ԵՊՀ Իջևանի մասնաճյուղի «Կանաչ համալսարանի» հայեցակարգ (Green Campus Policy)

Սույն հայեցակարգը մշակվել է ԵՊՀ Իջևանի մասնաճյուղի (այսուհետ՝ Մասնաճյուղ կամ ԵՊՀ ԻՄ) կողմից` որպես շրջակա միջավայրի նկատմամբ պատասխանատվության, կայուն զարգացման սկզբունքների ներդրման և համալսարանական համայնքի էկոլոգիական գիտակցության բարձրացման մոտեցումների համակարգ: Հայեցակարգը մշակվել է ՀՀ օրենսդրության, ԵՊՀ ԻՄ կանոնադրության, ԵՊՀ ԻՄ 2025-30թթ․ զարգացման ռազմավարական ծրագրի 3-րդ նպատակի, ՄԱԿ-ի կայուն զարգացման նպատակների և այլ նորմատիվային փաստաթղթերի պահանջներին համապատասխան։ Հայեցակարգը հիմնված է նաև միջազգային լավագույն փորձի վրա, ներառյալ UI GreenMetric, QS Sustainability չափորոշիչները, ինչպես նաև Եվրոպական «EU GREEN» ալյանսի քաղաքականության սկզբունքները: