2015թ. հունիսի 29-ից մինչև հուլիսի 25-ը անց է կացվում ԵՊՀ ԻՄ-ի առկա ուսուցման համակարգի «Տնտեսագիտության տեսություն» մասնագիտության երրորդ կուրսի արտադրական պրակտիկան, որը ղեկավարում է Ընդհանուր տնտեսագիտության ամբիոնի ասիստենտ, տ.գ.թ. Գայանե Ավետիսյանը:
Պրակտիկան իրականացվում է Տավուշի և Լոռու մարզերի տարբեր կառույցներում` ՀՀ Տավուշի մարզպետարանում, ՀՀ ԿԲ-ի «Դիլիջան ուսումնահետազոտական կենտրոն»-ում, բանկային, հարկային կազմակերպություններում, տեղական ինքնակառավարման մարմիններում, «Օրանժ հիմնադրամ»-ում:
Պրակտիկայի հիմնական նպատակն է խորացնել ուսանողների մասնագիտական հմտությունները հաշվապահական հաշվառման, ֆինանսական շուկաների, բիզնեսի գնահատման, գնագոյացման, ապահովագրության, բանկային գործի, տեղեկատվության կուտակման և վերլուծության ոլորտներում:
Պրակտիկան անցկացվում է 4-5 հոգուց կազմված ուսանողական խմբերով:
Յուրաքանչյուր խումբ ծանոթանում է տվյալ կազմակերպության ստորաբաժանումների գործառույթների հետ և իրականացնում որոշակի աշխատանքներ` լրացնում փաստաթղթեր, կատարում գործարքներ, հաշվարկներ և վերլուծություններ: