Երևանի Վ. Բրյուսովի անվան պետական լեզվաբանական համալսարանի հայագիտության ամբիոնը 2014թ. հոկտեմբերի սկզբին կազմակերպում է հանրապետական գիտաժողով՝ նվիրված Հովհաննես Թումանյանի ծննդյան 145-ամյակին: 1. Հովհ. Թումանյանի ժառանգությունը 2. Հովհ. Թումանյանը և մշակույթների երկխոսությունը Գիտաժողովին մասնակցելու համար անհրաժեշտ է մինչև 2014 թվականի սեպտեմբերի 15-ը ուղարկել մասնակցության հայտ հետևյալ հասցեով՝ armenian@brusov.am : Գիտաժողովի աշխատանքները կընթանան ԵՊԼՀ-ի 1-ին մասնաշենքի նիստերի դահլիճում /Թումանյան 42, 2-րդ հարկ/: Գիտաժողովի աշխատանքային լեզուներն են հայերենը և ռուսերենը: Նախատեսվում է գիտաժողովին ներկայացված զեկուցումների տպագրություն առանձին ժողովածուով: Հետադարձ կապ Գիտաժողովի հետ կապված բոլոր հարցերով կարող եք դիմել ԵՊԼՀ-ի հայագիտության ամբիոն /010 53 16 18 (1-25), 091 46 17 68, էլ. փոստ՝ armenian@brusov.am/:

Կազմկոմիտե

2014 թ. մայիսի 18-ին նշվող թանգարանների միջազգային օրվան ընդառաջ` մայիսի 17-ին արդեն 10-րդ անգամ կանցկացվի «Թանգարանների գիշեր» համաեվրոպական միջոցառումը:

Այս տարի խորհրդանշական է անգամ մասնակից թանգարանների թիվը` Հայաստանի և Արցախի 100 թանգարանի մուտքը մինչև կեսգիշեր ազատ կլինի հասարակության առջև:

«Թանգարանների միջազգային օրվա» խորագիրն է «Թանգարանները միավորում են մեզ», որն ամբողջապես համապատասխանում է իր խորհրդին և առաքելությանը` միավորելով մարդկանց միևնույն գաղափարի շուրջ, ինչի վկայությունն է յուրաքանչյուր տարի ավելացող այցելությունների թիվը:

Մասնակից թանգարաններին և կազմակերպվող միջոցառումներին ծանոթացեք հետևյալ հղումով` http://issuu.com/mincultam/docs/tangaranayin_gisher_2014

Այս տարի առաջին անգամ կանցկացվի աննախադեպ ակցիա: «Թանգարանների գիշեր» միջոցառման տասնամյակի կապակացությամբ`

• Մայիսի 17-ին
•  Հայաստանի մի շարք թանգարաններում
• Տարածեք Ձեր «Թանգարանային սելֆին» ամբողջ Եվրոպայով

«Գեղադիտակ» (Kaleidoscope) թվային ծրագիրը ստեղծվել է «Թանգարանների գիշեր» միջոցառման համար, որը հնարավորություն է տալիս մայիսի 17-ին տեսնել Եվրոպայի տարբեր թանգարաններում արված այցելուների «սելֆիները» (ինքնալուսանկար բջջային հեռախոսով): Ծրագրին մասնակցելու համար`

• Ձեր բջջային հեռախոսում անվճար ներբեռնեք MobilActif (App Store, Android Market) հավելվածը
• Մայիսի 17-ին ակտիվացրեք NDM14 գաղտնաբառը
• Լուսանկարվեք թանգարանում` ավելացնելով թանգարանի անվանումն ու վայրը
• Ուղարկեք Ձեր լուսանկարը MobilActif հավելվածի միջոցով

Հեռախոսային հավելվածը կարող եք ներբեռնել հետևյալ հղումներով` https://itunes.apple.com/fr/app/mobilactif/id721606706?mt=8 http://android.m.brothersoft.com/mobilactif-639913.html

Այղ հղումով էլ կարող եք ծանոթանալ «Թանգարանային սելֆի»-ի մասին պատմող հոլովակին` http://www.dailymotion.com/video/x1tejf3_le-kaleidoscope-de-la-nuit_creation

Համոզված ենք, որ հայաստանյան այցելուները աչքի կընկնեն ակտիվությամբ և ինքնատիպ մոտեցումներով:

Միջոցառման մանրամասներին ծանոթացեք ՀՀ մշակույթի նախարարության պաշտոնալան կայքէջում` http://mincult.am/:

Աղբյուրը` armacad.blogspot.com

Հարգելի՛ համալսարանականներ, 2014թ. մայիսի 16-ին` ժամը 14:30-ին, ԵՊՀ ԻՄ-ի կիրառական արվեստի ֆակուլտետի դահլիճում տեղի կունենա ռուսերեն լեզվով գրական-երաժշտական միջոցառում` “Куда уходит детство” խորագրով:

Բոլորին սիրով հրավիրում ենք: