Иджеванский филиал Ереванского государственного университета

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

2015թ. օգոստոսի 24-ին ՀՀ կրթության և գիտության նախարար Արմեն Աշոտյանը այցելեց «ԵՊՀ» հիմնադրամի Իջևանի մասնաճյուղ:

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

Նախարարին դիմավորեցին Տավուշի մարզպետ Հ.Աբովյանը, ԵՊՀ ԻՄ-ի տնօրեն Ս.Առաքելյանը, մասնաճյուղի վարչական և պրոֆեսորադասախոսական անձնակազմի ներկայացուցիչներ, ուսանողական խորհրդի, ուսանողական գիտական ընկերության, «Տավուշ» ռազմահայրենասիրական ակումբի անդամները, ԶԼՄ-ների ներկայացուցիչներ:

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

Պարոն Աշոտյանը մասնակցեց իր այցելության պատվին կազմակերպված` Կիրառական արվեստի ֆակուլտետի դասախոսների և ուսանողների ստեղծագործությունների ցուցահանդեսին և մասնաճյուղի դասախոսների հեղինակած գրքերի ցուցադրությանը:

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

Այնուհետև ՀՀ ԿԳ նախարարի հետ անցկացվեց խորհրդակցություն, որի ընթացքում ԵՊՀ ԻՄ-ի տնօրեն Ս.Առաքելյանը ներկայացրեց մասնաճյուղում իրականացվող առկա և հեռակա ուսուցման, գործող մասնագիտությունների վերաբերյալ ընդհանուր տեղեկատվություն, քննարկվեցին ուսումնական գործընթացին վերաբերող մի շարք հարցեր:

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

ՀՀ կրթության և գիտության նախարարի այցը «ԵՊՀ» հիմնադրամի Իջևանի մասնաճյուղ

Մեր ամբիոնի վարիչը` Համահայկական 6-րդ խաղերի ոսկե մեդալակիր

2015թ. օգոստոսի 2-13-ը Երևանում կայացան Համահայկական 6-րդ ամառային խաղերը, որոնցում ընդգրկված էին աշխարհի 165 երկրների 6350-ից ավելի մեր հայրենակիցներ` 17 թիմային մարզաձևերում (ֆուտբոլ, մինի ֆուտբոլ, բասկետբոլ, վոլեյբոլ, ատլետիկա, թենիս, սեղանի թենիս, շախմատ, բադմինթոն, լող, լողափնյա վոլեյբոլ, բազկամարտ, գոլֆ, հանդբոլ, սպորտային պարեր, հրաձգություն, հեծանվասպորտ):

Մեր ամբիոնի վարիչը` Համահայկական 6-րդ խաղերի ոսկե մեդալակիր

Համահայկական 6-րդ խաղերում` «Բադմինթոն» մարզաձևում, Իջևան քաղաքը պատվով ներկայացրեց ԵՊՀ Իջևանի մասնաճյուղի արտակարգ իրավիճակների, մարմնակրթության և սպորտի ամբիոնի վարիչ, փետրագնդակի միջազգային կարգի սպորտի վարպետ, Հայաստանի բազմակի չեմպիոն, Սովետական միության (1980թ.), Եվրոպայի չեմպիոն (Գերմանիա, 1980թ.), Ֆրանսիայի բաց առաջնության չեմպիոն (Ֆրանսիա, 1981թ.), Համահայկական 5-րդ խաղերի ոսկե մեդալակիր (2011թ.) Վարդիթեր Գուրգենի Պողոսյանը:

Մեր ամբիոնի վարիչը` Համահայկական 6-րդ խաղերի ոսկե մեդալակիր

«Բադմինթոն» մարզաձևում մրցապայքարի մեջ էր մտել ընդհանուր թվով 16 զույգ:
Միջազգային կարգի սպորտի վարպետ Վ.Պողոսյանին զուգախաղում ընկերակցեց նրա եղբոր դուստրը՝ Հայաստանի բազմակի չեմպիոն Լիլիթ Պողոսյանը:

Մեր ամբիոնի վարիչը` Համահայկական 6-րդ խաղերի ոսկե մեդալակիր

Հաղթելով 3 զույգի՝ Վարդիթեր և Լիլիթ Պողոսյանները դուրս եկան եզրափակիչ:
2:0 հաշվով առավելության հասնելով Երևան քաղաքը ներկայացնող Մարիետա Միկոյան և Քնարիկ Մարգարյան զույգի նկատմամբ` նրանք գրավեցին առաջին տեղը:

Չեմպիոնները պարգևատրվեցին ոսկե մեդալով և դիպլոմով:

Մեր ամբիոնի վարիչը` Համահայկական 6-րդ խաղերի ոսկե մեդալակիր

ԵՊՀ Իջևանի մասնաճյուղը սիրով շնորհավորում է իր վաստակավոր աշխատակցուհուն` մաղթելով նորանոր հաջողություններ, առավել մեծ բարձունքների նվաճումներ:

Մասնաճյուղի` 2015թ. շրջանավարտներին հանձնվեցին դիպլոմներ

2015թ. հուլիսի 13-ին ԵՊՀ Իջևանի մասնաճյուղում տեղի ունեցավ բակալավրիատի (հեռակա ուսուցման 188) և մագիստրատուրայի (առկա ուսուցման` Կիրառական արվեստի ֆակուլտետի 4) շրջանավարտների դիպլոմների հանձնման արարողությունը:

Մասնաճյուղի` 2015թ. շրջանավարտներին հանձնվեցին դիպլոմներ

Միջոցառմանը ներկա էին ԵՊՀ ԻՄ-ի տնօրեն Ս.Առաքելյանը, Հեռակա ուսուցման բաժնի վարիչ Մ.Զուրաբյանը, մասնաճյուղի վարչական և պրոֆեսորադասախոսական անձնակազմի այլ ներկայացուցիչներ, հյուրեր:

Մասնաճյուղի` 2015թ. շրջանավարտներին հանձնվեցին դիպլոմներ

Դիպլոմ ստանալու կապակցությամբ 2015թ. շրջանավարտներին շնորհավորեց տնօրեն Սամվել Առաքելյանը` նրանց մաղթելով բարի երթ, մեծ հաջողություններ կյանքում և աշխատանքում, շնորհավորանքներ ու բարեմաղթանքներ հղելով նրանց ընտանիքներին, ծնողներին, հարազատներին: Իր խոսքում տնօրենը նաև ընդգծեց, որ սրանով բուհի և շրջանավարտների միջև կապը չի խզվելու, մասնաճյուղը պատրաստ է համագործակցելու իր շրջանավարտների հետ, անվճար տրամադրելու ցանկացած խորհրդատվություն կամ այլ տիպի օժանդակություն, անցկացնելու վերապատրաստման դասընթացներ և այլն:

Ելույթ ունեցան նաև Հեռակա ուսուցման բաժնի շրջանավարտները` հինգ տարիների տքնաջան աշխատանքի ու հոգատար վերաբերմունքի համար շնորհակալություն հայտնելով մասնաճյուղի և հատկապես Հեռակա ուսուցման բաժնի վարչական անձնակազմի ներկայացուցիչներին, իրենց սիրելի դասախոսներին, ուսումնական խորհրդատուներին, այն բոլոր մարդկանց, ովքեր իրենց ներդրումն են ունեցել նրանց մասնագիտական կայացման գործում:

Այնուհետև տեղի ունեցավ դիպլոմների հանձնման արարողությունը:

Մասնաճյուղի` 2015թ. շրջանավարտներին հանձնվեցին դիպլոմներ

ՈՒԳԸ-ի մրցանակաբաշխություն

2015թ. մայիսի 20-ին ԵՊՀ Պալեանների անվան դահլիճում տեղի ունեցավ ԵՊՀ ուսանողական գիտական ընկերության` 2014-2015 ուստարվա 2-րդ կիսամյակի ամփոփիչ ընդլայնված նիստը:

Նիստին ներկա էին դասախոսներ, ուսանողներ, ՈՒԳԸ-ի անդամներ ԵՊՀ բոլոր ֆակուլտետներից:

Սկզբում ԵՊՀ սոցիոլոգիայի ֆակուլտետի ՈՒԳԸ-ի նախագահ Օֆելիա Գրիգորյանը ներկայացրեց ուսումնական տարվա ընթացքում ԵՊՀ-ի 19 ֆակուլտետներում իրականացված սոցհարցման արդյունքները:

ՈՒԳԸ-ի մրցանակաբաշխություն

ԵՊՀ ՈՒԳԸ-ի նախագահ, ԵՊՀ հայոց պատմության ամբիոնի ասպիրանտ Միքայել Մալխասյանը նախ հանդես եկավ ընթացիկ կիսամյակի գործունեության վերաբերյալ զեկուցումով, ապա շնորհանդեսի ուղեկցությամբ ներկայացրեց կառույցի՝ իր ղեկավարման ամբողջ ժամանակահատվածի (2012-2015 թթ.) գործունեությունը:

ՈՒԳԸ-ի մրցանակաբաշխություն

Նշված ժամանակահատվածում ԵՊՀ ՈՒԳԸ-ն կազմակերպել է ավելի քան 2000
միջոցառում, ստեղծվել են ՈՒԳԸ-ի և ՈՒԳԸ-ի հրատարակումների կայքերը, հրատարակվել են գիտական հոդվածների 21 ժողովածու և 2 մեթոդական ձեռնարկ:

ՈՒԳԸ-ի մրցանակաբաշխություն

ՈՒԳԸ-ի անդամների կողմից Միքայել Մալխասյանին տրվեց շնորհակալագիր:

Ապա պարգևատրվեցին «Գերազանց» և «Գերազանց վերապահումով» գնահատականների արժանացած ստորաբաժանումները և առավել մեծ ակտիվություն ցուցաբերած ուսանողներն ու ասպիրանտները:

Այս անգամ մասնաճյուղի ՈՒԳԸ-ն արժանացել էր «Գերազանց վերապահումով» գնահատականի:
Պարգևը ստացավ մասնաճյուղի ՈՒԳԸ-ի նախագահ Ալբերտ Զուրաբյանը:

ՈՒԳԸ-ի մրցանակաբաշխություն

ԵՊՀ ԻՄ-ի ուսանողական գիտական ընկերության ակտիվ անդամ է ճանաչվել Հումանիտար գիտությունների ֆակուլտետի ՈՒԳԸ-ի նախագահ Գոհար Գրիգորյանը:

ՈՒԳԸ-ի մրցանակաբաշխություն

Պարգևատրվեցին նաև ԵՊՀ ՈՒԳԸ-ի զարգացման գործում զգալի ներդրում ունեցած մի շարք անձինք, այդ թվում` մասնաճյուղի ՈՒԳԸ-ի նախկին նախագահ, ԵՊՀ մաթեմատիկայի և մեխանիկայի ֆակուլտետի ՈՒԳԸ-ի նախագահ Սլավիկ Ալավերդյանը:

ՈՒԳԸ-ի մրցանակաբաշխություն

Այս նիստը ԵՊՀ ՈՒԳԸ-ի 10-րդ և վերջին ընդլայնված նիստն էր, որը վարում էր Միքայել Մալխասյանը:

Նրա պարտականությունների կատարման ժամկետը լրանում է ս.թ. հուլիսի 1-ին, և ԵՊՀ գիտական խորհուրդն արդեն ՈՒԳԸ-ի նոր նախագահ է ընտրել ԵՊՀ ՈՒԳԸ-ի փոխնախագահ Մհեր Հակոբյանին:

Հայ-ֆրանսիական բարեկամության շրջանակներում Պոլետ Կուտանտի այցը մասնաճյուղ

2015թ. մայիսի 9-ին ԵՊՀ Իջևանի մասնաճյուղում տեղի ունեցավ «Հայ-ֆրանսիական բարեկամություն» կազմակերպության տնօրեն Պոլետ Կուտանտի (Ուբուլյանի) հետ հանդիպում, որին ներկա էին Օտար լեզուների ամբիոնի դասախոսներ, ուսանողներ, Ֆրանսիական համալսարանի հաղորդակցման բաժնի աշխատող Ռուզաննա Փայտյանը, մասնաճյուղի հասարակայնության հետ կապերի և մամուլի պատասխանատու Հասմիկ Վանյանը:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Հանդիպման նպատակը ոչ միայն մասնաճյուղի «Ֆրանսերեն լեզու և գրականություն» մասնագիտության մի շարք ուսանողների կրթաթոշակներ հանձնելն էր, այլև ցույց տալը, որ Ֆրանկոֆոնիայի շունչն ամենուր է:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Շուրջ մեկ շաբաթվա ընթացքում Պոլետ Կուտանտը, ով ծագումով հայ է և ում ծնողները եղել են Օսմանյան ջարդերից մազապուրծ փրկված հայեր, ունեցավ բավականին հագեցած այցելություն: Նա մասնակցեց ԵՊՀ ԻՄ-ի «Ֆրանսերեն լեզու և գրականություն» մասնագիտության ուսանողների կողմից Իջևանի թիվ 1 և 5, Սարիգյուղ և Աչաջուր գյուղերի դպրոցներում անցկացված դասալսումներին, «Ֆրանսերեն լեզու և գրականություն» մասնագիտության 2-րդ և 3-րդ  կուրսերի ուսանողների հետ ունեցավ հանդիպում, որի ընթացքում վերջիններս ֆրանսերեն լեզվով ներկայացրին  Տավուշի մարզի վերաբերյալ տարբեր մշակութային կոթողների և հայկական ավանդույթների վերաբերյալ զեկույցներ:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Մայիսի 9-ին ԵՊՀ Իջևանի մասնաճյուղում տեղի ունեցած հանդիպման ընթացքում Պոլետ Կուտանտը100-ական եվրո կրթաթոշակ հանձնեց մասնաճյուղի «Ֆրանսերեն լեզու և գրականություն» մասնագիտության 9 (3-րդ կուրսի 3 և 2-րդ կուրսի 6) ուսանողների, 100 եվրո «Սերվիս» մասնագիտության 2-րդ կուրսի ուսանողներին՝ որևէ մշակութային կոթող տուրիստական այց կատարելու նպատակով և 300 եվրո Օտար լեզուների ամբիոնին՝ «Ֆրանսերեն լեզու և գրականություն» մասնագիտության ուսանողների հետ միջոցառումներ կազմակերպելու նպատակով:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Դեռևս 2012թ. սեպտեմբերի 28-ին ԵՊՀ Իջևանի մասնաճյուղում տեղի ունեցած հանդիպման ընթացքում «Հայ-ֆրանսիական բարեկամություն» կազմակերպության անդամներ Պոլետ Կուտանտը և Բեռնար Կուտանտը ներկայացրել էին կրթության ոլորտին վերաբերող ծրագիր, որը հավանության էր արժանացել տնօրեն Ս.Առաքելյանի կողմից` որպես ֆրանս-հայկական բարեկամությունն ամրապնդող կարևոր ձեռնարկում:

Ծրագիրը ներառում էր մի շարք դրույթներ` ուսանողների վերապատրաստում, վճարների փոխանցում, դպրոց-համալսարան կապի ամրապնդում, դասընթացների ու դասալսումների կազմակերպում, համապատասխան գրականության տրամադրում և այլն:

2012-2013թթ. «Հայ-ֆրանսիական բարեկամություն» կազմակերպությունը կրթաթոշակ է տրամադրել ԵՊՀ Իջևանի մասնաճյուղի «Ֆրանսերեն լեզու և գրականություն» մասնագիտության 10 ուսանողների, իսկ 2014թ.` 13 ուսանողների:

Ծրագրի շրջանակներում կրթաթոշակ ստացած ուսանողները պարբերաբար այցելում են սահմանամերձ գյուղեր և Անժելա Վանեսյանի անվան ֆրանկոֆոնիայի կենտրոն, աջակցում ֆրանսերեն լեզվի ուսուցման կազմակերպմանը:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ