Բակալավրիատի առկա ուսուցում

Բաժնում ներկայացված են ընդունելության հետ կապված ամբողջական տեղեկություններ, այդ թվում՝ ընդունելության կարգը, առկա մասնագիտությունները, տեղերի քանակը և վարձաչափերը, ընդունելության արդյունքները, ներբուհական քննությունների (Դեկորատիվ-կիրառական արվեստ և Դիզայն) ծրագրերը։

Միասնական քննությունների առարկաների հայտագրումը, քննությունների անցկացումը և մասնագիտությունների հայտագրումն իրականացվում են երեք փուլով:

Ընդունելության երեք փուլերը ընդգրկում են

Միասնական քննությունների հայտագրման և քննությունների անցկացման 1-ին փուլով դիմորդներն ընդունելության քննությունների դիմում-հայտը www.dimord.am կայքէջի միջոցով ԳԹԿ են ուղարկում առցանց եղանակով  տվյալ տարվա դեկտեմբերի 15-ից մինչև դեկտեմբերի 25-ը ներառյալ (դեկտեմբերի 25-ին՝ մինչև ժամը 18։00-ն) ընկած ժամանակահատվածում։ Քննությունների հայտագրման երկրորդ փուլն և մասնագիտությունների հայտագրման առաջին փուլը ընդգրկում է տվյալ տարվա ապրիլի 15-ից մինչև մայիսի 10-ը ներառյալ (մայիսի 10-ին՝ մինչև ժամը 18։00-ն)։ 

Միասնական քննությունների հայտագրման և քննությունների անցկացման երրորդ և մասնագիտության հայտագրման երկրորդ փուլն ընդգրկում է տվյալ տարվա հունիսի 26-ից մինչև հուլիսի 1-ն (հուլիսի 1-ին՝ մինչև ժամը 18։00-ն)։

Կարդալ ավելին

Լրացուցիչ (թափուր) փուլ

Հիմնական փուլի մրցույթի արդյունքները հրապարակելուց հետո ընդունելության քննությունից դրական միավոր ստացած, սակայն հիմնական մրցույթից դուրս մնացած դիմորդները թափուր տեղերի առկայության դեպքում կարող են մասնակցել լրացուցիչ (թափուր) փուլի մրցույթին (ընդունելության կարգի 17-րդ կետ)։ Լրացուցիչ (թափուր) փուլի մրցույթին մասնակցելու համար մեկ կամ ավելի բուհերի մինչև 6 մասնագիտությունների նշումով նոր դիմում-հայտը դիմորդները dimord.am կայքի միջոցով ԳԹԿ են ուղարկում առցանց եղանակով՝ ս.թ. հուլիսի 20-ից մինչև հուլիսի 26-ը ներառյալ (հուլիսի 26-ին՝ մինչև ժամը 18։00-ն)։

Հիմնական փուլով ընդունված դիմորդները չեն կարող մասնակցել լրացուցիչ փուլի մրցույթին։

Կարդալ ավելին

ՈՒՇԱԴՐՈՒԹՅՈՒՆ

Առկա ուսուցմամբ ընդունված դիմորդները, առկա ուսուցման ընդունելության կարգի 89-րդ կետի համաձայն, պահանջվող փաստաթղթերի բնօրինակները, այդ թվում՝ գնահատականների վերաբերյալ ԳԹԿ-ի տված վկայագիրը, պետք է դասերը սկսելուց մեկ շաբաթվա ընթացքում ներկայացնեն համապատասխան ուսումնական ստորաբաժանման (ֆակուլտետ, ինստիտուտ, կենտրոն) գրասենյակ/դեկանատ:

Առկա ուսուցման դասերը սկսվում են սեպտեմբերի 1-ից:

Առկա ուսուցմամբ ընդունված և ազգային բանակ զորակոչված դիմորդների ընտանիքի անդամներից մեկը ս.թ. օգոստոսի 20-ից մինչև սեպտեմբերի 1-ն ընկած ժամանակահատվածում պետք է համապատասխան ուսումնական ստորաբաժանման գրասենյակ/դեկանատ ներկայացնի պահանջվող փաստաթղթերը, ինչպես նաև ազգային բանակ զորակոչվելու մասին հավաստող փաստաթուղթը, որից հետո կձևակերպվի տարկետում: Հակառակ դեպքում՝ դիմորդը կկորցնի իր տեղը:

Պահանջվող փաստաթղթերը

  1. ավարտական փաստաթուղթ` ատեստատ կամ դիպլոմ (միջուկով),
  2. լուսանկար (3x4 չափսի) - 1 հատ,
  3. անձը հաստատող փաստաթուղթ (բնօրինակը և պատճենը՝ 1 օրինակից),
  4. գնահատականների վերաբերյալ ԳԹԿ կողմից տրված վկայագիր (բնօրինակը),
  5. զինվորական գրքույկ (բնօրինակը) (առկայության դեպքում),
  6. արտոնություններից օգտվելու դեպքում՝ անհրաժեշտ լրացուցիչ փաստաթղթեր։

 

Ուշադրություն. Ներբուհական քննության համար նախատեսված 3000 պետք է վճարել «Արդշինբանկ»-ում բացված ԵՊՀ ԻՄ-ի հետևյալ հաշվեհամարին՝ 2476100170940000:

Կարդալ ավելին

2026-2027 ուստարվա ընդունող հանձնաժողովի աշխատանքային օրերն ու ժամերը

ԵՊՀ ընդունող հանձնաժողովն աշխատում է ապրիլի 15-ից մինչև մայիսի 10 ներառյալ՝ ժամը 10:00-ից 17:00-ն,

մայիսի 10-ին՝ ժամը 10:00-ից 18։00-ն։

Ոչ աշխատանքային օրեր` ապրիլի 19, 20, 24, 26,27 մայիսի 1, 3, 4, 9։

 

Հունիսի 26-ից մինչև հուլիսի 1-ը ներառյալ հանձնաժողովն աշխատում է ժամը 10:00-ից 17:00-ն։

Ոչ աշխատանքային օրեր` հունիսի 28, 29։

 

Հուլիսի 20-ից մինչև հուլիսի 26-ը ներառյալ հանձնաժողովն աշխատում է ժամը 10:00-ից 17:00-ն,

հուլիսի 26-ին՝ ժամը 10:00-ից 18:00-ն։

 

 ԸՆԴՄԻՋՈՒՄ՝ ժամը 13:00–14:00

 


 

Կոնտակտներ

Կապ ԵՊՀ Իջևանի մասնաճյուղի հանձնաժողովի հետ՝ 
 

Հեռ.՝ 096987654 (Վ. Աղաբաբյան)

էլ․ հասցե՝ vahan.aghababyan@ysu.am

©2026 Բոլոր իրավունքները պաշտպանված են: