2026 թ. օգոստոսին ԵՊՀ ԻՄ «Ռուսերեն և գրականություն» կրթական ծրագրի II–IV կուրսերի ուսանողուհիներ Հայկուհի Քոքոբելյանը, Հասմիկ Քոքոբելյանը, Մանե Հովհաննիսյանը և Նարե Վարդիկյանը Մոսկվայում մասնակցեցին ««Учусь великому» ռուսաց լեզվի դպրոց» միջազգային կրթական ծրագրին: Այն նվիրված էր «Ռուսերենը որպես օտար լեզու դասավանդման ժամանակակից տեխնոլոգիաներ» ծրագրի շրջանակում առաջադեմ մոտեցումների և մեթոդների յուրացմանը:
Հագեցած շաբաթվա ընթացքում մասնակիցները՝
տիրապետեցին թվային գործիքներին (ծանոթացան ժամանակակից տեխնոլոգիաներին և սովորեցին ինքնուրույն ստեղծել ինտերակտիվ կայքեր ու ուսումնական խաղեր՝ հետագա մանկավարժական գործունեության մեջ կիրառելու նպատակով),
մասնակցեցին հագեցած մշակութային ծրագրի (այցելեցին Ռուսաստանի մայրաքաղաքի նշանավոր պատմական ու գրական վայրեր՝ ուսումը համատեղելով մշակութային միջավայրին հաղորդակցվելու հետ):
Կրթական գործընթացը ներդաշնակորեն զուգորդվեց Մոսկվայի պատմությանը, գրականությանն ու արվեստին ծանոթությանը (զբոսանք Տվերսկայա փողոցով, Հին և Նոր Արբատով, այցելություններ Կրեմլ և Մ. Ա. Բուլգակովի լեգենդար թանգարան, Մարինա Ցվետաևայի տուն-թանգարան, Տագանկայի թատրոն և «Եվգենի Օնեգին» ներկայացման դիտում):
Ուսանողները հաջողությամբ ավարտեցին ծրագիրը, անցան ամփոփիչ ատեստավորում՝ դրսևորելով նյութի յուրացման բարձր մակարդակ, ստացան հավաստագրեր: Նման կրթական ծրագրերին մասնակցությունները նպաստում են ուսանողների մասնագիտական կարողությունների զարգացմանը, ընդլայնում նրանց մտահորիզոնը և նոր հեռանկարներ բացում միջազգային մակարդակով ռուսաց լեզվի դասավանդման գործում:
Фото
Опубликовать материал
