Иджеванский филиал Ереванского государственного университета

Սեղանի թենիսի բաց առաջնություն

2015թ. ապրիլի 7-ին ԵՊՀ Իջևանի մասնաճյուղի մարզադահլիճում տեղի կունենա սեղանի թենիսի բաց առաջնություն: Մասնակցել ցանկացողները մինչև ապրիլի 5-ը կարող են դիմել Արտակարգ իրավիճակների, մարմնակրթության և սպորտի ամբիոն:

Շախմատի և սեղանի թենիսի մասնաճյուղային առաջնություններ

2015թ. մարտի 25-26-ը ԵՊՀ Իջևանի մասնաճյուղում տեղի ունեցան շախմատի և սեղանի թենիսի մասնաճյուղային առաջնություններ, որոնց մասնակցում էին տարբեր ֆակուլտետներից 25 մարզիկ-մարզուհիներ:

Շախմատի առաջնությունում իրեն հավասարը չունեցավ մասնաճյուղի ուսանողական խորհրդի նախագահ, «Տնտեսագիտության տեսություն» մասնագիտության երրորդ կուրսի ուսանող Ռազմիկ Հովսեփյանը` գրավելով առաջին տեղը:

Սեղանի թենիսի առաջնությունում տղաներից հաղթող ճանաչվեց Հեռակա ուսուցման բաժնի «Տնտեսագիտության տեսություն» մասնագիտության երրորդ կուրսի ուսանող Շավարշ Կիրակոսյանը:

Աղջիկներից հաղթեց «Ինֆորմատիկա և կիրառական մաթեմատիկա» մասնագիտության երկրորդ կուրսի ուսանողուհի Աննա Մանուչարյանը:

Հաղթողները տնօրենության կողմից պարգևատրվեցին հուշանվերներով:

Գլոբալ կրթական ցուցահանդես Երևանում

Ապրիլի 10-ին և 11-ին «Էրեբունի Պլազա» բիզնես կենտրոնում տեղի կունենա կրթական ցուցահանդես, որի ընթացքում հայազգի դպրոցականներն ու ուսանողները կտեղեկանան արտերկրում կրթական և կրթաթոշակային հնարավորություններին: Իսկ մի քանի պայծառ հայազգի դպրոցականներ կրթաթոշակներ կստանան արտերկրում ուսանելու համար:

Հայաստան են ժամանել Միացյալ Թագավորությունում, ԱՄՆ-ում, Իտալիայում, Ֆրանսիայում, Թայլանդում և Հայաստանում գործող 10 միջազգային միջնակարգ/ավագ դպրոցների և համալսարանների ներկայացուցիչներ:

Ապրիլի 10-ին և 11-ին «Էրեբունի Պլազա» բիզնես կենտրոնում տեղի ունեցող կրթական ցուցահանդեսին նրանք հայ ուսանողներին և նրանց ընտանիքներին կներկայացնեն  կրթական, ինչպես նաև մրցութային կարգով պայծառ հայազգի դպրոցականներին առաջարկվող կթաթոշակային հեռանկարները արտասահմանում:

Կրթական ցուցահանդեսը կազմակերպում է Գլոբալ Բրիջ ուսումնական կենտրոնը:

Ցուցահանդեսին մասնակցում են հետևյալ ուսումնական հաստատությունները՝

  • UWC Դիլիջանի դպրոց
  • Քեթս ԱքադեմիԲոստոնԱՄՆ
  • Քեթս ՔոլեջՄԹ
  • Սթադի Գրուփ՝ Բելերբիս Քոլեջ, ՄԹ
  • Թայլանդի Ռիջենթս դպրոց
  • INTO, ԱՄՆ` (Հարավային Ֆլորիդայի (South Florida) ՀամալսարանՕրեգոնի Պետական Համալսարան, Կոլորադոյի Պետական Համալսարան, Մարշալի Համալսարան, Ջորջ Մեսոնի Համալսարան)
  • INTO, ՄԹ (Էքզետերի Համալսարան, Նյուքասլի Համալսարան, Բելֆասթի Համալսարան, Սթերլինգի Համալսարան:
  • Իսթ Անգլիայի Համասրանան
  • Մարանգոնիի Համալսարան
  • Հայաստանում Ամերիկյան Համալսարան
  • Գլոբալ Բրիջ ուսումնական կենտրոն

Կրթաթոշակներ տրամադրում են հետևյալ դպրոցները`

  • Ռիջենթս Միջազգային ԴպրոցԲանգկոկԹաիլանդուսման և կացությանարժողության մինչև 100% —ի հասնող կրթաթոշակ:
  • Քեթս ԱքադեմիԲոստոնԱՄՆուսման արժողության 30-100%-ի հասնողկրթաթոշակ:
  • ՔեթսՔոլեջՔեմբրիջՄԹուսման արժողության 20-50%-ի հասնողկրթաթոշակ:
  • Քեթս ՔոլեջՔենթերբուրիՄԹուսման արժողության 20-50%-ի հասնողկրթաթոշակ:
  • Չելսի Ինդիփենդենթ ՔոլեջԼոնդոնՄԹուսման արժողության 20-50%-իհասնող կրթաթոշակ 
  • Լենսդոուն ՔոլեջԼոնդոնՄԹուսման արժողության 20-50%-ի հասնողկրթաթոշակ:
  • Պասկալ Միջազգային Դպրոց, Լեֆկոսիա, Լիմասոլ, Լարնակա, Կիպրոս՝ ուսման արժողության 25-100%-ի հասնող կրթաթոշակ:

Կրթաթոշակային մրցույթներն անցկացնում է Գլոբալ Բրիջ Ուսումնական Կենտրոնը Ապրիլ, Մայիս ամիսներին: Կրթաթոշակները տրվում են ՋիՍիԷսԻ (GCSE), Էյ լեվել (A-level), Ամերիկյան ավագ դպրոց (American High School) և Միջազգային Բակալավրիատ (IB) ծրագրերով ուսանելու համար:

Նշենք, որ տվյալ ծրագրերն ավարտելուց հետո դպրոցականները հնարավորություն ունեն ընդունվել աշխարհի ցանկացած համալսարան: Տվյալ կրթաթոշակային ծրագրերով ուսանած հայազգի ուսանողները նախկինում արդեն ընդունվել են աշխարհի լավագույն համալսարաններ, ինչպիսիք են Լոնդոնի Համալսարանային Քոլեջը (UCL), Տորոնտոյի համալսարան, Քեմբրիջի Համալսարան և այլն, և ֆինանսավորվել են ԼՈՒՅՍ հիմնադրամի կողմից:

Ծրագրի օրակարգն այստեղ

Աղբյուրը` armacad.info

(Հայերեն) «ԱՐՓԱ»-ն հայտարարում է նորարարության մրցույթ

 ԱՐՓԱ ինստիտուտը հայտարարում Է նորարարության ամենամյա մրցույթ ՀՀ համալսարանական ուսանողների և ասպիրանտների համար:

Առաջին մրցանակ՝ $ 2.000, 2-րդ՝ $ 1.000, 3-րդ՝ $ 600 և 4-րդ մրցանակ՝ $ 400:

Մրցանակների հանձման հանդիսավոր արարղությունը տեղի կունենա Երևանում:

Դիմումների ներկայացման վերջնաժամկետը 2015 թ. մայիսի 30-ն է:

Ընդունման պայմաններին ծանոթանալու համար այցելել ԱՐՓԱ-ի կայքէջ՝  http://www.ARPAinstitute.org:

Հարցերի դեպքում դիմել՝ info@ARPAinstitute.org  կայքեջին:

Ներկայացված հայտերը կարժևորվեն բարձրակարգ մասնագետների կողմից:

Լավագույն կհամարվի այն հայտը, որը լիովին կհամապատասխանի հետևյալ պայմաններին՝

ա) բաղդատված նմանօրինակ աշխատանքները պետք է գերազանցեն վերջիններին,

բ) հայտի բացատրականին կցված են բավարարաչափ փորձարարական արդյունքներ և հաշվարկումներ:

Աղբյուրը` www.ysu.am