«Երևանի պետական համալսարան» հիմնադրամի Իջևանի մասնաճյուղի շահակիցների կարիքների վերհանման և գնահատման կարգ

ԸՆԴՀԱՆՈՒՐ ԴՐՈՒՅԹՆԵՐ 

1. ««Երևանի պետական համալսարան» հիմնադրամի Իջևանի մասնաճյուղի շահակիցների կարիքների վերհանման և գնահատման» կարգը (այսուհետև՝ Կարգ) սահմանում է «Երևանի պետական համալսարան» հիմնադրամի Իջևանի մասնաճյուղի (այսուհետև՝ ԵՊՀ ԻՄ կամ Մասնաճյուղ) ռազմավարական նպատակների իրականացման համար շահակիցների գիտակրթական, սոցիալական կարիքների վերհանման մեթոդաբանությունը և մեխանիզմները, կարիքների ուսումնասիրության քայլերը, դրանց գնահատման և հավաքագրված տվյալների վերլուծության մեթոդները, վերհանված կարիքների վերլուծության արդյունքների օգտագործման հնարավորությունները։ 

2. Կարգը մշակվել է «Կրթության մասին» ՀՀ օրենքի, ԵՊՀ և ԵՊՀ ԻՄ կանոնադրությունների, «ԵՊՀ ԻՄ-ի կրթական ծրագրերի մոնիթորինգի և վերանայման» կարգի, Կրթության որակի բնագավառում ԵՊՀ ԻՄ-ի քաղաքականության և ԵՊՀ ԻՄ ռազմավարական ծրագրի իրականացման պահանջների հիման վրա։ 

3. Որպես «շահակից» ընդունվում է այն անձը կամ կառույցը, ով իր գործունեությամբ անմիջականորեն ազդում է Մասնաճյուղի գործունեության վրա կամ կրում է համալսարանի ազդեցությունը: 

4. Մասնաճյուղի ներքին շահակիցներն են ուսանողները, պրոֆեսորադասախոսական, ուսումնաօժանդակ, վարչական կազմերը, իսկ արտաքին շահակիցներն են՝ դիմորդները, շրջանավարտները, գործատուները: 

5. Շահակիցների կարիքների գնահատման նպատակն է. 

   1. ապահովել շահակիցների մասնակցությունը մասնագիտության կրթական ծրագրերի մշակման, իրականացման, գնահատման և վերանայման գրծընթացում, 

   2. բարելավել գիտական, կրթական, աշխատանքային և հանրային գործընթացների կազմակերպման որակը, բարձրացնել դրանց արդյունավետությունը, 

   3. բարելավել որակի ներքին ապահովման համակարգը՝ նրա գործընթացներում ներգրավելով ներքին և արտաքին շահակիցներին, ուժեղացնելով նրանց հետ հետադարձ կապը, 

   4. բարձրացնել մասնաճյուղի կառավարման արդյունավետությունը՝ ակտիվացնելով կառավարման մարմիններում ներգրավված շահակիցների գործունեությունը, ամրապնդելով նրանց հետ փոխադարձ կապն ու վստահությունը։ 

6. Շահակիցների կարիքների վերհանման և գնահատման խնդիրներն են. 

   1. պարբերաբար վեր հանել շահակիցների կարիքները՝ հաշվի առնելով շահակիցների առանձնահատկությունները, կարիքների փոփոխության վրա ազդող գործոնները, դրանց իրականացնելու մասնաճյուղի հնարավորությունները, 

   2. բացահայտել Մասնաճյուղում կրթության որակի ապահովման համակարգի խնդիրները, 

   3. բացահայտել Մասնաճյուղի գործունեությունից և կրթության որակի ապահովումից շահակիցների բավարարվածության աստիճանը։ 

7. Շահակիցների կարիքների ուսումնասիրության, վեր հանման, գնահատման և իրականացման գործընթացներն իրականացնում են Մասնաճյուղի մասնագիտական կրթության որակի ապահովման (այսուհետև՝ ՄԿՈԱ), պրակտիկայի կազմակերպման և շահակիցների հետ համագործակցության (այսուհետև՝ ՊԿՇՀ), կրթական բարեփոխումների և դասախոսների վերապատրաստման (այսուհետև՝ ԿԲԴՎ) բաժինները, 4 ֆակուլտետները և ուսանողական կառույցներն՝ իրենց գործառույթներին համապատասխան։