Ընդհանուր տվյալներ
Մանկավարժության և հոգեբանության ամբիոնի կանոնադրություն
ԸՆԴՀԱՆՈՒՐ ԴՐՈՒՅԹՆԵՐ
Սույն կանոնադրությունը ‹‹ԵՊՀ›› հիմնադրամի Իջևանի մասնաճյուղի կանոնադրության հիմնադրույթներին համապատասխան սահմանում է մասնաճյուղի հումանիտար գիտությունների(ՀԳ) ֆակուլտետի մանկավարժության և հոգեբանության ամբիոնի կառուցվածքը, գործառույթները, կառավարումը, ամբիոնի ստեղծման պրոֆեսորադասախոսական կազմի ձևավորման, վերակազմավորման և լուծարման սկզբունքները:
Ամբիոնը մասնաճյուղի ֆակուլտետի կառուցվածքային հիմնական ուսումնագիտական ստորաբաժանումն է, որը միավորում է մասնագիտական ընդհանրություն ունեցող գիտամանկավարժական կազմը, կազմակերպում և իրականացնում է ուսումնական գործընթաց, ուսումնամեթոդական, հետազոտական և կազմակերպչական աշխատանքներ, բարձրորակ մասնագետների և գիտամանկավարժական կադրերի պատրաստում, նրանց որակավորման բարձրացման և վերաորակավորման գործընթացներ:
Ամբիոնի ստեղծման, վերակազմավորման և լուծարման մասին որոշումները, կառուցվածքը, իրավասությունները և գործունեության սկզբունքները կարգավորվում են ԵՊՀ ԻՄ-ի, ՀԳ ֆակուլտետի կանոնադրություններով և սույն կանոնադրությամբ: