ՀՀ կրթության և գիտության նախարար Արմեն Աշոտյանը հրաման է ստորագրել` «Հայաստանի Հանրապետության 2015/2016 ուսումնական տարվա ասպիրանտուրա ընդունելության նպաստի ձևով ուսման վճարի փոխհատուցմամբ, հեռակա ուսուցմամբ տեղերը բաշխումը հաստատելու» մասին:

Համաձայն հրամանի` ՀՀ բուհերին  և գիտական կազմակերպություններին ընդհանուր առմամբ տրամադրվել է 239 տեղ:

Աղբյուրը՝ www.edu.am

2015 թ. հոկտեմբերի 14-ից 15-ը ԵՊՀ հայ բանասիրության ֆակուլտետում տեղի կունենա հանրապետական գիտական նստաշրջան՝ նվիրված ակա­նավոր հայագետ Մանուկ Աբեղյանի ծննդյան 150-ամյակին:

Գիտաժողովը կմեկնարկի «Աբեղյանական ընթերցումներ» խորագիրը կրող ամենամյա գիտա­կան նստաշրջանների շարքում իրականացվող միջոցառմամբ, որ կազմակերպում են ԵՊՀ հայ բանասիրության ֆակուլտետի հայոց լեզվի և հայոց լեզվի պատմության ամբիոնները:

Հանրապետական գիտաժողովի բացման արարողությունը տեղի կունենա հոկտեմբերի 14-ին՝ ժամը 12:00-ին:

Լրացուցիչ տեղեկությունների համար դիմել՝ էլ. փոստ  hlpambion@mail.ru, հեռ.  76-27 /ներքին/:

Աղբյուրը`  www.ysu.am

 ԵՊՀ ԻՄ-ի գերմանախոս ուսանողներին տեղեկացնում ենք, որ 2015թ. հոկտեմբերի 5-ին` ժամը 13:00-ին, կարող են մասնակցել Երևանի Վ.Բրյուսովի անվան պետական լեզվահասարակագիտական համալսարանում (1-ին մասնաշենք, 2-րդ հարկ, կոնֆերանսների դահլիճ) անցկացվելիք «Միջազգային խորհրդարանական կրթաթոշակ» ծրագրի շնորհանդեսին:

Գերմանիայի Բունդեսթագը Բեռլինի Ազատ համալսարանի, Հումբոլդտի համալսարանի և Տեխնիկական համալսարանի հետ ամեն տարի տրամադրում է կրթաթոշակներ շուրջ 41 երկրների բուհերի երիտասարդ շրջանավարտների համար:

Շուրջ 15 շաբաթների ընթացքում մասնակիցները հնարավորություն են ունենում ծանոթանալու գերմանական խորհրդարանական համակարգին և գործնական փորձ ձեռք բերելու խորհրդարանական աշխատանքի բնագավառում:

Կրթաթոշակակիրները ամառային ուսումնական կիսամյակի ընթացքում հանդիսանում են Հումբոլդտի համալսարանի ունկնդիրներ և հնարավորություն են ունենում մասնակցելու Ազատ համալսարանի ու Տեխնիկական համալսարանի դասախոսություններին և ուսումնական միջոցառումներին:

Ծրագիրը նպատակ ունի խթանել և ամրացնել մասնակից երկրների հարաբերությունները Գերմանիայի հետ: