակավոր գործիչ Դաղլդյան Ա. Ս.

Համերգի սկիզբը՝ ժամը 14:00

Մուտքն ազատ է: 

Հայագիտական կոնֆերանս Արցախում

2014 թ-ի նոյեմբերի 21-ից 23-ը Արցախի պետական համալսարանում (ԱրՊՀ) ԵՊՀ և ԱրՊՀ ՈՒԳԸ-ների ջանքերով կազմակերպվում է հայագիտության արդի հիմնախնդիրներին նվիրված գիտաժողով:

 Գիտաժողովին մասնակցելու համար երկու բուհերի ուսանողներն ու ասպիրանտները կարող են իրենց աշխատանքները ուղարկել մինչև նոյեմբերի 7-ը ԵՊՀ ՈՒԳԸ-ի էլ. փոստի պաշտոնական հասցեին՝ sss@ysu.am:

 Զեկուցումները պետք է գրված լինեն ԵՊՀ ՈՒԳԸ գիտական հոդվածների ժողովածուներում տպագրվող հոդվածների համար նախատեսված չափորոշիչներին համապատասխան (տե՛ս ՈՒԳԸ կայքում՝ ssspub.ysu.am):

 Աշխատանքներն ուղարկելիս նամակի վերնագրային հատվածում պետք է գրել «Հայագիտական գիտաժողովի մասնակցության հայտ» արտահայտությունը:

Աղբյուրը` ysu.am