Միջոցառմանը մասնակցեց ԵՊՀ Իջևանի մասնաճյուղի պատվիրակությունը՝տնօրեն Մ. Օթարյանը, տնօրենի խորհրդական Ա. Մակարյանը, Բնական գիտությունների ֆակուլտետի դեկանի պաշտոնակատար Ռ. Յոլչյանը, Կրթական բարեփոխումների և որակի ապահովման բաժնի մասնագետՄ. Ճաղարյանը, Ուսումնամեթոդական վարչության պրակտիկայի կազմակերպմանև շահակիցների հետ համագործակցության բաժնի աշխատակից Ա. Սարգսյանը:

Հանդիպման առաջին օրը ներկայացվեց ԵՊՀ ԻՄ կողմից մշակված զեկույցը, որիմիջոցով անդրադարձ կատարվեց ծրագրի կայունության, երկարաժամկետ ազդեցության և շարունակականության ռազմավարությանը, ընդգծվեց դրա կարևորությունը կրթական համակարգի զարգացման տեսանկյունից:

Քննարկումների ընթացքում ներկայացվեցին ծրագրի աշխատանքային փաթեթների առաջընթացը, կարիքների վերլուծության նախնական արդյունքները, ինչպես նաև կրթական ծրագրերի արդիականացման և թվային տեխնոլոգիաների ինտեգրման հնարավորությունները:

Ծրագրի շրջանակում մասնակիցները ծանոթացան Մարիբորի համալսարանի լավագույն փորձին՝ կրթության և արդյունաբերության համագործակցության օրինակներին, արհեստական բանականության կիրառման նախագծերին, ուսումնական ծրագրերի մշակման ժամանակակից մոտեցումներին:

Առանձնահատուկ կարևորություն ունեցան «Knowledge Café» ձևաչափով ինտերակտիվ քննարկումները, որոնց ընթացքում ձևավորվեցին կրթական ծրագրերի արդիականացման և նորարարական տեխնոլոգիաների կիրառման ուղղությամբ նոր գաղափարներ:

Մասնաճյուղի պատվիրակությունը նաև շրջայց կատարեց տարածաշրջանի լավագույն գործարաններից մեկում՝ «LEDINEK»-ում, որտեղ ցուցադրվեց գիտության կապն արտադրության հետ, թե ինչպես են գիտական արդյունքները կիրառվում արդյունաբերության, ժամանակակից տեխնոլոգիաները՝ արտադրության մեջ:

ԵՊՀ ԻՄ աշխատակիցների մասնակցությունը DIGITECH ծրագրի շրջանակում Մարիբորում կայացածհանդիպմանը և միջոցառումներին նրանց հնարավորություն տվեց ընդլայնելու միջազգային համագործակցությունը, ուսումնասիրելու առաջադեմ փորձը և այն կիրառելու կրթական գործընթացի բարելավման համար:

DIGITECH «Տեխնոլոգիական գործընթացների և արտադրության թվայնացման մեջ նորարարական տեխնոլոգիաների ներդրում» ծրագիրն իրականացվում է Եվրոպական միության ֆինանսական աջակցությամբ՝ Erasmus+ ծրագրի Բարձրագույն կրթության կարողությունների զարգացման (Capacity Building in Higher Education – CBHE) ուղղության շրջանակում:

Ծրագրի շրջանակում արտահայտված տեսակետների, մոտեցումների և ներկայացված տեղեկատվության համար պատասխանատու են ծրագիրն իրականացնողները, և պարտադիր չէ, որ արտացոլեն Եվրոպական միության պաշտոնական դիրքորոշումը:

#DIGITECH#Automation#AIandML#Barchelor#Robotics