Հարգելի՛ ուսուցիչներ, դպրոցների տնօրեններ, հանրակրթության ոլորտի մասնագետներ, սիրով տեղեկացնում ենք, որ ԵՊՀ Իջևանի մասնաճյուղը վերսկսում է հերթական ատեստավորման ենթակա ուսուցիչների, առարկայական գիտելիքի իմացության կարիք ունեցող և նախորդ տարիներին կամավոր ատեստավորումը չհաղթահարած ուսուցիչների վերապատրաստումները: 

Մասնաճյուղը հերթական ատեստավորման ենթակա ուսուցիչների համար կազմակերպելու է վերապատրաստումներ տարրական և  երկրորդ (ձեռնահասություն) մակարդակի բոլոր բաժիններով.

1. առարկայական գիտելիքի զարգացում,

2. դասընթացների և դասերի պլանավորում,

3. դասավանդման մեթոդներ, ռազմավարություններ և ներառակայական կապեր,

4. ռեսուրսների կառավարում,

5. տեղեկատվական և հաղորդակցական տեխնոլոգիաների կիրառումը ուսումնական գործընթացում,

6. 21-րդ դարի հմտությունների խթանում,

7. սովորողների կարիքների բացահայտում,

8. ուսումնառության գնահատում,

9. ուսումնական գործընթացի համընդհանուր ներառականությունն ու մասնակցությունն ապահովող կարողություններ,

10. մասնագիտական զարգացման համար պատասխանատվության ստանձնում,

11. կրթության ոլորտի օրենսդրություն և պրակտիկայի իմացություն,

12. մասնագիտական բարեվարքություն, ժողովրդավարական և քաղաքացիական կարողունակություն:

Դասընթացներին մասնակցելու համար անհրաժեշտ է մինչև 2025 թ. ապրիլի 20-ը  գրանցվել հետևյալ հղումով՝ https://forms.gle/JzhNYriXuSxqfNK2A:

Առարկայական պարտադիր վերապատրաստումը նախատեսված է միայն առարկայական գիտելիքի իմացության կարիք ունեցող և նախորդ տարիներին կամավոր ատեստավորումը չհաղթահարած ուսուցիչների համար:

Վերապատրաստումներին առնչվող այլ մանրամասների վերաբերյալ լրացուցիչ կտեղեկացնենք ԵՊՀ ԻՄ պաշտոնական կայքի և ֆեյսբուքյան էջի միջոցով: