«Երևանի պետական համալսարան» հիմնադրամի Իջևանի մասնաճյուղում շահերի բախման բացահայտման և սահմանափակման կանոնակարգ

ԸՆԴՀԱՆՈՒՐ ԴՐՈՒՅԹՆԵՐ 

1. Սույն կանոնակարգը սահմանում է «Երևանի պետական համալսարան» հիմնադրամի Իջևանի մասնաճյուղի (այսուհետ՝ ԵՊՀ ԻՄ) աշխատողների, գործընկերների, թափուր պաշտոնների հավակնորդների հետ հարաբերություններում շահերի հնարավոր բախման բացահայտման և դրա սահմանափակման կարգն ու պայմանները։ 

2. Ի լրումն կանոնագրքով սահմանված դեպքերի սույն կանոնակարգի իմաստով շահերի հնարավոր բախում են դիտարկվում նաև հետևյալ իրավիճակները. 

   1. 1) աշխատողի անմիջական ղեկավարն իր հետ փոխկապակցված անձ է, 

   2. աշխատողը ԵՊՀ ԻՄ տնօրենի, փոխտնօրենի, կառուցվածքային վարչական ստորաբաժանումների ղեկավարների հետ փոխկապակցված անձ է: 

3. Սույն կանոնակարգի իմաստով փոխկապակցված անձինք են` 

   1. ամուսինը, ծնողը, ամուսնու ծնողը, զավակը, զավակի ամուսինը, ամուսնու զավակը, նրա ամուսինը, հարազատ կամ ոչ հարազատ (համահայր կամ համամայր) եղբայրը, քույրը, պապը, տատը, թոռը, ծոռը, նրանց ամուսինները, 2 ամուսնու եղբոր կամ քրոջ ամուսինը, նրանց զավակը, իր կամ ամուսնու որդեգրողը կամ որդեգրվածը, 

   2. այն իրավաբանական անձը, որի տնօրենը և /կամ կանոնադրական կապիտալի 50 ու ավելի տոկոսը տնօրինելու իրավունք ունեցող անձը սույն կետի 1-ին ենթակետի իմաստով փոխկապակցված է ԵՊՀ ԻՄ տնօրենի, փոխտնօրենի, կառուցվածքային ստորաբաժանումների ղեկավարների հետ: