«Երևանի պետական համալսարան» հիմնադրամի Իջևանի մասնաճյուղի ուսանողների ինքնուրույն աշխատանքների կազմակերպման եվ կատարման կարգ

ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է «Երևանի պետական համալսարան» հիմնադրամի (այսուհետև՝ ԵՊՀ ԻՄ կամ Մասնաճյուղ) ուսանողների ինքնուրույն աշխատանքների նպատակը, խնդիրները, ձևերը և ինքնուրույն աշխատանքների կազմակերպչական- մեթոդական ապահովման սկզբունքները: 

2. «Երևանի պետական համալսարան» հիմնադրամի Իջևանի մասնաճյուղի ուսանողների ինքնուրույն աշխատանքի կազմակերպման և կատարման կարգը (այսուհետև`Կարգ) մշակված է «Երևանի պետական համալսարան» հիմնադրամի (այսուհետ՝ ԵՊՀ) և «Երևանի պետական համալսարան» հիմնադրամի Իջևանի մասնաճյուղի կանոնադրությունների, «ԵՊՀ ԻՄ ուսումնական գործընթացի կազմակերպման կարգի» հիման վրա: 

3. Ուսանողի ինքնուրույն աշխատանքը ուսումնական գործընթացի կարևորագույն բաղադրիչ է և պարտադիր է յուրաքանչյուր ուսանողի համար: 

4. Ուսանողների ինքնուրույն աշխատանքի ծավալը ներառվում է կրթական ծրագրի յուրաքանչյուր դասընթացի ընդհանուր ժամաքանակի մեջ և հաշվարկվում է` համաձայն «ԵՊՀ ԻՄ ուսումնական գործընթացի կազմակերպման կարգի»: 

5. Ինքնուրույն աշխատանքները. 

   1. իրականացվում են ուսանողների կողմից ինքնուրույն՝ դասաժամերին և/կամ դասաժամերից դուրս, 

   2. իրականացվում են անհատական և/կամ խմբային առաջադրանքներով, 

   3. իրականացվում են լսարանային պարապմունքներին զուգահեռ և փոխհամաձայնեցված, 

   4. ենթադրում են ժամանակակից տեղեկատվական տեխնոլոգիաների կիրառում, 

   5. միտված են դասընթացի վերջնարդյունքների ձևավորմանը: 

6. Ուսանողի ինքնուրույն աշխատանքի ձևերը որոշում են ամբիոնները համաձայն կրթական ծրագրի վերջնարդյունքների՝ պայմանավորված ուսումնասիրվող դասընթացների բովանդակությամբ, առանձնահատկություններով, նպատակների և խնդիրների բարդության աստիճանով։ 

7. Ինքնուրույն աշխատանքների ձևերը ամրագրվում են յուրաքանչյուր դասընթացի փաթեթում` ինքնուրույն աշխատանքներին նվիրված մեթոդական նյութերում: 

8. Ուսանողի ինքնուրույն աշխատանքի կատարման տարրերն են՝ պլանավորումը, ինքնուրույն աշխատանքի իրականացումը, իրականացման վերահսկումը և գնահատումը, աշխատանքի վերլուծությունը և բարելավումը: