Զարգացման հայեցակարգ ԵՊՀ Իջևանի մասնաճյուղի հումանիտար գիտությունների ֆակուլտետի 2026 - 2030

Հումանիտար գիտությունների ֆակուլտետը (այսուհետ՝ ֆակուլտետ) ԵՊՀ Իջևանի մասնաճյուղի գիտակրթական գործունեություն իրականացնող հիմնական ստորաբաժանումներից է, որը գործում է մասնաճյուղի գործունեության սկզբից ևեթ՝ 1994թ․ -ից, երբ ՀՀ կառավարության որոշմամբ Իջևանի տարածաշրջանային քոլեջը վերակազմավորվեց որպես ԵՊՀ Իջևանի մասնաճյուղ՝ առաքելություն ունենալով բավարարելու ՀՀ հյուսիսարևելյան տարածաշրջանի կադրային պահանջները, պատրաստելու կայուն գիտելիքներով, բազմակողմանի կրթություն ստացած, ազգանպաստ գործունեությամբ զբաղվող մասնագետներ, կասեցնելու սահմանամերձ շրջաններից երիտասարդության արտահոսքը։