2014թ. հոկտեմբերի 2-ին Վանաձորի Հովհաննես Թումանյանի անվան պետական համալսարանում տեղի ունեցավ Սոցիալական մանկավարժի միջազգային օրվան նվիրված միջոցառում, որին հրավիրված էին նաև մասնաճյուղի «Մանկավարժություն և հոգեբանություն» ամբիոնի վարիչ Վ.Բրուտյանը, ամբիոնի դասախոս Էդիտա Սիմոնյանը, նույն մասնագիտության 1-ին և 2-րդ կուրսի ուսանողները:
Միջոցառման նպատակն էր կարևորել սոցիալական մանկավարժի դերը սոցիալական ինստիտուտների (հասարակություն, ընտանիք, կրթական հաստատություններ և այլն) կայացման և զարգացման գործում:
Միջոցառման ընթացքում ելույթ ունեցավ մասնաճյուղի Մանկավարժության և հոգեբանության ամբիոնի վարիչ Վ.Բրուտյանը` Սոցիալական մանկավարժի միջազգային օրվա կապակցությամբ շնորհավորելով ներկաներին, կարևորելով «Սոցիալական մանկավարժություն» մասնագիտության դերը:
Վերջում Վանաձորի պետական համալսարանի, Գյումրու պետական մանկավարժական իստիտուտի և ԵՊՀ Իջևանի մասնաճյուղի ուսանողների միջև ծավալվեց ակտիվ քննարկում, տեղի ունեցավ կարծիքների փոխանակում:
Մեր ուսանողները գործնական ուսուցման նպատակով այցելեցին Վանաձորի մանկատուն, որտեղ մանկատան մանկավարժահոգեբանական աշխատակազմը նրանց ծանոթացրեց նախադպրոցական խմբի երեխաների հետ, ներկայացրեց նրանց խնդիրները, իրավունքներն ու պարտականությունները:
«Մանկավարժություն և հոգեբանություն» մասնագիտության ուսանողները այցելեցին նաև Ստեփան Զորյանի անվան տուն-թանգարան (սեպտեմբերի 25-ին լրացել էր Ստ.Զորյանի ծննդյան 125-ամյակը):
