«Երևանի պետական համալսարան» հիմնադրամի Իջևանի մասնաճյուղի պրոֆեսորադասախոսական կազմի վերապատրաստման 2023- 2026 թվականների ծրագրի իրականացման կարգ

ԸՆԴՀԱՆՈՒՐ ԴՐՈՒՅԹՆԵՐ 

1. Սույն կարգով (այսուհետև՝ Կարգ) սահմանվում են «Երևանի պետական համալսարան» հիմնադրամի Իջևանի մասնաճյուղի (այսուհետ՝ ԵՊՀ ԻՄ) պրոֆեսորադասախոսական կազմի (այսուհետև՝ դասախոսներ) 2023-2026 թվականների վերապատրաստման ծրագրի իրականացման ընթացակարգն ու պայմանները: 

2. Սույն կարգը մշակված է «Կրթության մասին», «Բարձրագույն և հետբուհական մասնագիտական կրթության մասին» ՀՀ օրենքների, ԵՊՀ և ԵՊՀ ԻՄ կանոնադրությունների, ԵՊՀ ԻՄ 2022-2026 զարգացման ռազմավարական ծրագրի, Կրթության բնագավառում ԵՊՀ ԻՄ-ի քաղաքականության և ԵՊՀ պրոֆեսորադասախոսական կազմի վերապատրաստման ծրագրի հիման վրա: 

3. ԵՊՀ ԻՄ-ում դասախոսների վերապատրաստումը իրականացվում է «Երևանի պետական համալսարան» հիմնադրամի Իջևանի մասնաճյուղի պրոֆեսորադասախոսական կազմի վերապատրաստման 2023-2026 թվականների ծրագրին (այսուհետև՝ Ծրագիր) համապատասխան: 

4. Դասախոսների վերապատրաստման կազմակերպման գործընթացը համակարգում և վարում է ԵՊՀ ԻՄ-ի Կրթական բարեփոխումների և դասախոսների վերապատրաստման բաժինը (այսուհետև՝ Բաժինը):