ՀԵՏԱԶՈՏԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՈՒՄԻՑ և ԳՆԱՀԱՏՈՒՄԻՑ ՈՒՍԱՆՈՂՆԵՐԻ ԲԱՎԱՐԱՐՎԱԾՈՒԹՅԱՆ ՀԱՐՑՄԱՆ ԱՐԴՅՈՒՆՔՆԵՐԻ ՀԱՄԵՄԱՏԱԿԱՆ ՎԵՐԼՈՒԾՈՒԹՅՈՒՆ (2024-25 և 2025-26 ՈՒՍՈՒՄՆԱԿԱՆ ՏԱՐԻՆԵՐ)

Ելնելով Մասնաճյուղի ռազմավարական նպատակներից՝ Կրթական բարեփոխումների և որակի ապահովման բաժինն իրականացրել է 2025-26 ուստարվա 1-ին կիսամյակում մասնաճյուղի 4 ֆակուլտետների 3-րդ և 4-րդ կուրսերի ուսանողների՝ հետազոտական աշխատանքների իրականացումից և գնահատումից բավարարվախության հարցումների վերլուծություն: Միաժամանակ կատարվել է համեմատություն 2024-25 ուստարվա նույն ժամանակամիջոցի վերաբերյալ կատարված վերլուծության տվյալների հետ: 

Հարցման նպատակն է՝ բացահայտել հետազոտական աշխատանքների իրականացման ընթացքում ուսանողների մոտ իհայտ եկած խնդիրները, հավաքագրել առաջարկներ հետազոտական աշխատանքների կազմակերպման և իրականացման բարելավման ուղղությամբ, գրանցել նախորդ ուստարվա հետ համեմատության դինամիկան, ակտիվացնել ուսանողների մասնակցությունը հետազոտական աշխատանքներին և խթանել ուսանող – բուհ համագործակցությունը: