ԵՊՀ ԻՄ հումանիտար գիտությունների ֆակուլտետի կանոնադրություն

ԸՆԴՀԱՆՈՒՐ ԴՐՈՒՅԹՆԵՐ 

1. Սույն կանոնադրությունը սահմանում է ‹‹Երևանի պետական համալսարան›› հիմնադրամի Իջևանի մասնաճյուղի (այսուհետ ԵՊՀ ԻՄ) Հումանիտար գիտություններրի ֆակուլտետի (այսուհետ ֆակուլտետ) գործունեության իրավական հիմքերը: 

2. Սույն կանոնադրությունը ԵՊՀ ֆակուլտետի օրինակելի կանոնադրության հիման վրա մշակվում և ընդունվում է ֆակուլտետի գիտական խորհրդում, 

3. Սույն կանոնադրությունը հաստատվում է ԵՊՀ ԻՄ-ի գիտական խորհրդում: 

4. Սույն կանոնադրության մեջ փոփոխությունները և լրացումները կատարվում են նույն կարգով:

5. Ֆակուլտետը ստեղծվում, վերակազմակերպվում կամ լուծարվում է միայն ԵՊՀ ԻՄ-ի գիտական խորհրդի որոշմամբ: 

6. Ֆակուլտետի օրինակելի կանոնադրության և ֆակուլտետի կանոնադրության դրույթների միջև հակասություն առաջանալու դեպքում գործում են օրինակելի կանոնադրության դրույթները: 

7. Ֆակուլտետի պաշտոնական անվանումն է` հայերեն`Հումանիտար գիտությունների ֆակուլտետ ռուսերեն`Факультет гуманитарных наук 2 անգլերեն`Faculty of Humanities 

8. Ֆակուլտետի գտնվելու վայրն է` ՀՀ Տավուշի մարզ, ք. Իջևան, Ուսանողական 3: 

9. Ֆակուլտետը ԵՊՀ ԻՄ-ի կառուցվածքային ստորաբաժանում է, որն իր կանոնադրությանը համապատասխան օժտված է իրավունքներով և կրում է պարտականություններ: 

10. Ֆակուլտետն իր գործունեության ընթացքում ղեկավարվում է ՀՀ օրենսդրությամբ, ԵՊՀ ԻՄ-ի կանոնադրությամբ, իր կանոնադրությամբ, ինչպես նաև ԵՊՀ ԻՄ-ի կառավարման մարմինների, ֆակուլտետի կառավարման մարմինների` իրենց իրավասության շրջանակում ընդունած իրավական ակտերով: 

11. Ֆակուլտետն ունի կնիք (հայերեն, ռուսերեն, անգլերեն լեզուներով), սահմանված կարգով կարող է ունենալ նաև պաշտոնաթուղթ (բլանկ), խորհրդանիշ և անհատականացման այլ միջոցներ: